ಕೇರಳದಲ್ಲಿ ಬಾರ್ ಮುಂದೆ ಹಾರ ಬದಲಿಸಿಕೊಂಡು ಮದುವೆಯಾದ ನವ ಜೋಡಿ- ವಿಡಿಯೋ

ಕೋವಿಡ್‌ ಹಿನ್ನೆಲೆಯಲ್ಲಿ ಕೇರಳ ಸರ್ಕಾರ ವಿವಾಹ ಕಾರ್ಯಗಳಿಗಾಗಿ ಅತಿಥಿಗಳ ಮಿತಿಯನ್ನು 50ಕ್ಕೆ ನಿಗದಿಪಡಿಸಿದೆ. ಈ ನಿರ್ಧಾರವನ್ನು ಆಲ್​ ಕೇರಳ ಕ್ಯಾಟರರ್ಸ್ ಅಸೋಸಿಯೇಷನ್ ​ವಿರೋಧಿಸಿದ್ದು ​ರಾಜ್ಯಾದ್ಯಂತ ಮದ್ಯದಂಗಡಿಗಳ ಮುಂದೆ ಪ್ರತಿಭಟನೆ ಘೋಷಿಸಿದೆ. ಈ ಹಿನ್ನೆಲೆಯಲ್ಲಿ ಕ್ಯಾಟರಿಂಗ್ ವ್ಯವಹಾರದಲ್ಲಿ ತೊಡಗಿರುವ ನವಜೋಡಿಯೊಂದು ವಿಭಿನ್ನವಾಗಿ ಮದುವೆಯಾಗಿ ಸರ್ಕಾರದ ನಿರ್ಧಾರವನ್ನು ಖಂಡಿಸಿದರು.

ಕೋಝಿಕೋಡ್(ಕೇರಳ): ನಗರದಲ್ಲಿ ವಿಶೇಷ ಮದುವೆಯೊಂದು ನಡೆದಿದೆ. ಎಲ್ಲಾ ಮದುವೆಗಳು ಕಲ್ಯಾಣ ಮಂಟಪ ಹಾಗೂ ದೇವಾಲಯಗಳಲ್ಲಿ ನಡೆದರೆ, ಈ ಮದುವೆ ನಡೆದಿದ್ದು ಮದ್ಯದಂಗಡಿಯ ಮುಂಭಾಗ.

ಕೋಝಿಕೋಡ್‌ನ ಮಿನಿ ಬೈಪಾಸ್ ರಸ್ತೆಯಲ್ಲಿರುವ ಮದ್ಯದಂಗಡಿ ಅಪರೂಪದ ಘಟನೆಗೆ ಸಾಕ್ಷಿಯಾಯಿತು. ಇಲ್ಲಿ ನವ ವಧು-ವರರು ಪರಸ್ಪರ ಹಾರ ಬದಲಿಸಿಕೊಂಡು ವಿವಾಹವಾದರು. ಆದಾಗ್ಯೂ, ಈ ವಿವಾಹವು ಕೇರಳ ಕ್ಯಾಟರರ್ಸ್ ಅಸೋಸಿಯೇಶನ್‌ನ ಪ್ರತಿಭಟನೆಯ ಭಾಗವಾಗಿತ್ತು.

ಕೋವಿಡ್‌ ಹಿನ್ನೆಲೆಯಲ್ಲಿ ಕೇರಳ ಸರ್ಕಾರ ವಿವಾಹ ಕಾರ್ಯಗಳಿಗಾಗಿ ಅತಿಥಿಗಳ ಮಿತಿಯನ್ನು 50ಕ್ಕೆ ನಿಗದಿಪಡಿಸಿದೆ. ಈ ನಿರ್ಧಾರವನ್ನು ಆಲ್​ ಕೇರಳ ಕ್ಯಾಟರರ್ಸ್ ಅಸೋಸಿಯೇಷನ್ ​ವಿರೋಧಿಸಿದ್ದು ​ರಾಜ್ಯಾದ್ಯಂತ ಮದ್ಯದಂಗಡಿಗಳ ಮುಂದೆ ಪ್ರತಿಭಟನೆ ಘೋಷಿಸಿದೆ. ಈ ಪ್ರತಿಭಟನಾ ಕೂಟದಲ್ಲಿ ಭಾಗವಹಿಸಿ ಕೋಝಿಕೋಡ್ ಸಂಸದ ಎಂ.ಕೆ.ರಾಘವನ್ ತಮ್ಮ ಭಾಷಣವನ್ನು ಮುಕ್ತಾಯಗೊಳಿಸುತ್ತಿದ್ದಂತೆ, ಪ್ರಮೋದ್ ಮತ್ತು ಧನ್ಯಾ ಎಂಬವರು ಪರಸ್ಪರ ಹಾರ ಬದಾಲಾಯಿಸುವ ಮೂಲಕ ವಿವಾಹವಾದರು. ಈ ಮುಖೇನ ಸರ್ಕಾರದ ನಿರ್ಧಾರವನ್ನು ಖಂಡಿಸಿದರು.

ಪ್ರಮೋದ್ ಮತ್ತು ಧನ್ಯಾ ಹಲವು ವರ್ಷಗಳಿಂದ ಕ್ಯಾಟರಿಂಗ್​ ವ್ಯವಹಾರದಲ್ಲಿದ್ದಾರೆ. ದೊಡ್ಡ ವಿವಾಹ ಕೂಟಗಳಿಗೆ ಸರ್ಕಾರದ ನಿರ್ಬಂಧದಿಂದಾಗಿ ಕಳೆದೆರಡು ತಿಂಗಳಿನಿಂದ ಅವರು ನಿರುದ್ಯೋಗಿಗಳಾಗಿದ್ದಾರೆ ಎಂದು ಸಂಘ ಹೇಳಿದೆ. 50 ಮತ್ತು 20 ಜನರಿಗೆ ಅಡುಗೆ ಸೇವೆಗಳನ್ನು ಒದಗಿಸುವುದು ಕಾರ್ಯಸಾಧ್ಯವಲ್ಲ ಎಂದು ಕ್ಯಾಟರರ್ಸ್ ಅಸೋಸಿಯೇಷನ್ ​​ಹೇಳಿದೆ.