રક્ષા સચિવ અરમની દ્વારા ઉદ્દઘાટન દેવભૂમિ દ્વારકા: જિલ્લાના ઓખા બંદર ખાતે કોસ્ટગાર્ડના હોવર ક્રાફટ મેન્ટેનન્સ સેન્ટરનું ઉદઘાટન કરવામાં આવ્યું. આ સેન્ટને રક્ષા સચિવ ગિરધર અરમની દ્વારા શરુ કરવામાં આવ્યું. દરિયાઈ સુરક્ષા માટે અતિ મહત્વના છેવાડાના જિલ્લા દેવભૂમિ દ્વારકાના ઓખા ખાતે આજે સંરક્ષણ સચિવે હોવર ક્રાફ્ટ મેન્ટેનન્સ ફેસિલિટીનું ઉદ્ઘાટન કર્યુ.
રક્ષા સચિવે પ્રશંસા કરીઃ ભારત સરકારના રક્ષા સચિવ ગિરધર અરમની ભારતીય તટ રક્ષક ઉત્તર પશ્ચિમ ક્ષેત્રની મુલાકાતે છે. આજે તેમણે ઓખા ખાતે હોવર ક્રાફ્ટ મેન્ટેનન્સ યુનિટ (HMU)નું ઉદ્ઘાટન કર્યુ હતું. રક્ષા સચિવે ICGની ભૂમિકા અને રાષ્ટ્રીય દરિયાઈ હિતોની સલામતી અને સપાટીને ઝડપથી વળાંક આપવા સક્ષમ બનાવવા સુવિધાઓ વધારવા માટે ઝડપી ગતિશીલ ઈન્ફ્રા વૃદ્ધિની પ્રશંસા કરી હતી. આ હોવરક્રાફ્ટ ઓખા અને જખૌ, કચ્છના અખાતમાં, છીછરા પાણીમાં અને ગુજરાતના દરિયાકાંઠાના ભેજવાળા પ્રદેશોમાં 50 ટાપુઓમાં સર્વેલન્સ જાળવવા માટે આધારિત છે.
ઓખામાં હોવર ક્રાફ્ટ મેન્ટેનન્સ સેન્ટરનો શુભારંભ HMUની ફીલ્ડ સુવિધાઓઃ HMU હોવર ક્રાફ્ટની સમયસર ટેકનિકલ હેલ્પ, જાળવણી અને શ્રેષ્ઠ ઓપરેશનલ ઉપલબ્ધતા સુનિશ્ચિત કરશે અને કોઈપણ ઓપરેશનલ જરૂરિયાતને પહોંચી વળવા તેમને હંમેશા તૈયાર સ્થિતિમાં રાખશે. HMU સુવિધાઓમાં ટેકનિકલ હેલ્પ, ઓફિસ બિલ્ડિંગ, વર્કશોપ અને જાળવણી વિસ્તાર માટે ACV પાર્કિંગનો સમાવેશ થાય છે.
મહાનુભાવોની ઉપસ્થિતિઃ હોવર ક્રાફ્ટ મેન્ટેનન્સ યુનિટ (HMU)ના ઉદ્દઘાટન પ્રસંગે DG રાકેશ પાલ, AVSM, PTM, TM ભારતીય કોસ્ટ ગાર્ડના મહા નિર્દેશક અને ઈન્સ્પેક્ટર જનરલ એ કે હરબોલા, TM, કમાન્ડર કોસ્ટ ગાર્ડ રિજન (NW) તેમજ કેન્દ્ર અને રાજ્ય સરકારના વિવિધ મહાનુભાવો ઉપસ્થિત રહ્યા હતા.
- Porbandar News: ભારતીય તટ રક્ષક દળ દ્વારા ગુજરાતના દરિયાકાંઠે ફસાયેલી માછીમારી બોટનું રેસ્ક્યુ કરાયું
- રક્ષા ક્ષેત્રે મજબૂતી : તટરક્ષક દળ દ્વારા આત્મનિર્ભરતા તરફ એક મોટી છલાંગ
