ಕೋವ್ಯಾಕ್ಸಿನ್​​ನಿಂದ ಅಡ್ಡಪರಿಣಾಮ ಉಂಟಾದ್ರೆ ಪರಿಹಾರ ನೀಡಲು ಸಿದ್ಧ: ಭಾರತ್ ಬಯೋಟೆಕ್​

ಭಾರತ್​ ಬಯೋಟೆಕ್​ನಿಂದ ಅಭಿವೃದ್ಧಿಗೊಂಡಿರುವ ಕೋವ್ಯಾಕ್ಸಿನ್​ನಿಂದ ಯಾವುದಾದರೂ ಗಂಭೀರ ಅಡ್ಡಪರಿಣಾಮ ಉಂಟಾದರೆ ಪರಿಹಾರ ನೀಡಲು ಸಿದ್ಧ ಎಂದು ಕಂಪನಿ ಹೇಳಿದೆ.

ನವದೆಹಲಿ:ಕೊರೊನಾ ವೈರಸ್​ ವಿರುದ್ಧದ ರಾಮಬಾಣ ಕೋವ್ಯಾಕ್ಸಿನ್ ಲಸಿಕೆ ಇಂದಿನಿಂದ ಜನರಿಗೆ ನೀಡಲು ಪ್ರಾರಂಭಿಸಿದ್ದು, ಇದರ ಬೆನ್ನಲ್ಲೇ ಭಾರತ್​ ಬಯೋಟೆಕ್​ ಮಹತ್ವದ ಆದೇಶ ಹೊರಹಾಕಿದೆ.

ಭಾರತ್​ ಬಯೋಟೆಕ್​ನಿಂದ ಅಭಿವೃದ್ಧಿಗೊಂಡಿರುವ ಕೋವ್ಯಾಕ್ಸಿನ್​​ನಿಂದ ಯಾವುದಾದರೂ ಅಡ್ಡಿಪರಿಣಾಮಗಳು ಉಂಟಾದರೆ ಪರಿಹಾರ ನೀಡಲು ಸಿದ್ಧ ಎಂದು ತಿಳಿಸಿದೆ. ಕೇಂದ್ರ ಸರ್ಕಾರದಿಂದ 55 ಲಕ್ಷ ಡೋಸ್ ಖರೀದಿ ಮಾಡಲು ಈಗಾಗಲೇ ಒಪ್ಪಂದ ಮಾಡಿಕೊಂಡಿದ್ದು, ಇದರ ಬೆನ್ನಲ್ಲೇ ಭಾರತ್ ಬಯೋಟೆಕ್​ ಇಂತಹ ಮಹತ್ವದ ಆದೇಶ ಹೊರಹಾಕಿದೆ.

ಲಸಿಕೆ ಸ್ವೀಕಾರ ಮಾಡಿದ ವ್ಯಕ್ತಿಯಲ್ಲಿ ಯಾವುದೇ ಪ್ರತಿಕೂಲ ಪರಿಣಾಮ ಉಂಟಾದ್ರೆ ಅವರಿಗೆ ಎಲ್ಲ ರೀತಿಯ ವೈದ್ಯಕೀಯ ಆರೈಕೆ ನೀಡಲು ಸಿದ್ಧ ಎಂದು ತಿಳಿಸಿದೆ. ಇನ್ನು ಭಾರತ್​ ಬಯೋಟೆಕ್​ನಿಂದ ಅಭಿವೃದ್ಧಿಗೊಂಡಿರುವ ಕೋವ್ಯಾಕ್ಸಿನ್​ ಲಸಿಕೆ ಭಾರತ ಅಷ್ಟೇ ಅಲ್ಲದೇ ಬ್ರೆಜಿಲ್​ಗೂ ರವಾನೆ ಮಾಡಲು ನಿರ್ಧರಿಸಲಾಗಿದ್ದು, ಇದಕ್ಕೆ ಸಂಬಂಧಿಸಿದಂತೆ ಮಾತುಕತೆ ಸಹ ನಡೆದಿದೆ.