ಮುಂಬೈ :ಭಾರತದಲ್ಲಿ ಉಲ್ಬಣಗೊಳ್ಳುತ್ತಿರುವ ಸಾಂಕ್ರಾಮಿಕದ ವಿನಾಶಕಾರಿ ಪರಿಣಾಮವು ದೆಹಲಿಯಲ್ಲಿ ಹೆಚ್ಚಾಗಿ ಕಂಡು ಬರುತ್ತದೆ. ಆದರೆ, ಹೆಚ್ಚಿನ ಜನಸಂಖ್ಯಾ ಸಾಂದ್ರತೆ ಹೊಂದಿರುವ ಮುಂಬೈ, ಎರಡನೇ ತರಂಗ ಹೆಚ್ಚಾದಂತೆ ಹಾಸಿಗೆಗಳು ಮತ್ತು ಆಮ್ಲಜನಕದ ಕೊರತೆ ಎದುರಿಸಿತು.
ಮುಂಬೈ ಬಿಎಂಸಿ ಹೆಚ್ಚುವರಿ ಆಯುಕ್ತರ ಜತೆಗೆ ಈಟಿವಿ ಭಾರತ ಸಂದರ್ಶನ..
ಕನಿಷ್ಟ 12.3 ಮಿಲಿಯನ್ ಜನಸಂಖ್ಯೆ ಹೊಂದಿರುವ ನಗರವು ಉತ್ತಮವಾಗಿ ಕೊರೊನಾ ನಿಭಾಯಿಸಿ, ಸುಪ್ರೀಂಕೋರ್ಟ್ ಮತ್ತು ಬಾಂಬೆ ಹೈಕೋರ್ಟ್ ಎರಡರಿಂದಲೂ "ಮುಂಬೈ ಮಾದರಿ" ಎಂಬ ಶ್ಲಾಘನೆ ಗಳಿಸಲು ಸಾಧ್ಯವಾಯಿತು.
ಏಪ್ರಿಲ್‌ನಲ್ಲಿ 11,000ಕ್ಕಿಂತ ಹೆಚ್ಚು ದೈನಂದಿನ ಪ್ರಕರಣಗಳಿಗೆ ಹೋಲಿಸಿದರೆ, ಮುಂಬೈ ಸೋಮವಾರ 1,794 ಪ್ರಕರಣ ವರದಿಯಾಗಿವೆ.
ಈ ನಿಟ್ಟಿನಲ್ಲಿ ಈಟಿವಿ ಭಾರತದ ಜತೆ ಮಾತನಾಡಿದ ಬಿಎಂಸಿಯ ಪುರಸಭೆ ಹೆಚ್ಚುವರಿ ಆಯುಕ್ತ ಸುರೇಶ್ ಕಕನಿ, "ವೈದ್ಯಕೀಯ ಸೌಲಭ್ಯಗಳ ಕೊರತೆಯ ಮಧ್ಯೆ ಮುಂಬೈ ಸಾಂಕ್ರಾಮಿಕ ರೋಗವನ್ನು ಎದುರಿಸುವಲ್ಲಿ ಯಶಸ್ವಿಯಾಗಿದೆ ಮತ್ತು ನಗರವು ಕೋವಿಡ್ -19 ಮೂರನೇ ತರಂಗಕ್ಕೆ ಸಜ್ಜುಗೊಂಡಿದೆ" ಎಂದು ಹೇಳಿದರು.