ಮುಂಬೈ (ಮಹಾರಾಷ್ಟ್ರ):ಹಿಂದಿ ಬಿಗ್ಬಾಸ್ ಶೋನಿಂದ ಸ್ಪರ್ಧಿ ಉಮರ್ ರಿಯಾಜ್ ಎಲಿಮಿನೇಟ್ ಆಗಿದ್ದಾರೆ. ನಾಲ್ಕು ತಿಂಗಳ ಕಾಲ ಬಿಗ್ ಬಾಸ್ 15ರಲ್ಲಿ ಉಳಿದುಕೊಂಡಿದ್ದು, ಇನ್ನೇನು ಕೆಲವೇ ವಾರಗಳಲ್ಲಿ ಫಿನಾಲೆ ತಲುಪಲಿರುವ ಈ ಸಮಯದಲ್ಲಿ ಉಮರ್ ರಿಯಾಜ್ ಅವರನ್ನು ಶೋನಿಂದ ಎಲಿಮಿನೇಟ್ ಮಾಡಲಾಗಿದೆ.
ಇದಕ್ಕೆ ಅವರ ಅಭಿಮಾನಿಗಳು ಅಸಮಾಧಾನ ವ್ಯಕ್ತಪಡಿಸುತ್ತಿದ್ದಾರೆ. ಶೋ ಮೇಕರ್ಸ್ ಪಕ್ಷಪಾತ ಮಾಡುತ್ತಿದ್ದಾರೆ ಎಂದು ಉಮರ್ ಅಭಿಮಾನಿಗಳು ಆರೋಪಿಸುತ್ತಿದ್ದಾರೆ.
ಉಮರ್ ರಿಯಾಜ್ ಅವರ ಸಹೋದರ ಮತ್ತು ಬಿಗ್ ಬಾಸ್ 13ರ ಫೈನಲಿಸ್ಟ್ ಆಗಿದ್ದ ಅಸಿಮ್ ರಿಯಾಜ್ ಅವರು, "ಚೆನ್ನಾಗಿ ಆಡಿದ್ದೀರ, @ರಿಯಲ್ ಉಮರ್ ರಿಯಾಜ್, ಲವ್ ಯು ಬ್ರೋ" ಎಂದು ಟ್ವಿಟರ್ನಲ್ಲಿ ಬರೆದುಕೊಂಡಿದ್ದಾರೆ.
ಮತ್ತೊಂದೆಡೆ ಬಿಗ್ ಬಾಸ್ 14ರಲ್ಲಿ ಭಾಗವಹಿಸಿದ್ದ ಅಸಿಮ್ ಅವರ ಗೆಳತಿ ಹಿಮಾಂಶಿ ಖುರಾನಾ ಕಾರ್ಯಕ್ರಮದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಪ್ರತಿ ಸೀಸನ್ನಲ್ಲೂ ಹೀಗೆ ಆಗುತ್ತದೆ ಎಂದು ಕಿಡಿಕಾರಿದ್ದಾರೆ. ಜೊತೆಗೆ "ಚೆನ್ನಾಗಿ ಆಡಿದ್ದಾರೆ, @ರಿಯಲ್ ಉಮರ್ ರಿಯಾಜ್, ನಾವು ನಿಮ್ಮೊಂದಿಗಿದ್ದೇವೆ'' ಎಂದು ಟ್ವೀಟ್ ಮಾಡಿದ್ದಾರೆ.