'ಸಿಟಾಡೆಲ್​' ಟ್ರೇಲರ್​ ರಿಲೀಸ್​; ಪತ್ನಿಯ ನಟನೆ ಮೆಚ್ಚಿದ ನಿಕ್​

ಗ್ಲೋಬಾಲ್​ ಐಕಾನ್​ ಪ್ರಿಯಾಂಕಾ ಚೋಪ್ರಾ ನಟನೆಯ 'ಸಿಟಾಡೆಲ್​' ಟ್ರೇಲರ್​ ರಿಲೀಸ್​ ಆಗಿದೆ. ಪತ್ನಿಯ ನಟನೆಯನ್ನು ನಿಕ್​ ಜೋನಾಸ್ ಮೆಚ್ಚಿಕೊಂಡಿದ್ದಾರೆ.

ಬಾಲಿವುಡ್​ ದೇಸಿ ಗರ್ಲ್​ ಪ್ರಿಯಾಂಕಾ ಚೋಪ್ರಾ ನಟಿಸಿರುವ ಆಕ್ಷನ್​ ಸ್ಪೈ ಥ್ರಿಲ್ಲರ್​ ಸರಣಿ 'ಸಿಟಾಡೆಲ್' ಟ್ರೇಲರ್​ ಸೋಮವಾರ ಬಿಡುಗಡೆಯಾಗಿದೆ. ಪ್ರಿಯಾಂಕಾ ಹೊಸ ಲುಕ್ ಸಿನಿಪ್ರಿಯರ ಮೆಚ್ಚುಗೆ ಪಡೆದಿದೆ. ಟ್ರೇಲರ್​ ಬಿಡುಗಡೆಯಾದ ಕೆಲವೇ ನಿಮಿಷಗಳಲ್ಲಿ ಲಕ್ಷಗಟ್ಟಲೆ ವೀಕ್ಷಣೆ ಗಳಿಸಿದೆ. ಫ್ಯಾನ್ಸ್​ ಪ್ರಿಯಾಂಕಾ ನಟನೆ ನೋಡಿ 'ಬಾಲಿವುಡ್​ ರಿಯಲ್​ ಕ್ವೀನ್'​ ಎಂದು ಕರೆಯುತ್ತಿದ್ದಾರೆ.

ಅಂತೆಯೇ ಪ್ರಿಯಾಂಕಾ ಅವರ ಪತಿ ಅಮೆರಿಕನ್ ಗಾಯಕ ಮತ್ತು ನಟ ನಿಕ್​ ಜೋನಾಸ್​ ಅವರು ಪತ್ನಿ ನಟಿಸಿರುವ ಸಿಟಾಡೆಲ್​ ಸರಣಿಯ ಟ್ರೇಲರ್​ ನೋಡಿ ಉತ್ಸಾಹವನ್ನು ಕಮೆಂಟ್​ ಮೂಲಕ ವ್ಯಕ್ತಪಡಿಸುತ್ತಿದ್ದಾರೆ. ಪ್ರಿಯಾಂಕಾ ಅವರು ತಮ್ಮ ಟ್ರೇಲರ್​ ವಿಡಿಯೋವನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದಾರೆ. ಜಾಗತಿಕ ತಾರೆ ವಿಡಿಯೋವನ್ನು ಕೈಬಿಟ್ಟ ಕೂಡಲೇ ಅಭಿಮಾನಿಗಳು ಮತ್ತು ಸೆಲೆಬ್ರಿಟಿಗಳು ಕಮೆಂಟ್​ ಮೂಲಕ ಪ್ರತಿಕ್ರಿಯಿಸುತ್ತಿದ್ದಾರೆ. ಪೋಸ್ಟ್​ಗೆ ಪ್ರತಿಕ್ರಿಯಿಸಿರುವ ನಿಕ್​ ಜೋನಾಸ್​ ಫೈರ್​ ಎಮೋಜಿಯೊಂದಿಗೆ ಪ್ರಿಯಾಂಕಾ ಚೋಪ್ರಾ ನಟನೆಗೆ ಕಮೆಂಟ್​ ಮಾಡಿದ್ದಾರೆ. ಜೊತೆಗೆ ಹುಮಾ ಖುರೇಷಿ ಹೃದಯದ ಎಮೋಜಿನೊಂದಿಗೆ 'ವಾವ್​' ಎಂದು ಬರೆದಿದ್ದಾರೆ.

