ಇಂಪಾಲ್:ಸರ್ಕಾರದ ಹಣ ದುರ್ಬಳಿಕೆ ಮಾಡಿಕೊಂಡ ಆರೋಪದಡಿ ಮಣಿಪುರದ ಮಾಜಿ ಮುಖ್ಯಮಂತ್ರಿ ಒ ಇಬೊಬಿ ಸಿಂಗ್ ಮೇಲೆ ಸಿಬಿಐ ದಾಳಿ ನಡೆಸಿದ್ದು, ಈ ವೇಳೆ ಅವರ ಮನೆಯಲ್ಲಿ ₹ 26.49 ಲಕ್ಷ ಅಮಾನ್ಯಗೊಂಡ ನೋಟು ಪತ್ತೆಯಾಗಿವೆ.
ಸರ್ಕಾರದ 322 ರೂ ಕೋಟಿ ಹಣ ದುರ್ಬಳಿಕೆ ಮಾಡಿಕೊಂಡ ಆರೋಪದ ಮೇಲೆ ಸಿಬಿಐ ಕೆಲ ಐಎಎಸ್ ಅಧಿಕಾರಿಗಳು ಹಾಗೂ ಮಾಜಿ ಸಿಎಂ ಇಬೊಬಿ ಸಿಂಗ್ ಮನೆ ಮೇಲೆ ದಾಳಿ ಮಾಡಿದೆ. ಕೇಂದ್ರೀಯ ತನಿಖಾ ದಳ ದಾಳಿ ನಡೆಸುತ್ತಿದ್ದಂತೆ ಮಾಜಿ ಸಿಎಂ ಮನೆಯಲ್ಲಿ 2016ರಲ್ಲೇ ಅಮಾನ್ಯಗೊಂಡಿರುವ 1000ರೂ ಹಾಗೂ 500ರೂ ಮುಖಬೆಲೆಯ ಹಳೇ ನೋಟು ಪತ್ತೆಯಾಗಿವೆ. ಇದೇ ವೇಳೆ ಕೆಲ ಐಷಾರಾಮಿ ಕಾರು ವಶಕ್ಕೆ ಪಡೆದುಕೊಳ್ಳಲಾಗಿದೆ ಎಂಬ ಮಾಹಿತಿ ಸಹ ಹೊರಬಿದ್ದಿದೆ.