ಬಿಜೆಪಿ ಹೈಕಮಾಂಡ್​​ಗೆ ಯಡಿಯೂರಪ್ಪ 'ಬೇಡವಾದ ಶಿಶು': ಸಿದ್ದರಾಮಯ್ಯ

ಬಿಜೆಪಿ ಹೈಕಮಾಂಡ್​​ಗೆ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರು 'ಬೇಡವಾದ ಶಿಶು' ಆಗಿರುವುದರಿಂದ ಹೀಗೆ ದೆಹಲಿ-ರಾಜ್ಯ ಸುತ್ತುತ್ತಿದ್ದಾರೆ ಎಂದು ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ವ್ಯಂಗ್ಯವಾಡಿದರು.

ಮೈಸೂರು: ಬಿಜೆಪಿ ಹೈಕಮಾಂಡ್​​ಗೆ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರು 'ಬೇಡವಾದ ಶಿಶು' ಎಂದು ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ವ್ಯಂಗ್ಯವಾಡಿದರು.

ನಗರದ ಮಂಡಕಳ್ಳಿ ವಿಮಾನ ನಿಲ್ದಾಣದಲ್ಲಿ ಮಾತನಾಡಿದ ಅವರು, ಅವರ ಪಕ್ಷದ ಹೈಕಮಾಂಡ್​​ಗೆ ಬಿಎಸ್​​ವೈ ಬೇಡವಾದ ಶಿಶುವಾಗಿರುವುದರಿಂದ ಹೀಗೆ ದೆಹಲಿ-ರಾಜ್ಯ ಸುತ್ತುತ್ತಿದ್ದಾರೆ ಎಂದರು.

ಯಡಿಯೂರಪ್ಪ ಅವರು ಅಧಿಕಾರಿವಹಿಸಿಕೊಂಡು ಒಂದು ತಿಂಗಳು ಕಳೆಯುತ್ತಿದೆ. ಇನ್ನು ಸರ್ಕಾರ ಟೇಕಾಫ್ ಆಗುತ್ತಿಲ್ಲ. ರಾಜ್ಯದಲ್ಲಿ ನೆರೆ ಇದೆ. ಕೇಂದ್ರ ಸರ್ಕಾರ ಪರಿಹಾರ ಘೋಷಣೆ ಮಾಡಿಲ್ಲ.‌ ಪ್ರಧಾನಿ ಮೋದಿ ಅವರು ಬಂದು ಸಮೀಕ್ಷೆ ಮಾಡಿಲ್ಲ ಎಂದು ಹರಿಹಾಯ್ದರು.