ನವದೆಹಲಿ:ಸರ್ಕಾರಿ ಸ್ವಾಮ್ಯದ ಪಂಜಾಬ್ ನ್ಯಾಷನಲ್ ಬ್ಯಾಂಕ್ (ಪಿಎನ್ಬಿ), 2019ರ ಮಾರ್ಚ್ ಅಂತ್ಯಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ ₹ 4,750 ಕೋಟಿ ನಷ್ಟ ಅನುಭವಿಸಿದೆ.ಕಳೆದ ವರ್ಷದ ಇದೇ ತ್ರೈಮಾಸಿಕಕ್ಕೆ ಹೋಲಿಸಿದರೆ ನಷ್ಟದ ಪ್ರಮಾಣದಲ್ಲಿ ಶೇ.65ರಷ್ಟು ತಗ್ಗಿಸಿಕೊಂಡಿದೆ.
2017-18ನೇ ವಿತ್ತೀಯ ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ₹ 13,417 ಕೋಟಿಗಳಷ್ಟು ಭಾರಿ ನಷ್ಟ ಕಂಡಿತ್ತು. ಸದ್ಯ ಬ್ಯಾಂಕ್ನ ವಸೂಲಾಗದ ಸಾಲದಲ್ಲಿ (ಎನ್ಪಿಎ) ಇಳಿಕೆಯಾಗುತ್ತಿದ್ದು, 2019ರ ಮಾರ್ಚ್ ಅಂತ್ಯಕ್ಕೆ ಇದು ಶೇ 15.5ರಷ್ಟಿದೆ. ಕಳೆದ ವರ್ಷ ಇದೇ ಅವಧಿಯಲ್ಲಿ ಶೇ 18.38ರಷ್ಟು ಇತ್ತು. ನಿವ್ವಳ ಎನ್ಪಿಎ ಕೂಡ ವರ್ಷದ ಹಿಂದೆ ಶೇ11.24 ರಷ್ಟು ಇದ್ದದ್ದು ಶೇ 6.56ಕ್ಕೆ ತಲುಪಿದೆ. ಇದು ಬ್ಯಾಂಕ್ನ ಆರ್ಥಿಕ ಸ್ಥಿತಿ ಸುಧಾರಿಸುತ್ತಿದೆ ಎಂಬುದನ್ನು ತೋರಿಸುತ್ತಿದೆ.