ಸೂರತ್ (ಗುಜರಾತ್):ರಾಷ್ಟ್ರವ್ಯಾಪಿ ಲಾಕ್ಡೌನ್ ಹಾಗೂ ಕೋವಿಡ್-19 ಭೀತಿಯ ನಡುವೆ, ಸೂರತ್ನಲ್ಲಿ ದಂಪತಿ ಸರಳ ಸಮಾರಂಭದಲ್ಲಿ ಮಾಸ್ಕ್ ಮತ್ತು ಗ್ಲೌಸ್ ಧರಿಸಿಕೊಂಡೇ ವಿವಾಹವಾಗಿದ್ದಾರೆ.
ವಧುವಿನ ಮನೆಯಲ್ಲಿ ನಡೆದ ಸಮಾರಂಭದಲ್ಲಿ ಪೂಜಾ ಮತ್ತು ದಿಶಾಂಕ್ ದಂಪತಿ ಕೇವಲ ಆರು ಜನರ ಹಾಜರಾತಿಯಲ್ಲಿ ಮದುವೆಯಾಗಿದ್ದಾರೆ.
"ಅದ್ಧೂರಿ ಮದುವೆ ಸಮಾರಂಭ ನಡೆಸಲು ಈ ಹಿಂದೆ ನಿರ್ಧರಿಸಲಾಗಿತ್ತು. ಆದರೆ ಕೊರೊನಾ ಲಾಕ್ಡೌನ್ ಹಿನ್ನೆಲೆ ಸರಳವಾಗಿ ಮದುವೆಯಾಗಿದ್ದೇವೆ. ನಮ್ಮ ಮನೆಯ ಟೆರೇಸ್ನಲ್ಲಿ ನಡೆದ ಕಾರ್ಯ್ರಮದಲ್ಲಿ ನಮ್ಮ ಪೋಷಕರು ಸೇರಿದಂತೆ ಕೇವಲ ಆರು ಜನ ಮಾತ್ರ ಉಪಸ್ಥಿತರಿದ್ದರು" ಎಂದು ಮದುಮಗಳು ತಿಳಿಸಿದ್ದಾಳೆ.
"ವಿವಾಹದ ಸ್ಥಳದಲ್ಲಿ ಮಾಸ್ಕ್, ಗ್ಲೌಸ್ ಮತ್ತು ಸ್ಯಾನಿಟೈಸರ್ಗಳನ್ನು ಮುಂಚಿತವಾಗಿಯೇ ಇರಿಸಲಾಗಿತ್ತು. ಕುಟುಂಬದವರು ವಿಡಿಯೋ ಕಾಲ್ ಮೂಲಕ ಸಮಾರಂಭದಲ್ಲಿ ಭಾಗವಹಿಸಿದರು" ಎಂದು ಅವರು ಹೇಳಿದರು.