સુરત:શહેરના વરાછા વિસ્તારમાં સંબંધીના ઘરે રહેવા આવેલી સગીરાનું લગ્નની લાલચે અપહરણ અને દુષ્કર્મ કેસના આરોપીને કોર્ટે દોષિત જાહેર કર્યો હતો. કોર્ટે આરોપીને 20 વર્ષની કેદ અને 10 હજારનો દંડ ફટકારતો હુકમ કર્યો હતો. ભાવનગરના સિહોર તાલુકામાં રહેતા પરિવારની 16 વર્ષની પુત્રી જાન્યુઆરી 2021ના રોજ સુરતના વરાછા વિસ્તારમાં રહેતા સંબંધીના ઘરે થોડા સમય માટે રહેવા આવી હતી. ત્યારે સવારના સાતેક વાગ્યાના સમયગાળા દરમિયાન સગીરા ઘરકામ પૂરું કરી અગાસી પર કપડાં સૂકવવા ગઈ હતી.
દુષ્કર્મ કેસમાં આરોપીને 20 વર્ષની સજા (ETV Bharat Gujarat)
બાદમાં રહસ્યમય સંજોગોમાં લાપતા બની હતી. બાદમાં પરિવાર દ્વારા બે દિવસ પુત્રીની શોધખોળ કરવામાં આવી હતી. શોધખોળ દરમિયાન એવું જાણવા મળ્યું હતું કે, ભાવનગરના સિહોરમાં રહેતા બીપીન ચૌહાણ સગીરાનું લગ્નની લાલચે અપહરણ કરી ગયો છે.