ಬಿಹಾರದ ಸಚಿವಾಲಯದಲ್ಲಿ ಜೀನ್ಸ್​ ಪ್ಯಾಂಟ್ - ಟೀ ಶರ್ಟ್​ ಬ್ಯಾನ್!

ಸಚಿವಾಲಯದ ಅಧಿಕಾರಿಗಳು ಮತ್ತು ನೌಕರರು ಕಚೇರಿ ಸಂಸ್ಕೃತಿಗೆ ವಿರುದ್ಧವಾದ ಉಡುಪಿನಲ್ಲಿ ಬರದೇ ಸರಳ ಮತ್ತು ಆರಾಮಾದಾಯಕ ಉಡುಗೆಯಲ್ಲಿ ಕಚೇರಿಗೆ ಬರಬೇಕು ಎಂದು ಬಿಹಾರ ಸರ್ಕಾರ ನೋಟಿಸ್​​​ ನೀಡಿದೆ.

ಪಾಟ್ನಾ: ರಾಜ್ಯ ಸಚಿವಾಲಯದಲ್ಲಿ ನೌಕರರು ಜೀನ್ಸ್ ಮತ್ತು ಟೀ ಶರ್ಟ್ ಧರಿಸುವುದನ್ನು ಬಿಹಾರ ಸರ್ಕಾರ ನಿಷೇಧಿಸಿ ನೋಟಿಸ್​​​​ ನೀಡಿದೆ.

ಅಧಿಕಾರಿಗಳು ಮತ್ತು ನೌಕರರು ಕಚೇರಿಯಲ್ಲಿ ಸರಳ, ಆರಾಮದಾಯಕ ಮತ್ತು ತಿಳಿ ಬಣ್ಣದ ಉಡುಪು ಧರಿಸುವಂತೆ ತಿಳಿಸಲಾಗಿದೆ. ಈ ಬಗ್ಗೆ ಮಾತನಾಡಿರುವ ಕಾರ್ಯದರ್ಶಿ ಮಹದೇವ್ ಪ್ರಸಾದ್, ಕಚೇರಿ ಸಂಸ್ಕೃತಿಗೆ ವಿರುದ್ಧವಾದ ಉಡುಪಿನಲ್ಲಿ ಅಧಿಕಾರಿಗಳು ಮತ್ತು ನೌಕರರು ಕಚೇರಿಗೆ ಬರುತ್ತಿರುವುದು ಗಮನಕ್ಕೆ ಬಂದಿದೆ. ಇದು ಕಚೇರಿಯ ಸಭ್ಯತೆಗೆ ವಿರುದ್ಧವಾಗಿದೆ. ಪ್ರತಿಯೊಬ್ಬರು ಸಾಂಪ್ರದಾಯಿಕ ಉಡುಗೆಯಲ್ಲೇ ಕಚೇರಿಗೆ ಬರಬೇಕು ಎಂದು ಹೇಳಿದ್ದಾರೆ.

ಅಧಿಕಾರಿಗಳು ಮತ್ತು ನೌಕರರು ಕಚೇರಿ ಸಂಸ್ಕೃತಿಗೆ ವಿರುದ್ಧವಾದ ಉಡುಪಿನಲ್ಲಿ ಬರದೆ ಸರಳ ಮತ್ತು ಆರಾಮಾದಾಯಕ ಉಡುಗೆಯಲ್ಲಿ ಕಚೇರಿಗೆ ಬರಬೇಕು. ಹವಾಮಾನಕ್ಕೆ ಅನುಗುಣವಾಗಿ ನಿಮ್ಮ ಉಡುಪನ್ನು ಆಯ್ಕೆ ಮಾಡಿಕೊಳ್ಳಿ ಎಂದು ತಿಳಿಸಲಾಗಿದೆ.