ಬೆಂಗಳೂರು:ಎಲೋನ್ ಮಸ್ಕ್ ಟ್ವಿಟರ್ ಸಂಸ್ಥೆ ಮಾಲೀಕರಾದ ಬಳಿಕ ಅನೇಕ ಹೊಸ ಹೊಸ ನಿಯಮಗಳನ್ನು ಜಾರಿಗೆ ತಂದಿದ್ದಾರೆ. ಅವುಗಳಲ್ಲಿ ಒಂದು ಬ್ಲೂಟಿಕ್ ಚಂದಾದಾರಿಕೆ. ಅದರ ಕಟ್ಟು ನಿಷ್ಟಿನ ಅನುಷ್ಟಾನಕ್ಕೆ ಮುಂದಾಗಿರುವ ಅವರು, ಇದೀಗ ಅನೇಕ ಸೆಲೆಬ್ರಿಟಿಗಳ ಖಾತೆಯಲ್ಲಿದ್ದ ಬ್ಲೂಟಿಕ್ ಅನ್ನು ತೆಗೆದು ಹಾಕಿದ್ದಾರೆ. ಟ್ವಿಟರ್ ಬ್ಲೂಟಿಕ್ ಸೇವೆ ಹಣ ಪಾವತಿ ಮಾಡದ ಹಿನ್ನಲೆ ಬಾಲಿವುಡ್ ನಟರಾದ ಶಾರುಖ್ ಖಾನ್, ಸಲ್ಮಾನ್ ಖಾನ್ ಖಾತೆಯಲ್ಲಿದ್ದ ಈ ಬ್ಲೂ ಟಿಕ್ ಕಣ್ಮರೆಯಾಗಿದೆ. ಸೆಲೆಬ್ರಿಟಿ, ಪತ್ರಕರ್ತರು ಮತ್ತು ಸಾರ್ವಜನಿಕ ವ್ಯಕ್ತಿಗಳ ಹೆಸರಿನಲ್ಲಿ ನಕಲಿ ಖಾತೆ ಹಾವಳಿ ತಡೆಯುವ ಉದ್ದೇಶದಿಂದ ಈ ಕಠಿಣ ಕ್ರಮ ತೆಗೆದು ಕೊಳ್ಳಲಾಗಿದೆ ಎಂದು ಸಂಸ್ಥೆ ಈ ಹಿಂದೆ ತಿಳಿಸಿತ್ತು.
ಎಲೋನ್ ಮಸ್ಕ್ನ ಈ ಬಿಗಿ ನಿಯಮ ಪಾಲನೆಗೆ ಬಾಲಿವುಡ್ನ ಅನೇಕ ಮಂದಿ ತಮ್ಮ ಬ್ಲೂ ಟಿಕ್ ಲೆಗಸಿಯನ್ನು ಕಳೆದುಕೊಂಡಿದ್ದಾರೆ. ಕೇವಲ ಶಾರುಖ್ ಖಾನ್, ಸಲ್ಮಾನ್ ಖಾನ್ ಮಾತ್ರವಲ್ಲದೇ, ಅಮಿತಾ ಬಚ್ಚನ್, ದೀಪಿಕಾ ಪಡುಕೋಣೆ, ಎಆರ್ ರೆಹಮಾನ್, ರಜಿನಿಕಾಂತ್ ಮತ್ತು ಆಲಿಯಾ ಸೇರಿದಂತೆ ಹಲವರು ಟ್ವಿಟರ್ ಬ್ಲೂ ಟಿಕ್ ಸೇವೆ ಕಳೆದುಕೊಂಡಿದ್ದಾರೆ. ಇನ್ನು ಬಾಲಿವುಡ್ ಸೇರಿದಂತೆ ಭಾರತ ಚಿತ್ರೋದ್ಯಮದ ಅನೇಕ ಸ್ಟಾರ್ಗಳು ತಮ್ಮ ಈ ಬ್ಲೂ ಟಿಕ್ ಕಳೆದುಕೊಳ್ಳುತ್ತಿದ್ದಂತೆ ಅನೇಕ ಮೆಮ್ಗಳು ಹುಟ್ಟಿಕೊಂಡಿದ್ದೆ. ಟ್ವಿಟರ್ನಲ್ಲಿ ಈ ಸಂಬಂಧ ಕೆಲವು ಫನ್ನಿ ಪ್ರತಿಕ್ರಿಯೆಗಳು ಕೂಡ ವ್ಯಕ್ತವಾಗಿದೆ
