રાજકોટ:રાજ્ય સરકારના ફૂડ વિભાગ દ્વારા હાલ ફૂડ સેફટી પખવાડીયાની ઉજવણી થઇ રહી છે. ત્યારે વિભાગ દ્વારા મીઠાઇ બાદ હવે ખાદ્ય તેલના નમૂના લેવાની ઝુંબેશ હાથ ધરવામાં આવી છે. તે અંતર્ગત જુદા જુદા વિસ્તારમાં આવેલ સ્ટોર અને દુકાનો, માર્કેટ યાર્ડમાંથી સીંગતેલ, કપાસીયા તેલ, તલનું તેલ, રાયડા સહિત 15 તેલના નમૂના લઇ લેબોરેટરીમાં મોકલવામાં આવ્યા છે. તમને જણાવી દઈએ કે, નવી મગફળીની આવક બાદ હવે તેલની સિઝન શરૂ થવાની છે.
કઈ કઈ જગ્યાએથી લેવામાં આવ્યું સેમ્પલ:
- રાજકોટના મનપા ફૂડ વિભાગે આપેલી માહિતી મુજબ, યુનિવર્સિટી રોડ પર 1 જલારામ પ્લોટ કોર્નરમાં આવેલી ભાવેશ એજન્સીમાંથી રાણી ગોલ્ડ ફિલ્ટર અને ગુલાબ ગોલ્ડ ફિલ્ટર સીંગતેલના નમૂના લેવાયા હતા.
- 150 ફુટ રોડ પર રિલાયન્સ રિટેલર લી., રિલાયન્સ માર્કેટમાંથી કોર્નડ્રોપ મકાઇ તેલ, ગુડલાઇફ સીંગતેલ, સીગા એકસ્ટ્રા વર્જીન ઓલીવ ઓઇલ અને રાઇસ બ્રાન્ડ સિંગતેલના પાઉચના સેમ્પલ લેવાયા હતા.
- જ્યારે રાજનગર ચોક આગળ પંચવટી સોસાયટી પાસે આવેલા ગોલ્ડન સુપર માર્કેટ-3 માંથી સપ્તશકિત તલ તેલ અને એટીલ સીસમ તેલનું સેમ્પલ લેવાયું હતું.
- કરણ પાર્ક, વિદ્યુતનગર મેઇન રોડ પર આવેલ દેવ જનરલ સ્ટોરમાંથી ઉમા પુત્ર તલના તેલના બે નમૂના અને ન્યુટ્રેલા કાચી ઘાણી મસ્ટર્ડ તેલનો નમૂનો લેવાયો હતો.
- નજીકમાં આવેલ ગીરીરાજ શોપીંગ સેન્ટરમાંથી અપ્પુ કાચી ઘાણી મસ્ટર્ડ ઓઇલનું સેમ્પલીંગ કરવામાં આવ્યું હતું.
- જુના માર્કેટ યાર્ડમાં આવેલ સ્વસ્તિ એન્ટરપ્રાઇઝ શોપમાંથી ગીતા અલ્ટ્રા લાઇટ રિફાઇન્ડ કપાસીયા તેલનો નમૂનો લેવાયો હતો.
- પેડક રોડ ગાંધી સ્મૃતિ-1, શેરી નંબર 3માં આવેલ ચામુંડા પ્રોવીઝન સ્ટોરમાંથી પાયલ શુધ્ધ સીંગતેલ અને કાકા કપાસીયા તેલના બે નમૂના લઇ પરીક્ષણ માટે લેબોરેટરીમાં મોકલવામાં આવ્યા છે.