ಮಾಜಿ ಪ್ರಧಾನಿ ಹೆಚ್.ಡಿ.ದೇವೇಗೌಡರ ಯೋಗ ಮಾಡುತ್ತಿರುವ ಫೋಟೊಗೆ ತಮಿಳು ನಟ ಸಿದ್ದಾರ್ಥ್ ಅಪಹಾಸ್ಯದ ರೀತಿಯಲ್ಲಿ ಕಮೆಂಟ್ ಮಾಡಿದ್ದಾರೆ.
ದೇವೇಗೌಡರ ಆ ಫೋಟೊಗೆ ನಟ ಸಿದ್ದಾರ್ಥ್ ಅಪಹಾಸ್ಯ: ನೆಟ್ಟಿಗರು ಏನೆಂದರು?
ಕಳೆದ ವರ್ಷ ವಿಶ್ವಯೋಗ ದಿನದಂದು ದೇವೇಗೌಡರು ಬೆಡ್ ಮೇಲೆ ಮಲಗಿ ಯೋಗಾಸನ ಮಾಡುತ್ತಿರುವ ಫೋಟೊವೊಂದಕ್ಕೆ ನಟ ಸಿದ್ದಾರ್ಥ್ ಕಾಮೆಂಟ್ ಮಾಡಿದ್ದಾರೆ.
ಚಿತ್ರಕೃಪೆ: ಟ್ವಿಟರ್
ವ್ಯಕ್ತಿಯೊಬ್ಬರು ದೇವೇಗೌಡರ ಬೆಡ್ ಮೇಲೆ ಮಲಗಿ ಯೋಗ ಮಾಡುತ್ತಿರುವ ಫೋಟೊವನ್ನು ತಮ್ಮ ಟ್ವಿಟರ್ಲ್ಲಿ ಶೇರ್ ಮಾಡಿ, ಇದು ಸಂಪೂರ್ಣ ನವೋದಯದ ಕಲೆ ಎಂದು ಕಾಮೆಂಟ್ ಮಾಡಿದ್ದರು. ಇದೀಗ ಪ್ರತಿಕ್ರಿಯಿಸಿರುವ ಸಿದ್ದಾರ್ಥ್, ದೇವೇಗೌಡರು ಚಿಕ್ಕವಯಸ್ಸಿನಿಂದಲೇ ಸಾರ್ವಜನಿಕವಾಗಿ ಹೀಗೆ ಮಲಗುತ್ತಿದ್ದರು. ಈಗ ಅದನ್ನು ಯೋಗ ಎಂದು ಕರೆಯುತ್ತಾರೆ ಎಂದು ಅಪಹಾಸ್ಯ ಮಾಡುವ ರೀತಿಯಲ್ಲಿ ಕಮೆಂಟ್ ಮಾಡಿದ್ದರು.
ಇನ್ನು ಈ ಹಿಂದೆ ಪ್ರಧಾನಿ ಮೋದಿ ಅವರ ಸಂದರ್ಶನ ನಡೆಸಿದ್ದ ನಟ ಅಕ್ಷಯ್ ಕುಮಾರ್ ಅವರನ್ನು ಟೀಕಿಸಿದ್ದ ಸಿದ್ದಾರ್ಥ್, ಸಾಕಷ್ಟು ವಿರೋಧ ಕಟ್ಟಿಕೊಂಡಿದ್ದರು. ಇದೀಗ ಕರ್ನಾಟಕದ ಹಿರಿಯ ರಾಜಕೀಯ ನಾಯಕ ದೇವೇಗೌಡರಿಗೆ ಅಪಮಾನ ಮಾಡುವ ರೀತಿಯಲ್ಲಿ ಟ್ವಿಟರ್ ಪೋಸ್ಟ್ ಮಾಡಿದ್ದಾರೆ.