खबरां पहाड़ां री: पूरे भारत च सबते घट तंबाकू खाएं हिमाचल प्रदेश रे युवा

तुहांरी बोलिया जो जिंदा रखने री ईटीवी भारत ने कीती पहल, पूरे प्रदेशा रा हाल जाणा बस इक क्लिका पर...

बॉलीवुड एक्ट्रेस शिल्पा शेट्टी ए घरवाले कन्ने मां बगलामुखी मंदिरा च करवाया तांत्रिक अनुष्ठान

बीते दिनों बॉलीवुड एक्ट्रेस शिल्पा शेट्टी अपणे घरवाले कन्ने बिजनेसमैन राज कुंद्रा रे चलते चर्चा च बणी री थीं. एडल्ट फिल्म मामले च फंसे राज कुंद्रा करीब 2 महीने तक जेला च थे. हालांकि, जेला ते बाहर आणे रे बाद ते ही सैं सार्वजनिक तौरा पर शिल्पा कन्ने अपणे परिवारा रे कन्ने नजर नी आए थे वहीं, हुण काफी टाइमा बाद शिल्पा शेट्टी अपणे घरवाले राज कुंद्रा रे कन्ने नजर आईं. दोनां पति पत्नी हिमाचल प्रदेश च ज्वालाजी कन्ने मां चामुंडा देवी मंदिर रे दर्शन करने पहुंचे थे. वहीं, कांगड़ा जिले च दोनें शत्रुनाशिनी मां बगलामुखी मंदिर बनखंडी च तांत्रिक अनुष्ठान भी करवाया.

हिमाचल प्रदेश च अजा ते खुले स्कूल, मास्क पहनणा जरूरी

हिमाचल प्रदेश च सरकार रे निर्देशानुसार बुधवार यानि अजा ते तीसरी ते बारहवीं क्लासा तक रे स्कूली बच्चेयां री स्कूलां च नियमित क्लासां लगणियां. माइक्रो प्लान रे आधारा पर क्लांसा च बच्चे बैठाए जाणे. स्कूल गेटा पर थर्मल स्क्रीनिंग ते तापमान जांचेया जाणा. अगर किसी बच्चे या टीचरा च बुखारा रे लक्षण मिले तां गेटा ते ही तिनां जो वापस भेजी दितेया जाणा. स्कूलां च सारेयां जो मास्क पहनना जरूरी रेहणा.

सचिवालय च 27 नवंबरा जो होणी जेसीसी री बैठक

मुख्यमंत्री जयराम ठाकुर (chief minister jairam thakur ) री अध्यक्षता च 27 नवंबरा जो 11 बजे राज्य सचिवालय (State Secretariat) च बैठक होणी. इहा बैठका च छठे वेतन आयोग री सिफारिशां लागू करवाणे पर सीएम जयराम ठाकुर घोषणा करी सकां ए. उम्मीद जताई जादी है कि इहा बैठका च अनुबंध कार्यकाल तीन ते दो साल करने पर चर्चा होई सकां ई.

BJP ए जुब्बल-कोटखाई मंडल अध्यक्ष री कमान उमेश शर्मा जो दीती

जुब्बल -कोटखाई च बड्डी हारा रे बाद भाजपा ए मंडल अध्यक्ष उमेश शर्मा जो नियुक्त करी दितेया. तिनां जो 15 दिनां रे अंदर कार्यकारिणी गठित करनी होणी. वहीं, पार्टी ए जिला अध्‍यक्ष कन्ने जिला प्रभारी रा सहयोग लेणे रा भी निर्देश दितेया.

पूरे भारत च सबते घट तंबाकू खाएं हिमाचल रे युवा

हिमाचल रे युवा देशा च सबते घट तंबाकू रा इस्तेमाल करां ए. ग्लोबल यूथ टोबैको सर्वे-4 (Global Youth Tobo Survey-4) च ये गल सामणे आई. एनएचएम रे एमडी हेमराज बैरवा (NHM MD Hemraj Bairwa) ए दसेया कि राज्य सरकार ए टाइमा-टाइमा पर इस दिशा च महत्वपूर्ण कदम उठाई ने काम कितेया.

IGMC शिमला च पहली बार बिना चीर-फाड़ रे होया आहार नली रे कैंसर रा सफल ऑपरेशन

प्रदेश रे सबते बड्डे अस्पताल आईजीएमसी च पहली बार आहार नली रे कैंसर रा ऑपरेशन हाइटेक लेप्रोस्कोपिक तकनीक ने बिना चीर-फाड़ ऑपरेशन कितेया गेया है. 74 वर्षीय बुजुर्ग मरीज रा इहा तकनीका ते सफल ऑपरेशन करी ने डॉक्टरां री टीम ए जीवनदान दितेया है. बड़े शहरां च इस ऑपरेशन पर चार ते पांज लाख रुपए खर्च आं, लेकिन आईजीएमसी च निःशुल्क सर्जरी कीती गई है.

कंगना रनौत जो पद्मश्री मिलणे पर कांग्रेस MLA विक्रमादित्य सिंह ए दीती बधाई

हिमाचल री बेटी कंगना रनौत जो पद्मश्री सम्मान मिलणे रे बाद बधाइयां रा तांता लगी गया है. बीजेपी रे कन्ने-कन्ने कांग्रेस विधायक विक्रमादित्य सिंह (Congress MLA Vikramaditya Singh) ए भी मशहूर अभिनेत्रीया जो बधाई दीती है. विक्रमादित्य सिंह ए सोशल मीडिया पर बधाई देंदे होए लिखेया कि, 'तुंहारी उपलब्धि पर हिमाचल प्रदेश री समस्त जनता जो गर्व है. तुहें उन्नति री राह पर इसी तरह निरंतर आगे बढ़दी रहो, ये ही कामना करां.'

छरूडू मारपीट च घायल यूम नेगी पहुंचीं कुल्लू

कुल्लू रे छरूडू च 25 अगस्त जो होई मारपीट च घायल यूम नेगी इलाज लेई कुल्लू अस्पताल (Kullu Hospital) पहुंचीं. इस दौरान यूम नेगी ए केहा कि इतने बड्डे मारपीट व हत्याकांड रे बाद भी मुख्यमंत्री जयराम ठाकुर (Chief Minister Jairam Thakur) ए तिनां रे प्रति कोई संवेदना व्यक्त नी कीती. इसरे कन्ने ही यूम नेगी ए कुल्लू पुलिस कन्ने अदालत री कार्यप्रणाली पर संतोष व्यक्त कितेया.

अगी ने झुलसी महिला री पीजीआई च मौत

हमीरपुर रे छेक गांवां री जनांना री मंगलवारा जो पीजीआई चंडीगढ़ च मौत होई गई. जनांना जो दयाली रे दिन अगी च झुलसने रे कारण रेफर कितेया गेया था.वहीं, पुलिस मामले री जांच करा दी है.

10 लाख च होया था चरस रा सौदा, आरोपी चार दिन री पुलिस रिमांड पर

मंडी पुलिस री स्पेशल इन्वेस्टिगेशन यूनिट (Special Investigation Unit)जो चरस रे कन्ने पकड़े गए बंदे ते पूछताछ रे बाद पता चलेया है कि ये बंदा लंबे टाइम ते इस काले कारोबारा च जुटेया था. ये क्षेत्रा रे लोकां ते चरस खरीदी ने बाहरी राज्येयां जो सप्लाई करां था. पंजाब रे अलावा अन्य पड़ोसी राज्येयां गोवा तक चरस री सप्लाई भेजणे री गलां भी सामने आई हन.