ಬಿಹಾರ: ಪ್ರಾಣಕ್ಕೆ ಕುತ್ತು ತಂದ ಛಠ್​​ ಪೂಜಾ... ಪ್ರತ್ಯೇಕ ಘಟನೆಗಳಲ್ಲಿ ನಾಲ್ವರ ಸಾವು!

ಬಿಹಾರದಲ್ಲಿ ಛಠ್​ ಪೂಜಾ ಸಂಭ್ರಮ ಜೋರಾಗಿದೆ. ಆದರೆ ಈ ಸಂಭ್ರಮ ಹಲವೆಡೆ ಆಪತ್ತು ತಂದಿದ್ದು, ಎರಡು ವಿಭಿನ್ನ ಘಟನೆಯಿಂದ ನಾಲ್ವರು ಸಾವನ್ನಪ್ಪಿದ್ದಾರೆ.

ಔರಂಗಾಬಾದ್​/ಸಮಸ್ತಿಪುರ್​: ಬಿಹಾರದಲ್ಲಿ ಛಠ್​ ಪೂಜಾವನ್ನು ಸಂಭ್ರಮದಿಂದ ಆಚರಿಸಲಾಗುತ್ತಿದ್ದು, ಈ ಸಂಭ್ರಮ ಕೆಲ ಕುಟುಂಬಗಳಿಗೆ ದುಃಖ ತಂದಿದೆ.

ಔರಂಗಾಬಾದ್​ನ ಸೂರ್ಯಗಿರಿ ದೇವ್​ ಪ್ರದೇಶದಲ್ಲಿ ಛಠ್​ ಪೂಜಾ ಆಚರಣೆ ವೇಳೆ ನಡೆದ ಕಾಲ್ತುಳಿತದಿಂದ ಇಬ್ಬರು ಅಪ್ರಾಪ್ತರು ಸಾವನ್ನಪ್ಪಿದ್ದಾರೆ. ಇದರೊಂದಿಗೆ ಹಲವು ಭಕ್ತರಿಗೆ ಗಾಯಗಳಾಗಿವೆ.

ಇನ್ನೊಂದೆಡೆ ಸಮಸ್ತಿಪುರದ ಘಾಟ್​ ಎಂಬಲ್ಲಿ ದೇವಸ್ಥಾನದ ಗೋಡೆ ಕುಸಿದ ಪರಿಣಾಮ ಇಬ್ಬರು ಮಹಿಳೆಯರು ಸಾವನ್ನಪ್ಪಿದ್ದಾರೆ. ಸ್ಥಳಕ್ಕೆ ರಾಜ್ಯ ವಿಪತ್ತು ನಿರ್ವಹಣಾ ತಂಡ ದೌಡಾಯಿಸಿ, ರಕ್ಷಣಾ ಕಾರ್ಯ ನಡೆಸಿದೆ.