ಮೈಕ್ರೋ ಬ್ಲಾಗಿಂಗ್ ಫ್ಲಾಟ್ಫಾರ್ಮ್ ಆಗಿರುವ ಟ್ವಿಟರ್ ಸಿಇಒ ಆಗಿರುವ ಎಲೋನ್ ಮಸ್ಕ್ ಈ ಹಿಂದೆಯೇ ಬ್ಲೂಟಿಕ್ ಪಾವತಿ ಚೆಂದಾದಾರಿಕೆ ಬಗ್ಗೆ ತಿಳಿಸಿದ್ದರು. ಈ ನಿಯಮದ ಕುರಿತು ಆಕ್ಷೇಪಣೆ ಕೇಳಿ ಬಂದಿತ್ತು. ಇದನ್ನು ತಾತ್ಕಲಿಕವಾಗಿ ಹಿಂಪಡೆದ ಅವರು ಇದರ ಅನುಷ್ಠಾನಕ್ಕೆ ಅವರು ಮುಂದಾಗಿರಲಿಲ್ಲ. ಆದರೆ, ಇದೀಗ ಮತ್ತೊಮ್ಮೆ ಈ ನಿಯಮ ಅನುಷ್ಟಾನಕ್ಕೆ ತಂದ ಅವರು, ಏಪ್ರಿಲ್ 20, 2023ರಿಂದ ಹೊಸ ನಿಯಮ ಪಾಲನೆ ಮುಂದಾದ ಅವರು ಹಣ ಪಾವತಿ ಮಾಡದ ಎಲ್ಲ ಸೆಲೆಬ್ರಿಟಿಗಳ ಬ್ಲೂಟಿಕ್ ಸೇವೆ ಕಿತ್ತು ಹಾಕಲಾಗುವುದು ಎಂದಿದ್ದರು. ಅದರಂತೆ ಇದೀಗ ಟ್ವಿಟರ್ ಕಾರ್ಯಾಚರಣೆ ನಡೆಸಿದೆ. ಇದರ ಜೊತೆಗೆ ಚಂದಾದಾರಿಕೆ ಪಾವತಿಸಿದ ಪರೀಶೀಲಿಸಿದ ಅಧಿಕೃತ ಪ್ರೂಫೈಲ್ಗಳಿಗೆ ಮಾತ್ರ ಈ ಬ್ಲೂಟಿಕ್ ಸೇವೆ ಲೆಗಸಿ ಮುಂದುವರೆಸಲಾಗಿದೆ.
ಈಗಾಗಲೇ ಯಾವು ಈ ಟ್ವಿಟರ್ ಬ್ಲೂ ಮೆಂಬರ್ಶಿಪ್ಗೆ ಪಾವತಿ ಮಾಡಿದ್ದಾರೋ ಅವರು ಪ್ರೊಫೈಲ್ನಲ್ಲಿ ಮಾತ್ರ ಈ ಬ್ಲೂ ಟಿಕ್ ಕಾಣಿಸುತ್ತಿದೆ. ಅನೇಕ ಮಂದಿ ಈ ಬ್ಲೂಟಿಕ್ ಸೇವೆ ಕಳೆದು ಕೊಂಡಿರುವುದರಿಂದ ಬೇಸರ ಕೂಡ ವ್ಯಕ್ತಪಡಿಸಿದ್ದಾರೆ. ಬ್ಲೂ ಟಿಕ್ ವೆರಿಫೈಡ್ ಹೊಂದಿರುವ ಚಂದಾದಾರರು ಕೇವಲ ಬ್ಲೂ ಟಿಕ್ ಮಾತ್ರವಲ್ಲದೇ, ಹಲವು ವೈಶಿಷ್ಟ್ಯಗಳನ್ನು ಕೂಡ ಪಡೆಯಬಹುದು. ಇದೀಗ ಬ್ಲೂಟಿಕ್ ಸೇವೆ ಕಳೆದು ಕೊಂಡಿರುವವರು ಹೊಸದಾಗಿ ಪರಿಚಯಿಸಿದ ಅನೇಕ ಸೇವೆಗಳ ಬಳಕೆಯನ್ನು ಕೂಡ ಪಡೆಯಲು ಸಾಧ್ಯವಾಗುವುದಿಲ್ಲ. ಈ ಟ್ವಿಟರ್ ಬ್ಲೂ ಟಿಕ್ಗೆ ಐಫೋನ್ ಬಳಕೆದಾರರು 11 ಡಾಲರ್ ಮತ್ತು ಆ್ಯಂಡ್ರೋಯ್ಡ್ಗೆ 8 ಡಾಲರ್ ಪಾವತಿ ಮಾಡಬೇಕು.
ಇದನ್ನೂ ಓದಿ:ಚಂದಾದಾರಿಕೆ ಆಧಾರಿತ ಹಣಗಳಿಸುವ ಯೋಜನೆ ಅನಾವರಣ: ಟ್ವಿಟರ್ ಸಿಇಒ
