'ಕೌನ್ ಬನೇಗಾ ಕರೋಡ್ ಪತಿ'ಯ ಹೊಸ ಸೀಸನ್ ಅಭಿಮಾನಿಗಳನ್ನು ರಂಜಿಸಲು ಸಿದ್ಧವಾಗಿದೆ. ಈ ಕಾರ್ಯಕ್ರಮವು ಸೋನಿ ಟಿವಿಯಲ್ಲಿ ಆಗಸ್ಟ್ 23 ರಿಂದ ರಾತ್ರಿ 9 ಗಂಟೆಗೆ ಪ್ರಸಾರವಾಗಲಿದೆ. ಪ್ರತಿ ಬಾರಿಯಂತೆ ಈ ಬಾರಿಯೂ ಅಮಿತಾಬ್ ಬಚ್ಚನ್ ಕಾರ್ಯಕ್ರಮ ನಡೆಸಿಕೊಡಲಿದ್ದಾರೆ. ಈ ಬಾರಿ ಕೆಬಿಸಿ ಅಚ್ಚರಿಗಳಿಂದ ಕೂಡಿದೆ. ಕೆಲವು ಬದಲಾವಣೆಗಳನ್ನು ಸಹ ಕಾಣಬಹುದು.
'ಧುಕ್-ಧುಕ್ ಜಿ':
ಈ ಬಾರಿ' ಕೆಬಿಸಿ' ಸೆಟ್ ಕೂಡ ಸಾಕಷ್ಟು ಆಕರ್ಷಕವಾಗಿರಲಿದೆ. ಅನೇಕ ಹೊಸ ವಿಚಾರಗಳನ್ನು ಕಾಣಬಹುದು. ಗೇಮ್ ಟೈಮರ್ ಅನ್ನು 'ಧುಕ್-ಧುಕ್ ಜಿ' ಎಂದು ಹೆಸರಿಸಲಾಗಿದೆ.
ಫಾಸ್ಟೆಸ್ಟ್ ಫಿಂಗರ್ ಫಸ್ಟ್- ಟ್ರಿಪಲ್ ಟೆಸ್ಟ್:
ಫಾಸ್ಟೆಸ್ಟ್ ಫಿಂಗರ್ ಫಸ್ಟ್, ಇದರೊಂದಿಗೆ ಪ್ರದರ್ಶನ ಆರಂಭವಾಗುತ್ತದೆ, ಇದನ್ನು 'ಫಾಸ್ಟ್ ಫಿಂಗರ್ ಫಸ್ಟ್ - ಟ್ರಿಪಲ್ ಟೆಸ್ಟ್' ಎಂದು ಬದಲಾಯಿಸಲಾಗಿದೆ. ಇದು ಸ್ಪರ್ಧಿಗಳಿಗೆ ಸ್ವಲ್ಪ ಸವಾಲಾಗಿರಬಹುದು. ಏಕೆಂದರೆ ಈ ಬಾರಿ ಒಂದು ಪ್ರಶ್ನೆಯ ಬದಲು, ಸ್ಪರ್ಧಿಗಳು ಮೂರು ಜಿಕೆ ಪ್ರಶ್ನೆಗಳಿಗೆ ಉತ್ತರಿಸಬೇಕಾಗುತ್ತದೆ. ಪ್ರತೀ ಸ್ಪರ್ಧಿಯು ಕೇಳಿದ ಪ್ರಶ್ನೆಗೆ ಉತ್ತರಿಸಲು ತೆಗೆದುಕೊಂಡ ಸಮಯವನ್ನು ಲೀಡರ್‌ಬೋರ್ಡ್ ತೋರಿಸುತ್ತದೆ. ಕಡಿಮೆ ಸಮಯದಲ್ಲಿ ಎಲ್ಲ ಮೂರು ಪ್ರಶ್ನೆಗಳಿಗೆ ಸರಿಯಾಗಿ ಉತ್ತರಿಸಿದವರು ನೇರವಾಗಿ ಹಾಟ್ ಸೀಟ್ ತಲುಪುತ್ತಾರೆ.