ಸಿಡಿಲು ಬಡಿದು ಎರಡು ಹಸು ಸಾವು

ನೆಲಮಂಗಲದ ಮಾಗಡಿ ತಾಲೂಕಿನ ಸೋಲೂರು ಹೋಬಳಿ ವ್ಯಾಪ್ತಿಯ ಮುಪ್ಪೆನಹಳ್ಳಿಯಲ್ಲಿ ಸಿಡಿಲಿಗೆ ಎರಡು ಹಸು ಸಾವನ್ನಪ್ಪಿವೆ.

ನೆಲಮಂಗಲ : ಮಾಗಡಿ ತಾಲೂಕಿನ ಸೋಲೂರು ಹೋಬಳಿಯ ಮುಪ್ಪೆನಹಳ್ಳಿಯ ಮನೆವೊಂದರ ಹಿತ್ತಲಲ್ಲಿ ಕಟ್ಟಿದ್ದ ಹಸುಗಳಿಗೆ ಸಿಡಿಲು ಬಡಿದು ಎರಡು ಹಸುಗಳು ಮೃತಪಟ್ಟಿವೆ.
ಮಧ್ಯಾಹ್ನನದ ವೇಳೆ ಗಾಳಿ ಸಹಿತ ಮಳೆ ಬಂದಾಗ ಹಸುಗಳನ್ನು ಹಿತ್ತಲಲ್ಲಿ ಕಟ್ಟಿದ್ದರು. ಅಲ್ಲೆ ಕಟ್ಟಿದ್ದ ಮತ್ತೊಂದು ಹಸು ಪಾರಾಗಿದೆ.

ಗ್ರಾಮದ ಮರಿಹೊನ್ನಮ್ಮ ಎಂಬುವರಿಗೆ ಸೇರಿದ ಹಸುಗಳಾಗಿದ್ದು. ಸುಮಾರು 1 ಲಕ್ಷ ರೂ. ಬೆಲೆ ಬಾಳುತ್ತಿದ್ದವು ಎನ್ನಲಾಗಿದೆ. ಹೈನುಗಾರಿಕೆ ನಂಬಿ ಜೀವನ ನಡೆಸುತ್ತಿದ್ದ ಮರಿಹೊನ್ನಮ್ಮ ಈ ಘಟನೆಯಿಂದ ಕಂಗಲಾಗಿದ್ದಾರೆ. ಸರ್ಕಾರದಿಂದ ಸೂಕ್ತ ಪರಿಹಾರಕ್ಕಾಗಿ ಮನವಿ ಮಾಡಿದ್ದಾರೆ.