ಹೈದರಾಬಾದ್: ಬಾಲಿವುಡ್ ನಟಿ ಅನನ್ಯಾ ಪಾಂಡೆ ಮತ್ತು ನಟ ಆದಿತ್ಯ ರಾಯ್ ಕಪೂರ್ ಡೇಟಿಂಗ್ ನಡೆಸುತ್ತಿದ್ದಾರೆ ಎಂಬ ಸುದ್ದಿ ಬಿಟೌನ್ ಗಲ್ಲಿಗಳಲ್ಲಿ ಸದ್ದು ಮಾಡುತ್ತಿದೆ. ಫ್ಯಾಷನ್ ವೀಕ್ನಲ್ಲಿ ಜೊತೆಯಾಗಿ ಕಾಣಿಸಿಕೊಂಡ ಈ ಜೋಡಿ ಅನೇಕ ಬಾರಿ ಒಟ್ಟಾಗಿ ಕಾಣಿಸಿಕೊಳ್ಳುವ ಮೂಲಕ ಈ ವದಂತಿಗೆ ಪುಷ್ಟಿ ನೀಡುತ್ತಿದ್ದಾರೆ. ಆದರೆ, ಈ ಬಗ್ಗೆ ಇಬ್ಬರೂ ಇದುವರೆಗೂ ಯಾವುದೇ ಹೇಳಿಕೆ ನೀಡದೇ, ಇದು ಕೇವಲ ಗಾಳಿ ಸುದ್ದಿ ಎನ್ನುತ್ತಿದ್ದಾರೆ. ಈ ನಡುವೆ ಅನನ್ಯಾ ಪಾಂಡೆ, ತಾಯಿ ಭಾವನ ಪಾಂಡೆ ಮಗಳ ಕುರಿತು ಈ ಗಾಳಿ ಸುದ್ದಿಗಳು ಮತ್ತು ಆಕೆಯ ಸಂಬಂಧಗಳ ಕುರಿತು ಮೊದಲ ಬಾರಿಗೆ ಮಾಧ್ಯಮಗಳ ಮುಂದೆ ಮಾತನಾಡಿದ್ದಾರೆ.
ಈ ಕುರಿತು ಮಾತನಾಡಿರುವ ನಟ ಚಂಕಿ ಪಾಂಡೆ ಹೆಂಡತಿ ಭಾವನ, ಅನನ್ಯಾ ಇನ್ನು ಏಕಾಂಗಿ, ಈ ರೀತಿ ಬಾಲಿವುಡ್ನ ನಟರೊಂದಿಗೆ ಓಡಾಡಿದಾಕ್ಷಣ ಸಂಬಂಧ ಇದೆ ಎನ್ನುವ ಗಾಳಿ ಸುದ್ದಿಗಳು ಈ ಉದ್ಯಮದಲ್ಲಿ ಸಾಮಾನ್ಯ. ಈಗಾಗಲೇ ಎಲ್ಲವನ್ನು ಸ್ವೀಕರಿಸಿದ್ದೀಯಾ. ಒಳ್ಳೆಯದು ಅಥವಾ ಕೆಟ್ಟದ್ದು ಎಲ್ಲವೂ ನಟನೆಯ ಅಗತ್ಯ ಭಾಗವಾಗಿರುತ್ತದೆ. ಅವರು, ನೆಗೆಟಿವ್ ಹೊರತಾಗಿ ಅನೇಕರ ಪ್ರೀತಿ ಮತ್ತು ಪ್ರಶಂಸೆಯನ್ನು ಪಡೆದಿದ್ದಾರೆ. ಈ ಹಿನ್ನೆಲೆಯಲ್ಲಿ ನಾನು ಸಕಾರಾತ್ಮಕ ಅಂಶಗಳಿಗೆ ಮಾತ್ರ ಗಮನ ಹರಿಸುತ್ತೇನೆ ಎಂದಿದ್ದಾರೆ
ಕೌಟುಂಬಿಕ ಹಿನ್ನೆಲೆ ಹೊಂದಿದ್ದರೂ ನಟಿ ಅನನ್ಯಾ ಪಾಂಡೆ ತಮ್ಮ ಸಿನಿ ಜೀವನದಲ್ಲಿ ಅನೇಕ ಏರಿಳಿತ ಕಂಡಿದ್ದು, ಅವರ ಕುಟುಂಬ ಬೆಂಬಲವಾಗಿ ನಿಂತಿದೆ. ಇನ್ನು ತಾಯಿಯಾಗಿ ಮಗಳಿಗೆ ಯಾವ ರೀತಿ ಆಕೆಯ ವೃತ್ತಿ ಜೀವನದ ಸೋಲು - ಗೆಲುವು ಕುರಿತು ಮಾತನಾಡಿರುವ ಭಾವನಾ, ನಿನ್ನ ಬಗ್ಗೆ ನೀನು ಕಠಿಣವಾಗಬೇಡ. ನಿನಗೆ ಸಾಧ್ಯವಾಗಿರುವುದನ್ನು ಮಾಡು ಸಾಕು. ಇತರ ಅಂಶಗಳ ಕುರಿತು ಹೆಚ್ಚಿನ ಗಮನ ಹರಿಸಬೇಕಿದೆ ಎಂದಿದ್ದಾರೆ.