ನವದೆಹಲಿ:ಪ್ರಧಾನಮಂತ್ರಿ ಮುದ್ರಾ ಯೋಜನೆ (ಪಿಎಂಎಂವೈ) ಅಡಿ ವಿತರಣೆಯಾದ ಒಟ್ಟು ₹ 6.04 ಲಕ್ಷ ಕೋಟಿ ಸಾಲದಲ್ಲಿ ಶೇ. 3ರಷ್ಟು ವಸೂಲಾಗದ ಸಾಲ ಇದೆ.
ಸಣ್ಣ ಮತ್ತು ಮಧ್ಯಮ ಗಾತ್ರದ ಉದ್ಯಮಿಗಳಿಗೆ ಹಾಗೂ ಸ್ವಯಂ ಉದ್ಯೋಗ ಕೈಗೊಳ್ಳುವವರಿಗೆ ಉದ್ಯಮಶೀಲತೆ ಉತ್ತೇಜಿಸಲು ₹10 ಲಕ್ಷದವರೆಗೆ ಸಾಲ ನೀಡುವ ಮುದ್ರಾ ಯೋಜನೆಗೆ ಪ್ರಧಾನಿ ಮೋದಿ ಅವರು 2015ರ ಅಕ್ಟೋಬರ್ 8ರಂದು ಚಾಲನೆ ನೀಡಿದ್ದರು.
ರಾಜ್ಯಸಭೆಯಲ್ಲಿ ಲಿಖಿತ ಉತ್ತರ ನೀಡಿದ ಹಣಕಾಸು ಖಾತೆಯ ರಾಜ್ಯ ಸಚಿವ ಅನುರಾಗ್ ಠಾಕೂರ್, ಸಾಲದ ಅರ್ಜಿಗಳ ತಿರಸ್ಕಾರ, ಮರುಪಾವತಿ ಸಮಯದ ವಿಳಂಬ (ಟಿಎಟಿ) ಮತ್ತು ಸಾಲದಾತರ ಒತ್ತಡ ಸೇರಿ ಪಿಎಂಎಂವೈ ಅನುಷ್ಠಾನಕ್ಕೆ ಸಂಬಂಧಿಸಿದಂತೆ ಯಾವುದೇ ದೂರುಗಳನ್ನು ಆಯಾ ಬ್ಯಾಂಕ್ಗಳು ಸಮನ್ವಯವಾಗಿ ಪರಿಹರಿಸುತ್ತಿವೆ ಎಂದರು.
ಷೆಡ್ಯೂಲ್ಡ್ ವಾಣಿಜ್ಯ ಬ್ಯಾಂಕ್ (ಎಸ್‌ಸಿಬಿ) ಮತ್ತು ಪ್ರಾದೇಶಿಕ ಗ್ರಾಮೀಣ ಬ್ಯಾಂಕ್ಗಳು (ಆರ್‌ಆರ್‌ಬಿ) ಪಿಎಂಎಂವೈ ಯೋಜನೆಯ ಆರಂಭದಿಂದ 2019ರ ಮಾರ್ಚ್ವರೆಗೆ ಒಟ್ಟು 6.04 ಲಕ್ಷ ಕೋಟಿ ರೂ. ಸಾಲ ವಿತರಣೆಯಾಗಿದೆ. ಇದರಲ್ಲಿ 17,251.52 ಕೋಟಿ ರೂ. ಶೇ. 2.86ರಷ್ಟು ವಸೂಲಾಗದ ಸಾಲವಿದೆ ಎಂದು ಮಾಹಿತಿ ನೀಡಿದರು.