ರಣ ಭಯಂಕರ ಮಳೆ: ಉಕೈ ಡ್ಯಾಂನಿಂದ ತಾಪಿ ನದಿಗೆ 2 ಲಕ್ಷ ಕ್ಯೂಸೆಕ್ ನೀರು ಬಿಡುಗಡೆ

ಗುಜರಾತ್​​ನಾದ್ಯಂತ ಮಳೆಯಾಗುತ್ತಿದ್ದು, ನಿನ್ನೆ ಉಕೈ ಡ್ಯಾಂನಿಂದ ತಾಪಿ ಜಿಲ್ಲೆಯ ತಾಪಿ ನದಿಗೆ ಸುಮಾರು 2 ಲಕ್ಷ ಕ್ಯೂಸೆಕ್ ನೀರನ್ನು ಬಿಡುಗಡೆ ಮಾಡಲಾಗಿದೆ.

ತಪಿ (ಗುಜರಾತ್):ಗುಜರಾತ್​ ರಾಜ್ಯದಾದ್ಯಂತ ಬಾರಿ ಮಳೆಯಾಗುತ್ತಿದ್ದು, ನದಿಗಳಲ್ಲಿ ನೀರಿನ ಮಟ್ಟ ಏರಿಕೆಯಾಗುತ್ತಿದೆ. ನಿನ್ನೆ ಉಕೈ ಡ್ಯಾಂನಿಂದ ತಾಪಿ ಜಿಲ್ಲೆಯ ತಾಪಿ ನದಿಗೆ ಸುಮಾರು 2 ಲಕ್ಷ ಕ್ಯೂಸೆಕ್ ನೀರನ್ನು ಬಿಡುಗಡೆ ಮಾಡಲಾಗಿದೆ. ಹೀಗಾಗಿ ಉಕೈ ಡ್ಯಾಂನಲ್ಲಿ ನೀರಿನ ಮಟ್ಟ ಹೆಚ್ಚಾಗಿದೆ.

ಮುಂದಿನ ಎರಡು ದಿನಗಳಲ್ಲಿ ಗುಜರಾತ್‌ನಾದ್ಯಂತ ಭಾರಿ ಮಳೆಯಾಗಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ಬುಧವಾರ ಮುನ್ಸೂಚನೆ ನೀಡಿದೆ. ಇಂದು ಮತ್ತು ನಾಳೆ ರಾಜ್ಯದ ಹಲವೆಡೆ ಹೆಚ್ಚು ಮಳೆ ಸುರಿಯವ ಸಾಧ್ಯತೆಗಳಿವೆ.

ಇದನ್ನೂ ಓದಿ:ಛತ್ತೀಸ್‌ಗಢದಲ್ಲಿ ರಾಜಕೀಯ ದಿಢೀರ್‌ ಬೆಳವಣಿಗೆ; ಕಾಂಗ್ರೆಸ್‌ನ 15 ಶಾಸಕರು ದೆಹಲಿಗೆ ದೌಡು

ಅಕ್ಟೋಬರ್ 2 ರವರೆಗೆ ಮೀನುಗಾರರು ಅರಬ್ಬಿ ಸಮುದ್ರಕ್ಕೆ ಇಳಿಯದಂತೆ ಹವಾಮಾನ ಇಲಾಖೆ ಸೂಚಿಸಿದೆ. ಸಮುದ್ರದಲ್ಲಿ ಇರುವ ಮೀನುಗಾರರನ್ನು ನಿನ್ನೆಯೇ ಸಂಜೆಯೊಳಗೆ ಮರಳಿ ಬರುವಂತೆ ಐಎಂಡಿ ಸೂಚಿಸಿತ್ತು. ಮಳೆಯ ಎಚ್ಚರಿಕೆಯನ್ನು ಗಮನದಲ್ಲಿಟ್ಟುಕೊಂಡು, ಅಕ್ಟೋಬರ್ 2 ರವರೆಗೆ ಎಲ್ಲ ಮೀನುಗಾರಿಕೆ ಚಟುವಟಿಕೆಗಳನ್ನು ಸ್ಥಗಿತಗೊಳಲಾಗಿದೆ.