મહેસાણા:વિશ્વ પ્રસિદ્ધ ઐતિહાસિક મોઢેરાના સૂર્યમંદિરના પ્રાંગણમાં ઘૂંઘરુંના નાદ અને નર્તનથી નયન રમ્ય નજારો સર્જાયો હતો. ઉત્તરાયણ પછી ઉજવાતો શાસ્ત્રીય નૃત્ય પર્વ દ્વિદિવસીય ઉત્તરાર્ધ મહોત્સવનું મહેસાણાના મોઢેરાના સૂર્યમંદિર ખાતે યોજવામાં આવ્યો છે.
આ મહોત્સવનો સંસદ સભ્ય હરિભાઈ પટેલ, જિલ્લા પંચાયત પ્રમુખ તૃષા બેન પટેલ, ધારાસભ્ય સહિત મહેસૂલ વિભાગના અધિક મુખ્ય સચિવ જયંતિ રવિ તેમજ યુવા અને સાંસ્કૃતિક પ્રવૃત્તિઓ વિભાગના અગ્ર સચિવ અશ્વિની કુમાર સહિત કલાકારોએ દીપ પ્રાગટ્ય કરી પ્રારંભ કર્યો હતો.
1992 ના વર્ષથી ઉત્તરાર્ધ મહોત્સવનું આયોજન કરવામાં આવે છે (Etv Bharat Gujarat) ઉત્તરાર્ધ મહોત્સવ: તમને જણાવી દઈએ કે, મહેસાણા જિલ્લામાં મોઢેરા સૂર્યમંદિર ખાતે રાજ્ય સરકાર દ્વારા 1992 ના વર્ષથી ઉત્તરાર્ધ મહોત્સવનું આયોજન કરવામાં આવે છે. રાજ્ય સરકાર દ્વારા શિલ્પ, સ્થાપત્ય, સંસ્કૃતિ અને કળાને જીવંત રાખવા દર વર્ષે મોઢેરા ખાતે ઉત્તરાર્ધ મહોત્સવ યોજાઇ રહ્યો છે.
ઐતિહાસિક મોઢેરાનું સૂર્યમંદિર (Etv Bharat Gujarat) મોઢેરાનું આ ભવ્ય મંદિર સોલંકી કાળમાં નિર્માણ પામ્યું છે. ભારતીય જીવનશૈલી અને શિલ્પનું દર્શન આ સૂર્યમંદિરમાં થાય છે. આ સૂર્યમંદિરમાં યોજાતા ઉત્તરાર્ધ મહોત્સવમાં દેશના અલગ અલગ રાજ્યોમાંથી નૃત્ય સાથે જોડાયેલા ખ્યાતનામ કલાકારોને આમંત્રિત કરવામાં આવે છે.
ઘૂંઘરૂંની ઝનકાર અને નર્તનથી સર્જાયો નયન રમ્ય નજારો (Etv Bharat Gujarat) લગ અલગ રાજ્યોમાંથી નૃત્ય સાથે જોડાયેલા ખ્યાતનામ કલાકારો ઉપસ્થિત (Etv Bharat Gujarat) કલાકારોએ કર્યું નૃત્ય પ્રદર્શન: આ મહોત્સવમાં પ્રથમ દિવસે દિલ્હીના વાની માધવ દ્વારા ઓડીસી નૃત્ય, તમિલનાડુના કૃપા રવિ દ્વારા ભરતનાટ્યમ, અમદાવાદના શિતલ મકવાણા દ્વારા ભરતનાટ્યમ, વડોદરાના એશ્વર્યા વારિઅર દ્વારા મોહિનીઅટ્ટમ અને અમદાવાદના બિનલ વાળા દ્વારા કથ્થક નૃત્ય રજૂ કરવામાં આવ્યું હતું.
આ પણ વાંચો:
- સપ્તકને અલ્પવિરામ: જો સફર 40 વર્ષની હોય, તો તેને ટૂંકમાં ન જણાવી શકાય - મલ્લિકા સારાભા
- કચ્છીઓને ઘરઆંગણે ઓડિશાની સંસ્કૃતિ માણવાનો અવસર, શરૂ થઈ રહ્યો LLDC વિન્ટર ફેસ્ટિવલ....
