સુરત:વેસ્ટર્ન રેલ્વે વિભાગના GM અશોક મિશ્રાએ સુરત જિલ્લાના કોસંબા રેલવે સ્ટેશનની મુલાકાત કરી હતી. GM અશોક મિશ્રાએ આખા રેલવે સ્ટેશનનું નિરીક્ષણ કર્યું હતું અને રોજિંદા અપ ડાઉન કરતા મુસાફરો તેમજ સ્થાનિક આગેવાનો સાથે વાતચીત કરીને તેમની રજૂઆતો સાંભળી હતી.
મુસાફરો અને સ્થાનિકોએ કરી રજૂઆત: કોસંબા સ્ટેશનમાં હાજર મુસાફરો અને આગેવાનોએ રજૂઆત કરી હતી કે, કોરોનાકાળમાં બંધ થયેલી ટ્રેનો ફરીથી શરુ થાય, નવી ટ્રેનોના સ્ટોપેજ વધે, રેલ્વે સ્ટેશન પર સુવિધાઓ વધે, રેલ્વે સ્ટેશન પર જે લિફ્ટ બંધ છે તે ચાલુ થાય, શૌચાલયની સાફ-સફાઈ નિયમિત થાય, રીક્ષા ચાલકો માટે પાર્કિંગની વ્યવસ્થા ઉભી કરવામાં આવે તેવી મૌખિક અને લેખિતમાં રજૂઆત કરી હતી. રેલ્વે અધિકારીએ તમામ રજૂઆતો સાંભળી ઝડપથી આ માંગણીઓ પૂર્ણ થાય, એ દિશામાં કામ કરવામાં આવશે, તેવું આશ્વાસન આપ્યું હતું.
વેસ્ટર્ન રેલ્વેના GM અશોક મિશ્રા કોસંબા રેલવે સ્ટેશનની મુલાકાત લીધી (Etv Bharat Gujarat)