વાપીઃ શહેર ટાઉન પોલીસે દમણના કચીગામમાં રહેતો વ્યક્તિ વાપીમાં ગેરકાયદેસર ગાંજો વેચવા આવ્યો હતો. જે માહિતી મળતા પોલીસે વોચ ગોઠવી હતી. તે દરમિયાન એક બાઇક પર ટ્રોલી બેગ લઇને નીકળેલા યુવકને અટકાવી તપાસ કરતા ગાંજાના ત્રણ પેકેટ મળી આવ્યા હતા.
આરોપીની કઇ રીતે ધરપકડ કરાઇ?
પોલીસે નાર્કોટિક્સ ડ્રગ્સ પદાર્થ અધિનિયમ હેઠળ આરોપી આદિત્ય કુમાર ધર્મશીલ ઉર્ફે નનકુરાય યાદવની ધરપકડ કરી વધુ પૂછપરછ કરતા આ જથ્થો તેને બિહારમાં પપ્પુ યાદવ નામના ઇસમે વેચવા માટે આપ્યો હોવાનું અને તેને રાજુ ઠાકુર નામના ઇસમે પહોંચતો કર્યો હોવાની કબૂલાત કરી હતી. જે બાદ આરોપી નનકુરાય યાદવે એક ખખડધજ ઓરિસ્સા પાર્સિંગ ઇન્ડિકા કારમાં આ જથ્થો દમણમાં લાવી બાઇક પર વાપીમાં વેચવા નીકળ્યો હતો.