ತಿರುವನಂತಪುರಂ(ಕೇರಳ): ಕೇರಳ ವಿಧಾನಸಭೆಯಲ್ಲಿ ಬಜೆಟ್ ಅಧಿವೇಶನದ ಮೊದಲ ದಿನ ನಾಟಕೀಯ ವಿದ್ಯಮಾನಗಳಿಗೆ ಸಾಕ್ಷಿಯಾಯ್ತು. ಪೌರತ್ವ (ತಿದ್ದುಪಡಿ) ಕಾಯ್ದೆ ಹಾಗು ಎನ್‌ಆರ್‌ಸಿ ಬಗ್ಗೆ ಕೇಂದ್ರದ ನಿಲುವಿಗಂಟಿರುವ ರಾಜ್ಯಪಾಲರು ಅಧಿವೇಶನಕ್ಕೆ ಬರ್ತಿದ್ದಂತೆ ಕಾಂಗ್ರೆಸ್ ನೇತೃತ್ವದ ಯುಡಿಎಫ್ ಶಾಸಕರು ರಾಜ್ಯಪಾಲರ ವಿರುದ್ಧ ಘೋಷಣೆಗಳನ್ನು ಕೂಗಿದ್ದಾರೆ.
ಸದನವನ್ನುದ್ದೇಶಿಸಿ ಮಾತನಾಡುತ್ತಿರುವ ರಾಜ್ಯಪಾಲರು
ಬಳಿಕ ಸದನವನ್ನುದ್ದೇಶಿಸಿ ಮಾತನಾಡಿದ ರಾಜ್ಯಪಾಲ ಆರಿಫ್ ಮಹಮ್ಮದ್ ಖಾನ್, ಸಿಎಂ ನನಗೆ ತಿಳಿಸಿದಂತೆ ಮೊದಲು ಸಿಎಎ ಬಗ್ಗೆ ಓದುತ್ತೇನೆ, ಈ ಬಗ್ಗೆ ನನಗೆ ಪ್ರತ್ಯೇಕವಾದ ನಿಲುವುಗಳಿವೆ. ಯಾಕೆಂದರೆ, ಸಿಎಎ ವಿಚಾರ ಸರ್ಕಾರದ ಕಾರ್ಯಕ್ರಮಗಳು, ನೀತಿಗಳ ಭಾಗವಲ್ಲ. ಆದ್ರೆ, ಇದು ಸರ್ಕಾರದ ನಿಲುವು ಆಗಿದೆ. ಹಾಗಾಗಿ ಸರ್ಕಾರದ ದೃಷ್ಠಿಕೋನ ಮತ್ತು ಆಶಯವನ್ನು ಗೌರವಿಸುವ ಉದ್ದೇಶದಿಂದಷ್ಟೇ ಸರ್ಕಾರ ಬರೆದುಕೊಟ್ಟ ಭಾಷಣವನ್ನು ಓದುವುದಾಗಿ ಅವರು ಸ್ಪಷ್ಟಪಡಿಸಿದರು.
ವಿಧಾನಸಭೆಯಲ್ಲಿ ಗವರ್ನರ್ ಎದುರು ಪ್ರತಿಭಟಿಸುತ್ತಿರುವ ಶಾಸಕರು