ಮುಂಬೈ (ಮಹಾರಾಷ್ಟ್ರ):ಜನಪ್ರಿಯ ನಟಿ ಪೂಜಾ ಹೆಗ್ಡೆ ಸಹೋದರ ರಿಷಬ್ ಹೆಗ್ಡೆ ಅವರ ಮದುವೆ ಸಮಾರಂಭ ಭಾನುವಾರ ಮುಂಬೈಯಲ್ಲಿ ಅದ್ಧೂರಿಯಾಗಿ ನಡೆದಿದೆ. ಶಿವನಿ ಶೆಟ್ಟಿ ಎಂಬವರನ್ನು ರಿಷಬ್ ಹೆಗ್ಡೆ ವಿವಾಹವಾಗಿದ್ದಾರೆ. ಪೂಜಾ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಈ ಶುಭ ಸುದ್ದಿಯನ್ನು ಪ್ರಕಟಿಸಿದ್ದಾರೆ. ಖುಷಿ ಕ್ಷಣಗಳ ಫೋಟೋಗಳನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಪೋಸ್ಟ್‌ ಮಾಡಿದ್ದಾರೆ.
ದಕ್ಷಿಣ ಭಾರತದ ಪ್ರಸಿದ್ಧ ನಟಿ ಪೂಜಾ ಹೆಗ್ಡೆ 2012ರಲ್ಲಿ ತಮಿಳಿನ ಮುಗಮೂಡಿ ಚಿತ್ರದ ಮೂಲಕ ನಟನಾ ಬದುಕು ಆರಂಭಿಸಿದ್ದರು. ಇದಾದ ಬಳಿಕ ನಿರಂತರವಾಗಿ ಒಂದರ ಮೇಲೊಂದರಂತೆ ಅವಕಾಶಗಳನ್ನು ಪಡೆದು ಹಲವು ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ಸಿನಿಮಾ ಹೊರತಾಗಿ ಅವರು ಸಾರ್ಟೋರಿಯಲ್ ಫ್ಯಾಶನ್ ಸೆನ್ಸ್‌ಗೂ ಹೆಸರುವಾಸಿ. ನಟನಾ ವೃತ್ತಿಜೀವನಕ್ಕೆ ಕಾಲಿಡುವ ಮೊದಲು 2010ರಲ್ಲಿ ಐ ಆಮ್ ಶೀ-ಮಿಸ್ ಯೂನಿವರ್ಸ್ ಇಂಡಿಯಾ ಸ್ಪರ್ಧೆಯಲ್ಲಿ 2ನೇ ರನ್ನರ್-ಅಪ್ ಕಿರೀಟ ಪಡೆದಿದ್ದರು.
ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಪೂಜಾ ಹೆಗ್ಡೆ ಸಹೋದರ ರಿಷಬ್ ಹೆಗ್ಡೆ ಸಹೋದರನ ಮದುವೆ ಸಂಭ್ರಮ: ರಿಷಬ್ ಹೆಗ್ಡೆ ಅವರ ಜೀವನದ ಪ್ರೀತಿ ಶಿವಾನಿ ಶೆಟ್ಟಿ ಅವರಿಗೆ ಸಿಕ್ಕಿದೆ. ಮದುವೆ ಕಾರ್ಯಕ್ರಮದಲ್ಲಿ ವಧು ವಜ್ರದ ಆಭರಣಗಳು, ಡ್ಯುಯಲ್-ಟೋನ್ ರೇಷ್ಮೆ ಸೀರೆಯಲ್ಲಿ ಕಂಗೊಳಿಸಿದರೆ, ರಿಷಭ್ ಬಿಳಿ ಬಂಧಗಾಲಾ ಸೂಟ್‌ನಲ್ಲಿ ಶೋಭಿಸುತ್ತಿದ್ದರು. "ನನ್ನ ಸಹೋದರ ಪ್ರೀತಿಸಿ ಮದುವೆಯಾಗಿದ್ದಾರೆ. ಒಂದು ವಾರದ ರೋಲರ್ ಕೋಸ್ಟರ್ ಅದು!. ನಾನು ಸಂತೋಷದೊಂದಿಗೆ ಭಾವುಕಳಾದೆ. ಮಗುವಂತೆ ನಕ್ಕು ನಲಿದೆ" ಎಂದು ಬರೆದುಕೊಂಡಿರುವ ಪೂಜಾ ಸಹೋದರನಿಗೆ ಮನತುಂಬಿ ಹರಿಸಿದ್ದಾರೆ. ಅಷ್ಟೇ ಅಲ್ಲ, "ಅತ್ತಿಗೆ ಶಿವನಿ ನೀವು ಅತ್ಯಂತ ಸುಂದರವಾದ ವಧು. ಕುಟುಂಬಕ್ಕೆ ಸ್ವಾಗತ" ಎಂದು ಸಂಭ್ರಮಿಸಿದ್ದಾರೆ.
ರಿಷಬ್ ಹೆಗ್ಡೆ ವೃತ್ತಿಯಲ್ಲಿ ವೈದ್ಯ. ಕಳೆದ ಕೆಲವು ವರ್ಷಗಳಿಂದ ಶಿವಾನಿಯನ್ನು ಪ್ರೀತಿಸುತ್ತಿದ್ದರು. ಈ ವಿಷಯವನ್ನು ಮನೆಯಲ್ಲಿ ತಿಳಿಸಿದ್ದು, ಎರಡೂ ಕುಟುಂಬಸ್ಥರು ಒಪ್ಪಿಕೊಂಡಿದ್ದರು ಎಂದು ತಿಳಿದುಬಂದಿದೆ. ಇದೀಗ ಮುಂಬೈನ ಖಾಸಗಿ ಹೋಟೆಲ್‌ನಲ್ಲಿ ಮದುವೆ ನಡೆದಿದೆ. ಕುಟುಂಬಸ್ಥರು, ಬಂಧುಗಳ ಜೊತೆಗೆ ಹಲವು ಸೆಲೆಬ್ರಿಟಿಗಳೂ ಪಾಲ್ಗೊಂಡಿದ್ದರು.
ಇದನ್ನೂ ಓದಿ:ನಾಲ್ಕೇ ದಿನಗಳಲ್ಲಿ 400 ಕೋಟಿ ಕಲೆಕ್ಷನ್: ದಾಖಲೆ ನಿರ್ಮಿಸಿದ ಪಠಾಣ್