ಇದನ್ನೂ ಓದಿ:ಮೈ ಬೇಬಿ ಗರ್ಲ್ ಜಾಕಿ​.. ಜೈಲಿನಿಂದಲೇ ಪತ್ರ ಬರೆದು ಜಾಕ್ವೆಲಿನ್​ಗೆ ಹೋಳಿ ಶುಭಾಶಯ ಹೇಳಿದ ಸುಕೇಶ್​

ಸಿನಿಪ್ರಿಯರ ಮೆಚ್ಚುಗೆ ಗಳಿಸಿದ ಟ್ರೇಲರ್​: ಗ್ಲೋಬಾಲ್​ ಐಕಾನ್​ ಪ್ರಿಯಾಂಕಾ ಚೋಪ್ರಾ ನಟನೆಯ ಬಹು ನಿರೀಕ್ಷಿತ ಸರಣಿ 'ಸಿಟಾಡೆಲ್​' ಫಸ್ಟ್​ ಲುಕ್​ನಿಂದಲೇ ಕ್ರೇಜ್​ ಹೆಚ್ಚಿಸಿಕೊಂಡಿತ್ತು. ಇದೀಗ ಟ್ರೇಲರ್​ ರಿಲೀಸ್​ ಆದ ಮೇಲಂತೂ ಮತ್ತಷ್ಟು ಸಿನಿ ಪ್ರಿಯರು ಮೆಚ್ಚಿಕೊಂಡಿದ್ದಾರೆ. ಸಿಟಾಡೆಲ್​ ಟ್ರೇಲರ್​ನಲ್ಲಿ ಬಾಲಿವುಡ್​ ತಾರೆ ಅದ್ಭುತವಾಗಿ ಕಾಣಿಸಿಕೊಂಡಿದ್ದಾರೆ. ಸಿಟಾಡೆಲ್ ಸೀರಿಸ್​​ ರುಸ್ಸೋ ಬ್ರದರ್ಸ್‌ನ ಎಜಿಬಿಒ ಬ್ಯಾನರ್‌ನಿಂದ ರೆಡಿಯಾಗಿದೆ. ಏಪ್ರಿಲ್ 28ರಂದು ಪ್ರೈಮ್ ವಿಡಿಯೋದಲ್ಲಿ ಎರಡು ಸಂಚಿಕೆಗಳೊಂದಿಗೆ ಪ್ರಥಮ ಪ್ರದರ್ಶನಗೊಳ್ಳಲಿದೆ. ಉಳಿದ ಸಂಚಿಕೆಗಳು ಪ್ರತಿ ಶುಕ್ರವಾರದಂದು ಮೇ. 26 ರವರೆಗೆ ವಾರಕ್ಕೊಮ್ಮೆ ಪ್ರಸಾರವಾಗಲಿದೆ.

ಸಿಟಾಡೆಲ್‌ನ ಹಿಂದಿ ಆವೃತ್ತಿಯಲ್ಲಿ ಸಮಂತಾ: ಇನ್ನು, ಪ್ರಿಯಾಂಕಾ ಚೋಪ್ರಾ ಅವರ ವಿದೇಶಿ ಸೀರಿಸ್​ ಸಿಟಾಡೆಲ್‌ನ ಹಿಂದಿ ಆವೃತ್ತಿಯಲ್ಲಿ ನಟಿ ಸಮಂತಾ ರುತ್​ ಪ್ರಭು ಅಭಿನಯಿಸುತ್ತಿದ್ದಾರೆ. ಆದ್ರೆ ಈ ಸೀರಿಸ್​ಗೆ ಟೈಟಲ್​ ಫೈನಲ್​ ಆಗಿಲ್ಲ. ನಟಿ ಸಮಂತಾ ಜೊತೆಗೆ ಬಾಲಿವುಡ್ ನಟ ವರುಣ್ ಧವನ್ ಸಹ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ . ಸಮಂತಾ ಈ ಸರಣಿಯ ಶೂಟಿಂಗ್​ಗೆ ಬೇಕಾದ ತಯಾರಿಯನ್ನು ಬಹಳ ಹಿಂದೆಯೇ ಪ್ರಾರಂಭಿಸಿದ್ದಾರೆ.

ಸಿಟಾಡೆಲ್​ ಸರಣಿಯಲ್ಲಿ ನಟಿ ಸಮಂತಾ ಪತ್ತೇದಾರಿ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ಅವರ ಈ ಪಾತ್ರವು ಸಾಕಷ್ಟು ಕಠಿಣ ಆ್ಯಕ್ಷನ್ ಸೀಕ್ವೆನ್ಸ್‌ಗಳನ್ನು ಹೊಂದಿದೆ. ಈ ಆ್ಯಕ್ಷನ್ ಸೀರಿಸ್​ ಶೂಟಿಂಗ್​​ ಸಮಯದಲ್ಲಿ ಸಮಂತಾ ಗಾಯಗೊಂಡಿದ್ದರು. ಆ ಗಾಯಗಳ ಚಿತ್ರಗಳನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು.ಸಾಹಸ ನಿರ್ದೇಶಕ ಯಾಂಚಿಕ್ ಬೆನ್ ಅವರ ಮಾರ್ಗದರ್ಶನದಲ್ಲಿ ಸಮಂತಾ ಈ ಸಾಹಸಗಳನ್ನು ಮಾಡಿದ್ದಾರೆ.

ಇದನ್ನೂ ಓದಿ:'ನೋವಿನಿಂದ ಸಂಪೂರ್ಣವಾಗಿ ಚೇತರಿಸಿಕೊಳ್ಳಲು ಸಮಯ ತೆಗೆದುಕೊಳ್ಳುತ್ತದೆ': ಅಮಿತಾಭ್ ಬಚ್ಚನ್