ನವದೆಹಲಿ:ಭಾರತೀಯ ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ ಚೀನಾ ಮೂಲದ ಷಿಯೋಮಿ ಸಂಸ್ಥೆ ತನ್ನ ಪ್ರಾಬಲ್ಯ ಮುಂದುವರೆಸಿದ್ದು, ಸಂಸ್ಥೆಯ ಮೊಬೈಲ್ಗಳ ಮಾರಾಟದಲ್ಲಿ ಶೇ.7ರಷ್ಟು ಏರಿಕೆಯಾಗಿದೆ.
ಷಿಯೋಮಿ ಸಂಸ್ಥೆಯ ಕಳೆದ ತ್ರೈಮಾಸಿಕದಲ್ಲಿ ನಾಲ್ಕು ಕೋಟಿಗೂ ಅಧಿಕ ಸ್ಮಾರ್ಟ್ಫೋನ್ ಬಿಕರಿಯಾಗಿ ಭಾರಿ ಲಾಭ ತಂದುಕೊಟ್ಟಿದೆ. ಆನ್ಲೈನ್ ವ್ಯಾಪಾರ, ಡಿಸ್ಕೌಂಟ್ ಹಾಗೂ ಹಬ್ಬದ ದಿನಗಳ ಮಾರಾಟ ಷಿಯೋಮಿ ಮೊಬೈಲ್ಗಳ ಮಾರಾಟ ಹೆಚ್ಚಳಕ್ಕೆ ಕಾರಣವಾಗಿದೆ.
ಭಾರತ ಮೊಬೈಲ್ ಮಾರುಕಟ್ಟೆಯಲ್ಲಿ ಷಿಯೋಮಿ ಸಂಸ್ಥೆ ಶೇ.26ರಷ್ಟು ತನ್ನ ಹಿಡಿತದಲ್ಲಿಟ್ಟುಕೊಂಡಿದ್ದು, ಶೇ.20ರಷ್ಟು ಸ್ಯಾಮ್ಸಂಗ್ ಸಂಸ್ಥೆ ಎರಡನೇ ಸ್ಥಾನದಲ್ಲಿದೆ. ವಿವೋ ಶೇ.17, ರಿಯಲ್ಮಿ ಶೇ.16 ಹಾಗೂ ಒಪ್ಪೋ ಶೇ.8ರಷ್ಟು ಭಾರತೀಯ ಮಾರುಕಟ್ಟೆ ಹೊಂದಿದೆ.
ಸ್ಯಾಮ್ಸಂಗ್ ಕಳೆದ ತ್ರೈಮಾಸಿಕದಲ್ಲಿ ಕೊಂಚ ಇಳಿಕೆಯ ಹಾದಿ ಹಿಡಿದಿದ್ದು, ಶೇ.4ರಷ್ಟು ಕುಸಿತ ಕಂಡಿದೆ. ಚೀನಾ ಮೂಲದ ವಿವೋ, ರೀಯಲ್ಮಿ ಹಾಗೂ ಒಪ್ಪೋ ಮೊಬೈಲ್ಗಳ ತೀವ್ರ ಸ್ಫರ್ಧೆಯಿಂದ ಸ್ಯಾಮ್ಸಂಗ್ ಮಾರುಕಟ್ಟೆ ಕೊಂಚ ವಿಚಲಿತವಾಗಿದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
