ಮಾಯಾಪುರ (ಪಶ್ಚಿಮ ಬಂಗಾಳ) :ಮಾಯಾಪುರ ಮತ್ತು ಪಶ್ಚಿಮ ಬಂಗಾಳದ ಜನರ ಬಹುಕಾಲದ ಕನಸು ನನಸಾಗುವ ಕ್ಷಣ ಬಂದಿದೆ. ಈ ಕನಸು ಶುರುವಾದದ್ದು 1976ರಲ್ಲಿ. ಅಂದಿನಿಂದ ನಾಲ್ಕೂವರೆ ದಶಕಗಳಿಗೂ ಹೆಚ್ಚು ಕಾಲ ಉರುಳಿದೆ. ಇನ್ನು ಒಂದೆರಡು ವರ್ಷಗಳಲ್ಲಿ, ಪಶ್ಚಿಮ ಬಂಗಾಳವು ವಿಶ್ವದ ಅತಿದೊಡ್ಡ ಹಿಂದೂ ದೇವಾಲಯ ಹೊಂದಲಿದೆ. ಪ್ರಸ್ತುತ ಮಾಯಾಪುರದಲ್ಲಿ ನಿರ್ಮಿಸಲಾಗುತ್ತಿರುವ ವೈದಿಕ ತಾರಾಲಯವು ಗಾತ್ರದಲ್ಲಿ ದೊಡ್ಡದಾಗಿದ್ದು, ಈಗಿರುವ ಎಲ್ಲ ದೇವಾಲಯಗಳನ್ನು ಹಿಂದಿಕ್ಕಲಿದೆ.
ವಿಶ್ವದ ಜನರು ತಾಜ್ ಮಹಲ್, ಸೇಂಟ್ ಪಾಲ್ಸ್ ಕ್ಯಾಥೆಡ್ರಲ್, ಇತ್ಯಾದಿ ಧಾರ್ಮಿಕ ವಾಸ್ತುಶಿಲ್ಪದ ಬಗ್ಗೆ ಹೆಮ್ಮೆಪಡುತ್ತಿದ್ದರು. ಆದರೆ, ಈ ದೇವಾಲಯ ಇವುಗಳ ಸಾಲಿಗೆ ಸೇರಲಿದೆ. ಸುಮಾರು 10,000 ಭಕ್ತರು ಸೇರುವ ಸ್ಥಳಾವಕಾಶವನ್ನು ಈ ದೇವಾಲಯ ಹೊಂದಿದೆ. ವೈದಿಕ ತಾರಾಲಯವನ್ನು ಮಾಯಾಪುರದಲ್ಲಿ ನಿರ್ಮಿಸಲಾಗುತ್ತಿದ್ದು, ಇದಕ್ಕೆ ಇಸ್ಕಾನ್ ಮುಖ್ಯ ಕೇಂದ್ರವಾಗಿದೆ. 1976 ರಲ್ಲಿ ಇಸ್ಕಾನ್ ಸಂಸ್ಥಾಪಕರು ಈ ತಾರಾಲಯವನ್ನು ನಿರ್ಮಿಸುವ ಕನಸು ಕಂಡಿದ್ದರು.