ಮಥುರಾ(ಉತ್ತರ ಪ್ರದೇಶ):ಉತ್ತರ ಪ್ರದೇಶದ ಮಥುರಾದ ರಿಶಾರ್ ಅವರ ಪತ್ನಿ ಮುಬೀನಾ ಕೌಟುಂಬಿಕ ಸಮಸ್ಯೆಗಳಿಂದ ನೊಂದು 20 ವರ್ಷಗಳ ಹಿಂದೆ ಮನೆ ತೊರೆದಿದ್ದರು. ಅಂದಿನಿಂದ ಸುಮಾರು 11 ವರ್ಷಗಳ ಹಿಂದೆ ಮುಬೀನಾ ತಿರುಪತ್ತೂರು ಬಸ್ ನಿಲ್ದಾಣದ ಸುತ್ತಮುತ್ತ ತಿರುಗಾಡುತ್ತಿದ್ದರು. ಆಕೆ ಮಾನಸಿಕ ಅಸ್ವಸ್ಥಗೊಂಡಿದ್ದರಿಂದ ಪೊಲೀಸರು ಅವರನ್ನು ರೈಲ್ವೆ ನಿಲ್ದಾಣ ಪ್ರದೇಶದಲ್ಲಿರುವ ಮಾನಸಿಕ ಪುನರ್ವಸತಿ ಕೇಂದ್ರಕ್ಕೆ ಹಸ್ತಾಂತರಿಸಿದ್ದರು.
11 ವರ್ಷಗಳ ಕಾಲ ಮುಬೀನಾ ಅವರನ್ನು ಮಾನಸಿಕ ಪುನರ್ವಸತಿ ಕೇಂದ್ರದ ಸಂಸ್ಥಾಪಕ ರಮೇಶ್ ರಕ್ಷಿಸಿದ್ದರು. ಎರಡು ವಾರಗಳ ಹಿಂದೆ ತಿರುಪ್ಪತ್ತೂರಿನ ನಿವಾಸಿ ಮತ್ತು ಆಗ್ರಾದ ವಾಯುಪಡೆಯಲ್ಲಿ ಕೆಲಸ ಮಾಡುತ್ತಿದ್ದ ಅರುಣ್ ಕುಮಾರ್ ಅವರು ತಮ್ಮ ಸಂಬಂಧಿಕರ ಹುಟ್ಟುಹಬ್ಬದ ಸಂದರ್ಭದಲ್ಲಿ ಆಹಾರ ನೀಡಲು ಈ ಪುನರ್ವಸತಿ ಕೇಂದ್ರಕ್ಕೆ ಬಂದಿದ್ದರು.
ಈ ಸಂದರ್ಭದಲ್ಲಿ ಮಾನಸಿಕ ಆರೋಗ್ಯ ಕೇಂದ್ರದ ಸಂಸ್ಥಾಪಕ ರಮೇಶ್ ಅವರು ಅರುಣ್ ಕುಮಾರ್ ಅವರನ್ನು ಮುಬೀನಾ ಬಗ್ಗೆ ವಿಚಾರಿಸುವಂತೆ ಕೇಳಿಕೊಂಡಿದ್ದರು. ಮತ್ತೆ ಕೆಲಸದ ನಿಮಿತ್ತ ಆಗ್ರಾಕ್ಕೆ ಹೋದಾಗ ಅರುಣ್ ಕುಮಾರ್ ಮುಬೀನಾ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಪೊಲೀಸರು ಮುಬೀನಾ ಕುಟುಂಬ ಪತ್ತೆಹಚ್ಚಿ ಅವರಿಗೆ ಈ ಬಗ್ಗೆ ಮಾಹಿತಿ ತಿಳಿಸಿದ್ದಾರೆ.
ಮುಬೀನಾ ಕುಟುಂಬದ ನಾಲ್ವರು ಸದಸ್ಯರು ನಿನ್ನೆ ನ.28ರಂದು ತಿರುಪ್ಪತ್ತೂರಿಗೆ ಬಂದು ಮುಬೀನಾರನ್ನು ಭೇಟಿಯಾದರು. ಈ ವೇಳೆ, ಆಕೆಯನ್ನು ಅಪ್ಪಿಕೊಂಡು ಕಣ್ಣೀರಿಟ್ಟ ಕುಟುಂಬಸ್ಥರು ನಿಗದಿತ ಪ್ರಕ್ರಿಯೆಯ ನಂತರ ಜಿಲ್ಲಾಧಿಕಾರಿ ಅಮರಕುಶ್ವಾಹ ಮತ್ತು ಮಾನಸಿಕ ಆರೋಗ್ಯ ಕೇಂದ್ರದ ಸಂಸ್ಥಾಪಕ ರಮೇಶ್ ಅವರು ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಮುಬೀನಾಳನ್ನು ಆಕೆಯ ಕುಟುಂಬಕ್ಕೆ ಹಸ್ತಾಂತರಿಸಿದರು.
ಇದನ್ನೂ ಓದಿ:ಕಾಂಗ್ರೆಸ್ ಸಭೆಗೇ ನುಗ್ಗಿದ ಗೂಳಿ.. ಬಿಜೆಪಿಯವರೇ ಕಳುಹಿಸದ್ದಾರೆ ಎಂದ ರಾಜಸ್ಥಾನ ಮುಖ್ಯಮಂತ್ರಿ
