ಸ್ಯಾನ್ ಫ್ರಾನ್ಸಿಸ್ಕೊ(ಅಮೆರಿಕ) : ಆಫ್ಲೈನ್ ಲ್ಯಾಂಗ್ವೇಜ್ ಫಂಕ್ಷನಲಿಟಿ ಅಡಿಯಲ್ಲಿ ಗೂಗಲ್ 33 ಹೊಸ ಭಾಷೆಗಳನ್ನು ಆಫ್ಲೈನ್ ಮೋಡ್ನಲ್ಲಿ ಸಪೋರ್ಟ್ ಮಾಡಲಿದೆ ಎಂದು ಕಂಪನಿ ಹೇಳಿದೆ. ನಾವು ಆಫ್ಲೈನ್ ಲ್ಯಾಂಗ್ವೇಜ್ ಫಂಕ್ಷನಲಿಟಿಯನ್ನು 33 ಹೊಸ ಭಾಷೆಗಳಿಗೆ ವಿಸ್ತರಿಸುತ್ತಿದ್ದೇವೆ. ಬಳಕೆದಾರರು ತಮಗಿಷ್ಟವಾದ ಭಾಷೆಗಳನ್ನು ಡೌನ್ಲೋಡ್ ಮಾಡಿಕೊಳ್ಳಬಹುದು ಮತ್ತು ಇಂಟರ್ನೆಟ್ ಕನೆಕ್ಷನ್ ಇಲ್ಲದಿರುವಾಗಲೂ ಟೆಕ್ಸ್ಟ್ ಅನ್ನು ಭಾಷಾಂತರ ಮಾಡಬಹುದು ಎಂದು ಗೂಗಲ್ನ ಸಪೋರ್ಟ್ ಪೇಜ್ನಲ್ಲಿ ಹೇಳಲಾಗಿದೆ.
ಹೊಸದಾಗಿ ಸೇರಿಸಲಾದ ಭಾಷೆಗಳು ಹೀಗಿವೆ: ಬಾಸ್ಕ್, ಸೆಬುವಾನೋ, ಚಿಚೆವಾ, ಕೊರ್ಸಿಕನ್, ಫ್ರಿಸಿಯನ್, ಹೌಸಾ, ಹವಾಯಿಯನ್, ಹ್ಮಾಂಗ್, ಇಗ್ಬೊ, ಜಾವಾನೀಸ್, ಖಮೇರ್, ಕಿನ್ಯಾರ್ವಾಂಡಾ, ಕುರ್ದಿಷ್, ಲಾವೊ, ಲ್ಯಾಟಿನ್, ಲಕ್ಸೆಂಬರ್ಗ್, ಮ್ಯಾನ್ಮಾರ್ (ಬರ್ಮೀಸ್), ಒರಿಯಾ/ಒಡಿಯಾ, ಸಿಂಧಿ, ಜುಲು, ಮತ್ತು ಇತ್ಯಾದಿ. ಗೂಗಲ್ ಟ್ರಾನ್ಸಲೇಶನ್ನಲ್ಲಿ ಆಫ್ಲೈನ್ನಲ್ಲಿ ಭಾಷೆಯನ್ನು ಡೌನ್ಲೋಡ್ ಮಾಡಲು, ಅಪ್ಲಿಕೇಶನ್ನೊಂದಿಗೆ ನೀವು ಯಾವ ಭಾಷೆಗಳನ್ನು ಅನುವಾದಿಸುತ್ತಿರುವಿರಿ ಎಂಬುದನ್ನು ಆರಿಸುವಾಗ ಆ ಭಾಷೆಯ ಪಕ್ಕದಲ್ಲಿರುವ ಡೌನ್ಲೋಡ್ ಬಟನ್ ಅನ್ನು ಟ್ಯಾಪ್ ಮಾಡಿ.
ಏತನ್ಮಧ್ಯೆ, ಗೂಗಲ್ ತನ್ನ ಪಿಕ್ಸೆಲ್ ಸಾಧನಗಳಲ್ಲಿನ ಗಡಿಯಾರ ಅಪ್ಲಿಕೇಶನ್ಗೆ ಹೊಸ ವೈಶಿಷ್ಟ್ಯವನ್ನು ಸೇರಿಸಿದೆ, ಅದರೊಂದಿಗೆ ಬಳಕೆದಾರರು ಈಗ ತಮ್ಮದೇ ಆದ ಅಲಾರಂ ಮತ್ತು ಟೈಮರ್ ಧ್ವನಿಗಳನ್ನು ರೆಕಾರ್ಡ್ ಮಾಡಬಹುದು. ಹಿಂದೆ, ಬಳಕೆದಾರರು ಫೈಲ್ ಮ್ಯಾನೇಜರ್ ಅಪ್ಲಿಕೇಶನ್ ಬಳಸಿ ಫೈಲ್ಗಳನ್ನು ನಕಲಿಸಬೇಕಾಗಿತ್ತು ಮತ್ತು ನಂತರ ಅಲಾರಂ ಸೌಂಡ್ ಸೆಟ್ಟಿಂಗ್ಗಳನ್ನು ಬಳಸಿಕೊಂಡು ಅವುಗಳನ್ನು ಸೇರಿಸಬೇಕಾಗಿತ್ತು ಎಂದು ಮಾಧ್ಯಮ ವರದಿಗಳು ತಿಳಿಸಿವೆ.
