ನವದೆಹಲಿ:ಪ್ರಧಾನಿ ನರೇಂದ್ರ ಮೋದಿ ಅವರು ತಾವು ಯೋಗಾಸನ ಮಾಡುತ್ತಿರುವ 3ಡಿ ಆ್ಯನಿಮೇಟೆಡ್ ವಿಡಿಯೋವನ್ನ ಟ್ವಿಟ್ಟರ್ನಲ್ಲಿ ಹಂಚಿಕೊಂಡಿದ್ದಾರೆ.
'ಭಾನುವಾರದ ಮನ್ ಕಿ ಬಾತ್ ಕಾರ್ಯಕ್ರಮದಲ್ಲಿ, ನನ್ನ ಫಿಟ್ನೆಸ್ ದಿನಚರಿಯ ಬಗ್ಗೆ ಯಾರೋ ನನ್ನನ್ನು ಕೇಳಿದರು. ಆದ್ದರಿಂದ, ಈ ವಿಡಿಯೋಗಳನ್ನು ಹಂಚಿಕೊಳ್ಳುತ್ತಿದ್ದೇನೆ' ಎಂದು ಮೋದಿ ಟ್ವೀಟ್ ಮಾಡಿದ್ದು, 'ನೀವು ಸಹ ನಿಯಮಿತವಾಗಿ ಯೋಗಾಭ್ಯಾಸವನ್ನ ಪ್ರಾರಂಭಿಸುತ್ತೀರಿ ಎಂದು ನಾನು ಭಾವಿಸುತ್ತೇನೆ' ಎಂದಿದ್ದಾರೆ.
ಲಾಕ್ ಡೌನ್ ಸಮಯದಲ್ಲಿ ಹೇಗೆ ಸದೃಢರಾಗಿದ್ದೀರಾ ಎಂದು ಭಾನುವಾರದ 'ಮನ್ ಕಿ ಬಾತ್'ನಲ್ಲಿ ಕೇಳಿದ ಪ್ರಶ್ನೆಗೆ ಉತ್ತರಿಸಿದ್ದ ಪ್ರಧಾನಿ, 'ಯೋಗ ವಿತ್ ಮೋದಿ' ವಿಡಿಯೋಗಳನ್ನು ಪೋಸ್ಟ್ ಮಾಡುವುದಾಗಿ ಹೇಳಿದ್ದರು.
'ನೆನಪಿಡಿ, ನಾನು ಫಿಟ್ನೆಸ್ ತಜ್ಞನಲ್ಲ, ನಾನು ಯೋಗ ಶಿಕ್ಷಕನೂ ಅಲ್ಲ. ನಾನು ಕೇವಲ ಸಾಧಕ. ಕೆಲವು ಯೋಗಾಸನಗಳು ನನಗೆ ತುಂಬಾ ಪ್ರಯೋಜನವನ್ನು ನೀಡಿವೆ. ಲಾಕ್ ಡೌನ್ ಸಮಯದಲ್ಲಿ ಈ ಕೆಲವು ಸಲಹೆಗಳು ನಿಮಗೂ ಸಹ ಸಹಾಯ ಮಾಡುವ ಸಾಧ್ಯತೆಯಿದೆ ಎಂದು ಟ್ವಿಟ್ಟರ್ನಲ್ಲಿ ತಿಳಿಸಿದ್ದಾರೆ.