World’s Most Admired Men 2021: ಮೋದಿ ವಿಶ್ವದ 8ನೇ ಅತ್ಯಂತ ಮೆಚ್ಚುಗೆ ಪಡೆದ ವ್ಯಕ್ತಿ.. ಅಗ್ರಸ್ಥಾನದಲ್ಲಿ ಒಬಾಮಾ

World’s Most Admired Men List: 2021ರಲ್ಲಿ ವಿಶ್ವದ ಅತಿ ಹೆಚ್ಚು ಮೆಚ್ಚುಗೆ ಪಡೆದವರ ಪಟ್ಟಿಯಲ್ಲಿ ಭಾರತದ ಪ್ರಧಾನಿ ನರೇಂದ್ರ ಮೋದಿ 8ನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದ್ದು, ಕರ್ನಾಟಕದ ಸುಧಾಮೂರ್ತಿ ಕೂಡ ಮಹಿಳೆಯರ ಪಟ್ಟಿಯಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ.

ಹೈದರಾಬಾದ್​: 2021ರಲ್ಲಿ ವಿಶ್ವದಲ್ಲೇ ಅತಿ ಹೆಚ್ಚು ಮೆಚ್ಚುಗೆ ಪಡೆದ ಪುರುಷ/ಮಹಿಳೆಯರ ಪಟ್ಟಿ ಇದೀಗ ರಿಲೀಸ್​​ ಆಗಿದೆ. ಅಂತಾರಾಷ್ಟ್ರೀಯ ಸಮೀಕ್ಷೆವೊಂದರ ಪ್ರಕಾರ ಪ್ರಧಾನಿ ನರೇಂದ್ರ ಮೋದಿ 8ನೇ ಸ್ಥಾನ ಪಡೆಕೊಂಡಿದ್ದು, ಅನೇಕ ದಿಗ್ಗಜ ಸೆಲಿಬ್ರಿಟಿಗಳನ್ನ ಹಿಂದಿಕ್ಕಿದ್ದಾರೆ.

ಪಟ್ಟಿಯಲ್ಲಿ ಅಮೆರಿಕದ ಮಾಜಿ ಅಧ್ಯಕ್ಷ ಬರಾಕ್​ ಒಬಾಮಾ ಮೊದಲನೇ ಸ್ಥಾನ ಪಡೆದುಕೊಂಡಿದ್ದು, ಉದ್ಯಮಿ ಬಿಲ್​ ಗೇಟ್ಸ್​​ ಎರಡನೇ ಸ್ಥಾನದಲ್ಲಿ ಹಾಗೂ ಚೀನಾದ ಅಧ್ಯಕ್ಷ ಕ್ಸಿ ಜಿನ್​​ಪಿಂಗ್​ ಮೂರನೇ ಸ್ಥಾನದಲ್ಲಿದ್ದಾರೆ.

ಮ್ಯಾಂಚೆಸ್ಟರ್ ಯುನೈಟೆಡ್​ನ ಕ್ರಿಸ್ಟಿಯಾನೋ ರೊನಾಲ್ಡೊ ಕೂಡ ಟಾಪ್​ 10ರ ಪಟ್ಟಿಯಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ. ಪಟ್ಟಿಯಲ್ಲಿ ಟೀಂ ಇಂಡಿಯಾದ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ 12ನೇ ಸ್ಥಾನದಲ್ಲಿದ್ದು, ಟೆಸ್ಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಪಟ್ಟಿಯಲ್ಲಿ 18ನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದ್ದಾರೆ. ಅಮೆರಿಕದ ಅಧ್ಯಕ್ಷ ಜೋ ಬಿಡನ್​​ 20ನೇ ಸ್ಥಾನದಲ್ಲಿದ್ದು, ಪಾಕ್​ ಪ್ರಧಾನಿ ಇಮ್ರಾನ್ ಖಾನ್​ 17ನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದ್ದಾರೆ.ನಟ ಶಾರುಖ್ ಖಾನ್​, ಅಮಿತಾಬ್​ ಬಚ್ಚನ್ ಕೂಡ 20ರ ಪಟ್ಟಿಯಲ್ಲಿದ್ದಾರೆ. ಬ್ರಿಟಿಷ್​ ಸಂಸ್ಥೆ ಈ ಸಮೀಕ್ಷೆ ನಡೆಸಿದ್ದು ಅದಕ್ಕಾಗಿ 38 ದೇಶಗಳ 42,000 ಕ್ಕಿಂತಲೂ ಅಧಿಕ ಜನರನ್ನ ಸಮೀಕ್ಷೆಗೊಳಪಡಿಸಿದೆ.

ಟಾಪ್​ 10ರಲ್ಲಿ ಕಾಣಿಸಿಕೊಂಡಿರುವ ದಿಗ್ಗಜರು

• ಬರಾಕ್ ಒಬಾಮಾ(ಅಮೆರಿಕದ ಮಾಜಿ ಅಧ್ಯಕ್ಷ)
• ಬಿಲ್​ ಗೇಟ್ಸ್​(ಉದ್ಯಮಿ)
• ಕ್ಸಿ ಜಿನ್​ ಪಿಂಗ್​​(ಚೀನಾ ಅಧ್ಯಕ್ಷ)
• ಕ್ರಿಸ್ಟಿಯಾನೋ ರೊನಾಲ್ಡ್​(ಫುಟ್ಬಾಲ್​​ ಆಟಗಾರ)
• ಎಲೋನ್ ಮಸ್ಕ್ (ತೆಸ್ಲಾ ಮೋಟರ್​ ಸಿಇಒ)
• ಲಿಯೊನೆಲ್​​ ಮೆಸ್ಸಿ(ಫುಟ್ಬಾಲ್​​ ಆಟಗಾರ)
• ನರೇಂದ್ರ ಮೋದಿ(ಭಾರತದ ಪ್ರಧಾನಿ)
• ವಾಡ್ಲಿಮೀರ್ ಪುಟಿನ್(ರಷ್ಯಾ ಅಧ್ಯಕ್ಷ)
• ಜಾಕ್ ಮಾ(ಚೀನಾ ಉದ್ಯಮಿ)

ಮಹಿಳೆಯರ ಪಟ್ಟಿಯಲ್ಲಿ ಯಾರೆಲ್ಲ?

ಅಮೆರಿಕದ ಮಾಜಿ ಅಧ್ಯಕ್ಷ ಬರಾಕ್ ಒಬಾಮಾ ಅವರ ಪತ್ನಿ ಮಿಚೆಲ್​ ಒಬಾಮಾ ಮಹಿಳೆಯರ ಪಟ್ಟಿಯಲ್ಲಿ ಮೊದಲ ಸ್ಥಾನ ಪಡೆದುಕೊಂಡಿದ್ದು, ನಟಿ ಪ್ರಿಯಾಂಕಾ ಚೋಪ್ರಾ 10ನೇ ಸ್ಥಾನದಲ್ಲಿದ್ದಾರೆ. ಉಳಿದಂತೆ ಅಮೆರಿಕದ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್​​​ 11ನೇ ಸ್ಥಾನ, ನಟಿ ಐಶ್ವರ್ಯಾ ರೈ 13 ಹಾಗೂ ಉದ್ಯಮಿ ಸುಧಾಮೂರ್ತಿ 14ನೇ ಸ್ಥಾನದಲ್ಲಿದ್ದಾರೆ.