ಆದಾಗ್ಯೂ, ಈಗ ಬಳಕೆದಾರರು ಅಷ್ಟೆಲ್ಲ ಕಷ್ಟಪಡಬೇಕಾಗಿಲ್ಲ. ಈಗ ಗೂಗಲ್ ಗಡಿಯಾರ ಅಪ್ಲಿಕೇಶನ್ನಲ್ಲಿಯೇ ಧ್ವನಿಗಳನ್ನು ರೆಕಾರ್ಡ್ ಮಾಡಲು ಹೊಸ ಆಯ್ಕೆಯನ್ನು ಸೇರಿಸಿದೆ. ಹೊಸ ವೈಶಿಷ್ಟ್ಯವು ಇದೀಗ ಪಿಕ್ಸೆಲ್ ಸಾಧನಗಳಿಗೆ ಸೀಮಿತವಾಗಿರುವಂತೆ ತೋರುತ್ತಿದೆ. ಏಕೆಂದರೆ ಇದು ಪಿಕ್ಸೆಲ್-ವಿಶೇಷ ರೆಕಾರ್ಡರ್ ಅಪ್ಲಿಕೇಶನ್ ಅನ್ನು ಬಳಸುತ್ತದೆ ಎಂದು ವರದಿ ಹೇಳಿದೆ.
ತಂತ್ರಜ್ಞಾನ ದೈತ್ಯ ಗೂಗಲ್ ಇತ್ತೀಚೆಗೆ ತನ್ನ ಗೂಗಲ್ ಫಾರ್ ಇಂಡಿಯಾ ಈವೆಂಟ್ ಆಯೋಜಿಸಿತ್ತು. ಇದರಲ್ಲಿ ಕಂಪನಿಯು AI ಮತ್ತು ಹೆಚ್ಚಿನ ಕ್ಷೇತ್ರದಲ್ಲಿ ಹೊಸ ಪ್ರಕಟಣೆಗಳನ್ನು ಮಾಡಿದೆ. ವೈದ್ಯರು ಕೈಯಿಂದ ಬರೆದ ಪ್ರಿಸ್ಕ್ರಿಪ್ಷನ್ಗಳನ್ನು ಗುರುತಿಸುವ ಮತ್ತು ಅರ್ಥೈಸಿಕೊಳ್ಳುವ ವಿಧಾನಗಳ ಬಗ್ಗೆ ಗೂಗಲ್ ಕಾರ್ಯನಿರ್ವಹಿಸುತ್ತಿದೆ ಎಂದು ಈವೆಂಟ್ನಲ್ಲಿ ಘೋಷಿಸಿತು. ವೈದ್ಯಕೀಯ ಆರೋಗ್ಯ ವೃತ್ತಿಪರರಿಗೆ AI ಅನ್ನು ಬಳಸಿಕೊಂಡು ಅದನ್ನು ಡಿಜಿಟಲೈಸ್ ಮಾಡಲು ಸಹಾಯಕ ಮಾದರಿಯನ್ನು ನಿರ್ಮಿಸುವ ಮೂಲಕ ವೈದ್ಯಕೀಯ ಪ್ರಿಸ್ಕ್ರಿಪ್ಷನ್ಗಳಲ್ಲಿ ಏನು ಬರೆಯಲಾಗಿದೆ ಎಂಬುದನ್ನು ಗುರುತಿಸುವ ಸಂಕೀರ್ಣ ಪ್ರಕ್ರಿಯೆಯಲ್ಲಿ ನಾವು ಕೆಲಸ ಮಾಡಲು ಪ್ರಾರಂಭಿಸಿದ್ದೇವೆ ಎಂದು ಕಂಪನಿಯು ಹೇಳಿಕೆಯಲ್ಲಿ ತಿಳಿಸಿದೆ.
ಹೊಸ ಪೀಚರ್ ಸದ್ಯಕ್ಕೆ ಸಂಶೋಧನೆಯ ಮೂಲಮಾದರಿಯಾಗಿದೆ ಮತ್ತು ಸಾರ್ವಜನಿಕರ ಬಳಕೆಗೆ ಇನ್ನೂ ಸಿದ್ಧವಾಗಿಲ್ಲ. ಇದು ಈವೆಂಟ್ನ ಸಮಯದಲ್ಲಿ ಗೂಗಲ್ ಮ್ಯಾನೇಜರುಗಳಿಂದ ಪ್ರದರ್ಶಿಸಲ್ಪಟ್ಟಿದೆ. ಈ ಫೀಚರ್ ಸಾರ್ವಜನಿಕರ ಬಳಕೆಗೆ ಲಭ್ಯವಾದ ನಂತರ ಬಳಕೆದಾರರು ಪ್ರಿಸ್ಕ್ರಿಪ್ಷನ್ನ ಚಿತ್ರಗಳನ್ನು ಸೆರೆ ಹಿಡಿಯಲು ಅಥವಾ ಅವರ ಫೋಟೋ ಲೈಬ್ರರಿಯಿಂದ ಅದನ್ನು ಅಪ್ಲೋಡ್ ಮಾಡಲು ಅವಕಾಶ ಮಾಡಿಕೊಡಲಿದೆ. ನಂತರ ಫೋಟೊವನ್ನು ಸಂಸ್ಕರಿಸಲಾಗುತ್ತದೆ ಮತ್ತು ಪ್ರಿಸ್ಕ್ರಿಪ್ಷನ್ನಲ್ಲಿ ಉಲ್ಲೇಖಿಸಲಾದ ಔಷಧಗಳನ್ನು ರೀಡ್ ಮಾಡುತ್ತದೆ.
ಇದನ್ನೂ ಓದಿ: ವಾಟ್ಸ್ಆ್ಯಪ್ ನಂಬರ್ 65536 ವಿಶೇಷತೆ ಏನು ಗೊತ್ತಾ?: ಇಲ್ಲಿದೆ ನಿಮಗೆ ಗೊತ್ತಿರದ ಸಾಮಾನ್ಯ ಸಂಗತಿ