ಸ್ಯಾನ್ ಫ್ರಾನ್ಸಿಸ್ಕೋ(ಅಮೆರಿಕ): ಗೂಗಲ್ ಮೀಟ್ ಮೂಲಕ ಏರ್ಪಡಿಸಲಾದ ಸಭೆಯಲ್ಲಿ ಸ್ಪೀಕರ್ ಒಬ್ಬರು ಗೂಗಲ್ ಸ್ಲೈಡ್‌ಗಳನ್ನು ಪ್ರಸ್ತುತಪಡಿಸುವಾಗ ಇತರ ಬಳಕೆದಾರರು ತಮ್ಮ ಸ್ಪೀಕರ್ ನೋಟ್ಸ್ಗಳನ್ನು ಗೂಗಲ್ ಮೀಟ್‌ನಲ್ಲಿ ವೀಕ್ಷಿಸಲು ಅನುವು ಮಾಡಿಕೊಡುವ ಹೊಸ ಫೀಚರ್ ಅಳವಡಿಸಿದೆ ಎಂದು ಜಾಗತಿಕ ತಂತ್ರಜ್ಞಾನ ಸಂಸ್ಥೆ ಗೂಗಲ್ ಹೇಳಿದೆ. ಬಳಕೆದಾರರು ತಮ್ಮ ಸ್ಪೀಕರ್ ನೋಟ್ಸ್ಗಳನ್ನು ಕಾಲ್ನಲ್ಲಿ ಪ್ರದರ್ಶಿಸಲು ಮೀಟ್ ನಲ್ಲಿನ ಸ್ಲೈಡ್‌ಗಳ ಕಂಟ್ರೋಲ್ ಬಾರ್‌ನಲ್ಲಿರುವ ಹೊಸ ಸ್ಪೀಕರ್ ನೋಟ್ಸ್ ಬಟನ್ ಅನ್ನು ಕ್ಲಿಕ್ ಮಾಡಬೇಕು ಎಂದು ಗೂಗಲ್ ಕಂಪನಿ ತನ್ನ ವರ್ಕಸ್ಪೇಸ್ ಅಪ್ಡೇಟ್ಸ್ ಬ್ಲಾಗ್ಸ್ಪಾಟ್ನಲ್ಲಿ ತಿಳಿಸಿದೆ.
ಹೊಸ ಫೀಚರ್ನಿಂದ ಬಳಕೆದಾರರು ಹೆಚ್ಚಿನ ವಿಶ್ವಾಸದಿಂದ ಪ್ರಸೆಂಟೇಶನ್ ನೀಡಬಹುದು ಮತ್ತು ನೋಟ್ಸ್ ಮತ್ತು ಸ್ಲೈಡ್‌ಗಳ ನಡುವೆ ಬದಲಾಯಿಸದೆಯೇ ತಮ್ಮ ಪ್ರೇಕ್ಷಕರೊಂದಿಗೆ ಸಂವಾದದಲ್ಲಿ ತೊಡಗಿಸಿಕೊಳ್ಳಬಹುದು. ಇದಲ್ಲದೇ, ಈ ಫೀಚರ್ ಅಡ್ಮಿನ್ ಕಂಟ್ರೋಲ್ ಹೊಂದಿಲ್ಲ ಮತ್ತು ವೈಯಕ್ತಿಕ Google ಖಾತೆಗಳನ್ನು ಹೊಂದಿರುವ ಬಳಕೆದಾರರಿಗೆ ಲಭ್ಯವಿರುವುದಿಲ್ಲ. ಏತನ್ಮಧ್ಯೆ, ಕಳೆದ ವರ್ಷ ಅಕ್ಟೋಬರ್‌ನಲ್ಲಿ, ಟೆಕ್ ದೈತ್ಯ ಗೂಗಲ್ ಸ್ಲೈಡ್‌ಗಳನ್ನು ನೇರವಾಗಿ ಗೂಗಲ್ ಮೀಟ್‌ನಲ್ಲಿ ಪ್ರಸ್ತುತಪಡಿಸುವ ಫೀಚರ್ ಅನ್ನು ಪರಿಚಯಿಸಿತ್ತು. ಇದರೊಂದಿಗೆ ಬಳಕೆದಾರರು ಮೀಟ್‌ನಿಂದ ಸ್ಲೈಡ್‌ಗಳನ್ನು ಪ್ರಸ್ತುತಪಡಿಸುವ ಮೂಲಕ ಒಂದೇ ಸ್ಕ್ರೀನ್ನಲ್ಲಿ ತಮ್ಮ ಪ್ರೇಕ್ಷಕರೊಂದಿಗೆ ಸಂವಾದದಲ್ಲಿ ತೊಡಗಿಸಿಕೊಳ್ಳಬಹುದು.
ಶೇರ್ಚಾಟ್ನಲ್ಲಿ ಉದ್ಯೋಗ ಕಡಿತ: ಗೂಗಲ್ ಮತ್ತು ಟೆಮಾಸೆಕ್ ಬೆಂಬಲಿತ ಕಿರು ವೀಡಿಯೊ-ಹಂಚಿಕೆ ಪ್ಲಾಟ್‌ಫಾರ್ಮ್ ಭಾರತ ಮೂಲದ ಶೇರ್‌ಚಾಟ್, ಸೋಮವಾರ ತನ್ನ ಸುಮಾರು ಶೇ 20 ರಷ್ಟು ಉದ್ಯೋಗಿಗಳನ್ನು ಹೊರಹಾಕಿದೆ ಎಂದು ಹೇಳಿದೆ. ಸ್ಟಾರ್ಟಪ್ಗಳು ವೆಚ್ಚ ಕಡಿತಗೊಳಿಸಲು ಹೂಡಿಕೆದಾರರಿಂದ ಹೆಚ್ಚುತ್ತಿರುವ ಒತ್ತಡ ಎದುರಿಸುತ್ತಿರುವುದರಿಂದ ಇಂಥ ಕ್ರಮ ಅನಿವಾರ್ಯವಾಗಿದೆ ಎನ್ನಲಾಗಿದೆ. ಪ್ರಸ್ತುತ ಜಾಗತಿಕ ಆರ್ಥಿಕ ಕುಸಿತವು ಹೆಚ್ಚು ನಿರಂತರವಾಗಿರಲಿದೆ ಎಂದು ಮಾರುಕಟ್ಟೆಯಲ್ಲಿ ಅಭಿಪ್ರಾಯ ಮೂಡಿದೆ. ನಾವು ದುರದೃಷ್ಟವಶಾತ್, ನಮ್ಮ ತಂಡದ ಗಾತ್ರವನ್ನು ಕಡಿಮೆ ಮಾಡುವ ಮೂಲಕ ಹೆಚ್ಚಿನ ವೆಚ್ಚ ಉಳಿತಾಯ ಹುಡುಕಬೇಕಾಗಿದೆ ಎಂದು ಶೇರ್‌ಚಾಟ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಅಂಕುಶ್ ಸಚ್‌ದೇವ ಆಂತರಿಕ ಮೆಮೊದಲ್ಲಿ ತಿಳಿಸಿದ್ದಾರೆ.