ಪಕ್ಷಿಗಳಿಗೆ ಇಟ್ಟಿದ್ದ ಅನ್ನ ತಿಂದು ಹೊಟ್ಟೆ ತುಂಬಿಸಿಕೊಂಡ ರೋಗಿ... ಕರುಳು ಹಿಂಡುವ ವಿಡಿಯೋ

ಒಪಿಡಿ ಕಾಂಪ್ಲೆಕ್ಸ್ ಕಾಂಪೌಂಡ್‌ನಲ್ಲಿ ಪಕ್ಷಿಗಳಿಗಾಗಿ ಎಸೆಯಲ್ಪಟ್ಟ ಅನ್ನವನ್ನು ತಿನ್ನುತ್ತಿದ್ದ ದೃಶ್ಯ ಆತನ ಅಸಹಾಯಕತೆಯನ್ನು ತೋರುವಂತೆ ಮಾಡಿತ್ತು. ಫಿಲಿಪ್​ ಎಂಬ ರೋಗಿ ಈ ರೀತಿ ಮಾಡಿದ್ದು, ಈತ ಹಲವಾರು ದಿನಗಳಿಂದ ಆಹಾರವಿಲ್ಲದೆ ಹಸಿವಿನಿಂದ ಬಳಲಿದ್ದ ಎನ್ನಲಾಗಿದೆ.

ರಾಂಚಿ: ಜಾರ್ಖಂಡ್‌ನ ರಾಜೇಂದ್ರ ಇನ್‌ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸ್ (ರಿಮ್ಸ್) ನಲ್ಲಿ ರೋಗಿಯೊಬ್ಬ ತೀವ್ರ ಹಸಿವಿನಿಂದ ಆಸ್ಪತ್ರೆಯಿಂದ ಹೊರಬಂದು ಪಕ್ಷಿಗಳಿಗಾಗಿ ಇಡಲಾಗಿದ್ದ ಆಹಾರವನ್ನು ಸೇವಿಸಿದ್ದಾನೆ.

ಒಪಿಡಿ ಕಾಂಪ್ಲೆಕ್ಸ್ ಕಾಂಪೌಂಡ್‌ನಲ್ಲಿ ಪಕ್ಷಿಗಳಿಗಾಗಿ ಎಸೆಯಲ್ಪಟ್ಟ ಅನ್ನವನ್ನು ತಿನ್ನುತ್ತಿದ್ದ ದೃಶ್ಯ ಆತನ ಅಸಹಾಯಕತೆಯನ್ನು ತೋರುವಂತೆ ಮಾಡಿತ್ತು. ಫಿಲಿಪ್​ ಎಂಬ ರೋಗಿ ಈ ರೀತಿ ಮಾಡಿದ್ದು, ಈತ ಹಲವಾರು ದಿನಗಳಿಂದ ಆಹಾರವಿಲ್ಲದೆ ಹಸಿವಿನಿಂದ ಬಳಲಿದ್ದ ಎನ್ನಲಾಗಿದೆ.

ಇನ್ನು ಆತನ ಕಾಲುಗಳಲ್ಲಿ ರಾಡ್ ಅಳವಡಿಸಲಾಗಿರುವುದರಿಂದ ದೂರ ಸಂಚಾರ ಕಷ್ಟಕರವಾಗಿದೆ. ಈ ಕಾರಣಕ್ಕಾಗಿ ಆತ ಪಕ್ಷಿಗಳಿಗೆ ಇಟ್ಟಿದ್ದ ಆಹಾರವನ್ನೇ ಸೇವಿಸಿದ್ದಾನೆ.

ರಿಮ್ಸ್ ನಿರ್ದೇಶಕ ಡಾ.ಡಿ.ಕೆ.ಸಿಂಗ್ ಈ ಬಗ್ಗೆ ಪ್ರತಿಕ್ರಿಯೆ ನೀಡಿ, ನಾನು ಆ ದೃಶ್ಯಗಳನ್ನು ನೋಡಿದ್ದೇನೆ. ಅದರ ಬಗ್ಗೆ ವಿಚಾರಿಸಿದೆ. ಅಲ್ಲದೆ, ರೋಗಿಯೊಂದಿಗೆ ಯಾರೂ ಸಂಬಂಧಿಕರು ಇರಲಿಲ್ಲವೆ ಎಂಬಿತ್ಯಾದಿ ಮಾಹಿತಿಯನ್ನು ಸಂಬಂಧಿಸಿದವರ ಬಳಿ ಕೇಳಿದ್ದೇನೆ ಎಂದು ತಿಳಿಸಿದ್ದಾರೆ.