ವಾಷಿಂಗ್ಟನ್: ಯುಸ್ ಸೆನೆಟ್ನ ಕೆಲ ರಿಪಬ್ಲಿಕನ್ ಪಕ್ಷದ ಸದಸ್ಯರು, ತಮ್ಮದೇ ಪಕ್ಷದ ಹಾಗೂ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ವಿರುದ್ಧದ ಆರೋಪಗಳನ್ನು ವಿಚಾರಣೆಯಿಲ್ಲದೆ ಸಂಪೂರ್ಣವಾಗಿ ತಳ್ಳಿಹಾಕುವ ಪ್ರಯತ್ನಕ್ಕೆ ವಿರೋಧ ವ್ಯಕ್ತಪಡಿಸಿದ್ದಾರೆ.
ಕಾಂಗ್ರೆಸ್ ಮೇಲ್ಮನೆ, ಮುಂದಿನ ದಿನಗಳಲ್ಲಿ ಟ್ರಂಪ್ ವಾಗ್ದಂಡನೆ ಪ್ರಕ್ರಿಯೆಯನ್ನು ಪ್ರಾರಂಭಿಸಲು ಸಜ್ಜಾಗಿದೆ. ಹೀಗಾಗಿ ರಿಪಬ್ಲಿಕನ್ನರು ಟ್ರಂಪ್ ವಿರುದ್ಧದ ಆರೋಪಗಳನ್ನು ಯಾವುದೇ ವಿಚಾರಣೆಯಿಲ್ಲದೇ ವಜಾಗೊಳಿಸುವುದಕ್ಕೆ ವಿರೋಧ ವ್ಯಕ್ತಪಡಿಸಿದ್ದಾರೆ.
ನಮ್ಮ ಸದಸ್ಯರು ಟ್ರಂಪ್ರನ್ನು ವಜಾಗೊಳಿಸುವ ಪ್ರಕ್ರಿಯೆ ಬಗ್ಗೆ ಆಸಕ್ತಿ ಹೊಂದಿಲ್ಲ ಎಂದು ರಿಪಬ್ಲಿಕನ್ ಪಕ್ಷದ ನಾಯಕ ರಾಯ್ ಬ್ಲಂಟ್ ಹೇಳಿದ್ದಾರೆ. ಈ ಬಗ್ಗೆ ಎರಡೂ ಕಡೆಯಿಂದ ವಿಚಾರಣೆ ನಡೆಸಬೇಕಿದೆ. ಅಲ್ಲದೆ ನ್ಯಾಯಯುತ ನೆಲೆಯಲ್ಲಿ ಅಧ್ಯಕ್ಷರ ಅಭಿಪ್ರಾಯವನ್ನೂ ಕೇಳಬೇಕಿದೆ ಎಂದು ರಾಯ್ ಬ್ಲಂಟ್ ಹೇಳಿದ್ದಾರೆ.
ಡೆಮೋಕ್ರಾಟಿಕ್ ನೇತೃತ್ವದ ಯುಎಸ್ ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ ಈ ವಾರ ಟ್ರಂಪ್ ಬಗೆಗಿನ ಆರೋಪಗಳನ್ನು ಔಪಚಾರಿಕವಾಗಿ ಸೆನೆಟ್ಗೆ ಕಳುಹಿಸುವ ನಿರೀಕ್ಷೆಯಿದೆ. ಅಲ್ಲಿ ಬಹುಮತ ಹೊದಿರುವ ನಾಯಕ ಮಿಚ್ ಮೆಕ್ಕಾನ್ನೆಲ್, ತನ್ನ ಸಹವರ್ತಿ ರಿಪಬ್ಲಿಕನ್ ಟ್ರಂಪ್ ಅವರ ಆರೋಪಗಳನ್ನು ಖುಲಾಸೆಗೊಳಿಸಲು ಸಹಾಯ ಮಾಡುವುದಾಗಿ ಪ್ರತಿಜ್ಞೆ ಮಾಡಿದ್ದಾರೆ.
ಈ ಬಗ್ಗೆ ಸೋಮವಾರ ನಡೆದ ಕಲಾಪದಲ್ಲಿ, ಸ್ಪೀಕರ್ ನ್ಯಾನ್ಸಿ ಪೆಲೋಸಿ ಅವರೊಂದಿಗಿನ ಸಭೆಯನ್ನು ತ್ಯಜಿಸಿದ ರಿಪಬ್ಲಿಕನ್ ಸದಸ್ಯರು, ಈ ಪ್ರಕರಣದ ವಿಚಾರಣೆಗೆ ಶಾಸಕರನ್ನು ಹೆಸರಿಸಲು ಮತ್ತು ಅದರ ಎರಡು ವಾಗ್ದಂಡನೆ ಆರೋಪಗಳನ್ನು ಸೆನೆಟ್ಗೆ ಕಳುಹಿಸಲು ಮೇಲ್ಮನೆಯಲ್ಲಿ ಬುಧವಾರ ಮತ ಚಲಾಯಿಸುವ ಸಾಧ್ಯತೆಯಿದೆ ಎಂದು ಸೂಚಿಸಿದೆ.
ಟ್ವಿಟ್ಟರ್ನಲ್ಲಿ ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಟ್ರಂಪ್, ಪೂರ್ಣ ವಿಚಾರಣೆಯನ್ನು ನಡೆಸುವುದು ಪಕ್ಷಪಾತವಿಲ್ಲದ ವಿಶ್ವಾಸಾರ್ಹ ಅಂಶ. ಇಲ್ಲದಿದ್ದರೆ ಅದು ವಿಶ್ವಾಸಾರ್ಹವಲ್ಲ ಕ್ರಮವಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.