'इंडियन पैंथर हाउंड' रे संरक्षण री तैयारी, हिमाचल सरकारा खर्च करने 78 लाख रुपये
हिमाचल प्रदेश री सरकार श्वान रे संरक्षण कन्ने संवर्धन लेई 78 लाख री परियोजना री शुरुआत कीती है. कृषि विश्वविद्यालय पालमपुर रे वेटरनरी कॉलेज रे वैज्ञानिकां री टीमे गद्दी नस्ल रे कुत्तेयां रे फेनोटाइपिक कन्ने मॉलिक्यूलर विशेषतां पर अध्ययन करना. इंडियन पैंथर हाउंड रे नामा ते मशहूर कुत्तेयां रे संरक्षण री गल पीएम मोदी ए अपणे 'मन री बात' कार्यक्रम च कीती थी.
कांग्रेस ए सीएम रे खिलाफ चुनाव आयोग च दीती शिकायत
कांग्रेस ए सीएम जयराम ठाकुर पर आचार संहिता रे उल्लंघन रे आरोप लगाए हन. आरोप लगांदे होए कांग्रेस रे प्रदेश प्रवक्ता ए केहा कि मुख्यमंत्री वोटरां जो प्रभावित करने लेई कर्मचारियां, पेशनरां कन्ने युवां लेई प्रलोभनां री घोषणां करी ने सरेआम आचार संहिता रा उल्लंघन करा दे हन. तिनें चुनाव आयोग ते इस पर कड़ा संज्ञान लेणे री मांग कीती है.
अंहारी संस्कृति कन्ने इतिहास च महर्षि वाल्मीकि रा सर्वोच्च स्थान: राज्यपाल
अहांरी संस्कृति कन्ने इतिहास च महर्षि वाल्मीकि रा सर्वोच्च स्थान है. ऋषि-मुनि, जिनें सनातन संस्कृति रा पोषण कितेया है, तिनां च महर्षि वाल्मीकि सबते ऊपर हैं, इसलिए सैं अहां सभी लेई वंदनीय कन्ने पूजनीय हन. ये गल हिमाचल प्रदेश रे राज्यपाल राजेन्द्र विश्वनाथ अर्लेकर ए बुधवारा जो महर्षि वाल्मीकि रे प्रकटोत्सव पर शिमले रे कृष्णानगर स्थित भगवान वाल्मीकि मंदिर च पूजा-अर्चना रे दौरान केही.
हिमाचल च कृषि विभाग रे 100 ग्रुप्स रे जरिए 6100 किसानां री समस्यां रा होदा समाधान
हिमाचल प्रदेश च प्राकृतिक खेती करा दे किसानां री समस्यां रे समाधान लेई डिजिटल तकनीक रा सहारा लितेया जादा है. कृषि विभाग 100 व्हाट्सएप ग्रुप्स रे जरिए प्रदेश रे 6100 किसानां री समस्यां रा निदान करा दा है. इनां ग्रुपां च प्राकृतिक खेती रे जनक सुभाष पालेकर, विभाग रे वैज्ञानिक कन्ने अधिकारी जुड़े हन.
22 अक्टूबरा जो रामपुर दौरे पर रेहणे सीएम जयराम, खुशाल ठाकुर लेई जनता ते मंगणा समर्थन
22 अक्टूबरा जो सीएम जयराम ठाकुर रामपुर दौरे पर रेहणे. इस दौरान तिनां जनता जो संबोधित करना कन्ने मंडी संसदीय सीट रे बीजेपी रे प्रत्याशी खुशाल ठाकुर रे समर्थन च वोट पाणे री अपील करनी. सीएम रे दौरे ते पहले 21 अक्टूबरा जो बीजेपी रे उम्मीदवार रि. ब्रिगेडियर खुशाल ठाकुरा रामपुर रे ग्रामीण क्षेत्रां रा दौरा करना कन्ने जनता ते वोट पाणे री अपील करनी.