ಕರ್ನೂಲ್(ಆಂಧ್ರಪ್ರದೇಶ) :ಜೀವನ ಎಂಬ ಚದುರಂಗದಾಟದಲ್ಲಿ ಏನಾಗುತ್ತದೆಂದು ಊಹೇ ಮಾಡುವುದು ಅಸಾಧ್ಯ. ಅದಕ್ಕೆ ಸೂಕ್ತ ಉದಾಹರಣೆ ಎಂಬ ರೀತಿಯಲ್ಲಿ ಬಿಎಸ್ಸಿ ಕಂಪ್ಯೂಟರ್ ಸೈನ್ಸ್ ಮುಗಿಸಿದ್ರೂ ಜೀವನಕ್ಕಾಗಿ ಭಿಕ್ಷೆ ಬೇಡುತ್ತಿದ್ದ ಮಹಿಳೆಯೋರ್ವಳ ಈ ವಿಡಿಯೋ. ಹಿಂದಿ-ಇಂಗ್ಲಿಷ್ ಅನ್ನು ನಿರರ್ಗಳವಾಗಿ ಮಾತನಾಡುತ್ತಿದ್ದ ಭೀಕ್ಷಕಿಯೋರ್ವಳು ಉತ್ತರಪ್ರದೇಶದ ಬನಾರಸ್‌ ಗಂಗಾ ನದಿ ದಡದಲ್ಲಿ ಜೀವನ ನಡೆಸುತ್ತಿದ್ದಳು.
ಭಿಕ್ಷುಕಿ ನಿರರ್ಗಳವಾಗಿ ಹಿಂದಿ ಮತ್ತು ಇಂಗ್ಲಿಷ್ ಭಾಷೆ ಮಾತನಾಡ್ತಿದ್ದರಿಂದ ಅದರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಇದರ ಬೆನ್ನಲ್ಲೇ ಕುಟುಂಬಸ್ಥರನ್ನ ಸೇರಿಕೊಂಡಿದ್ದಾಳೆ. ಇದಕ್ಕೆ ಸಹಕಾರಿಯಾಗಿದ್ದು ವೈರಲ್ ವಿಡಿಯೋ ಎಂಬುದು ಗಮನಾರ್ಹ ಸಂಗತಿ.
ಕಳೆದ ಕೆಲ ವರ್ಷಗಳ ಹಿಂದೆ ಆಂಧ್ರಪ್ರದೇಶದ ಕರ್ನೂಲ್ ಮೂಲದ ಸ್ವಾತಿ ಎಂಬಾಕೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಳು. ಇದಾದ ಬಳಿಕ ಮೂರು ವರ್ಷಗಳ ಹಿಂದೆ ಹೆಣ್ಣು ಮಗುವಿಗೆ ಜನ್ಮ ಸಹ ನೀಡಿದ್ದಳು. ಆದರೆ, ಅನಾರೋಗ್ಯದಿಂದ ಮಗು ಸಾವನ್ನಪ್ಪಿತ್ತು.
ಇದರ ಬೆನ್ನಲ್ಲೇ ಪಾರ್ಶ್ವವಾಯು ರೋಗಕ್ಕೆ ತುತ್ತಾದ ಕಾರಣ ಬಲಗೈ ಕಳೆದುಕೊಂಡಿದ್ದಳು. ಹೀಗಾಗಿ, ಗಂಡನ ಮನೆಯವರು ಹೊರ ಹಾಕಿದ್ದರು. ಈ ವೇಳೆ ಆತ್ಮಹತ್ಯೆ ಮಾಡಿಕೊಳ್ಳುವ ನಿರ್ಧಾರ ಕೈಗೊಂಡು, ಮೋಕ್ಷ ಪಡೆಯುವ ಸಲುವಾಗಿ ಕಾಶಿಗೆ ಪ್ರಯಾಣ ಬೆಳೆಸುತ್ತಾಳೆ.