સુરત:સમગ્ર રાજ્ય સહિત સુરત જિલ્લામાં નવરાત્રિની હર્ષોલ્લાસ સાથે નવરાત્રિના પર્વની ઉજવણી થઈ રહી છે. ખેલૈયાઓ મન મૂકીને ગરબે ઘૂમી રહ્યા છે. ત્યારે સુરતના પાલ એરિયામાં ગૌરવ પથ રોડ ખાતે આયોજિત ગરબામાં ઝેરી સાપની એન્ટ્રી થઈ હતી. તમને જણાવી દઈએ કે, આ ગરબા ગ્રાઉન્ડ ખાતે મુખ્ય મહેમાન તરીકે સુરતના પોલીસ કમિશનર આવ્યા હતા. ગ્રાઉન્ડમાં અંદાજિત 10,000 જેટલા ખેલૈયાઓ હતા. સૌ ખેલૈયાઓ ગરબે ઘૂમી રહ્યા હતા. આયોજકો સુરત પોલીસ કમિશનરની આગળ પાછળ હતાં.
તે જ સમયે ગરબા ગ્રાઉન્ડના મુખ્ય સ્ટેજ પાસે એક અત્યંત ઝેરી કોમન ક્રેટ પ્રજાતિનો સાપ દેખાયો હતો. સાપ આવ્યો હોવાની વાત આખા ગરબા ગ્રાઉન્ડમાં પ્રસરી જતા હાજર લોકોના શ્વાસ અધ્ધર થઈ ગયા હતા.
સુરતમાં મનમૂકીને ગરબે ઘૂમતા ખેલૈયા વચ્ચે દેખાયો ઝેરી સાપ (Etv Bharat Gujarat)