ಸದಾ ಸೆಕ್ಯೂರಿಟಿ ಇರುವ ನಮ್ಮಂತಹ ಸೆಲಬ್ರಿಟಿಗಳಿಗೇ ರಕ್ಷಣೆ ಇಲ್ಲದ ಮೇಲೆ ಸಾಮಾನ್ಯ ಹೆಣ್ಣುಮಕ್ಕಳ ಪಾಡೇನು ಎಂದು ಬಾಲಿವುಡ್ ನಟಿ ಇಶಾ ಗುಪ್ತಾ ಕಳವಳ ವ್ಯಕ್ತಪಡಿಸಿದ್ದಾರೆ. ಅಷ್ಟಕ್ಕೂ ಆಕೆ ಹೀಗೆ ಹೇಳಿರುವುದಕ್ಕೆ ಕಾರಣ ಕೂಡಾ ಇದೆ.
ನನಗೇ ಈ ರೀತಿಯಾದರೆ ಸಾಮಾನ್ಯ ಹುಡುಗಿಯರ ಗತಿ ಏನು: ಬಾಲಿವುಡ್ ನಟಿ ಕಳವಳ
ಸ್ನೇಹಿತೆಯರೊಂದಿಗೆ ರೆಸ್ಟೋರೆಂಟ್ಗೆ ಊಟಕ್ಕೆ ಹೋದಾಗ ಆ ರೆಸ್ಟೋರೆಂಟ್ ಮಾಲೀಕ ತನ್ನೊಂದಿಗೆ ಅಸಭ್ಯವಾಗಿ ವರ್ತಿಸಿದ್ದಾನೆ. ನನ್ನಂತಹ ಸೆಲಬ್ರಿಟಿಗೆ ಈ ರೀತಿ ಅನುಭವ ಆದರೆ ಸಾಮಾನ್ಯ ಹುಡುಗಿಯರಿಗೆ ಈ ದೇಶದಲ್ಲಿ ಭದ್ರತೆ ಎಲ್ಲಿದೆ ಎಂದು ಬಾಲಿವುಡ್ ನಟಿ ಇಶಾ ಗುಪ್ತಾ ಪ್ತಶ್ನಿಸಿದ್ದಾರೆ.
ಇತ್ತೀಚೆಗೆ ಇಶಾ ತನ್ನ ಸ್ನೇಹಿತೆಯರೊಂದಿಗೆ ದೆಹಲಿಯಲ್ಲಿ ರೆಸ್ಟೋರೆಂಟ್ ಒಂದಕ್ಕೆ ಊಟಕ್ಕೆ ಹೋಗಿದ್ದಾರೆ. ಅಲ್ಲಿ ತನ್ನ ಎದುರಿಗೆ ಕುಳಿತಿದ್ದ ಆ ರೆಸ್ಟೋರೆಂಟ್ ಮಾಲೀಕ ನನ್ನೊಂದಿಗೆ ಅಸಭ್ಯವಾಗಿ ವರ್ತಿಸಿದ. ನನ್ನ ಜೊತೆ ಇಬ್ಬರು ಬಾಡಿ ಗಾರ್ಡ್ಗಳಿದ್ದರೂ ಆತನ ವರ್ತನೆ ಅಸಭ್ಯವಾಗಿತ್ತು. ಒಂದು ವೇಳೆ ಸೆಕ್ಯೂರಿಟಿಗಳು ನನ್ನೊಂದಿಗೆ ಇಲ್ಲದಿದ್ದಲ್ಲಿ ಆತನಿಂದ ಖಂಡಿತಾ ನನಗೆ ತೊಂದರೆಯಾಗುತ್ತಿತ್ತು. ನನ್ನಂತಹ ಸೆಲಬ್ರಿಟಿಗಳಿಗೆ ಈ ರೀತಿ ಆದರೆ ಸಾಮಾನ್ಯ ಹೆಣ್ಣುಮಕ್ಕಳ ಪಾಡೇನು ಎಂದು ಇಶಾ ತಮ್ಮ ಟ್ವಿಟರ್ನಲ್ಲಿ ಹೇಳಿಕೊಂಡಿದ್ದಾರೆ. ಆ ರೆಸ್ಟೋರೆಂಟ್ ಮಾಲೀಕನ ಹೆಸರನ್ನು ಕೂಡಾ ಇಶಾ ಬಹಿರಂಗಪಡಿಸಿದ್ದಾರೆ.