નવી દિલ્હીઃ ભારતીય ક્રિકેટ કંટ્રોલ બોર્ડ (BCCI)ના સચિવ જય શાહને ઈન્ટરનેશનલ ક્રિકેટ કાઉન્સિલ (ICC)ના ટોચના પદ માટે સમર્થન ન આપનાર પાકિસ્તાન ક્રિકેટ બોર્ડે પ્રથમ વખત પોતાનું મૌન તોડ્યું છે. ICC અધ્યક્ષ તેમજ પીસીબીના અધ્યક્ષે કહ્યું છે કે, ચેમ્પિયન્સ ટ્રોફી પાકિસ્તાનમાં જ યોજાશે અને તેમાં ભાગ લેવા માટે ભારતીય ક્રિકેટ ટીમ પાકિસ્તાન આવશે.
પાકિસ્તાનને જય શાહની ચિંતા નથી:
ICCના નવા અધ્યક્ષ તરીકે નિયુક્ત થવા પર, પાકિસ્તાન ક્રિકેટ બોર્ડ (PCB)ના અધ્યક્ષ મોહસિન નકવીએ ખાતરી આપી છે કે, શાહને આ પદ પર નિયુક્ત કરવા અંગે કોઈ ચિંતા નથી. જિયો ન્યૂઝને ટાંકીને નકવીએ પત્રકારોને કહ્યું, 'અમે જય શાહના સંપર્કમાં છીએ, તેમના ICC અધ્યક્ષ બનવાની કોઈ ચિંતા નથી. ACCની બેઠક 8 અને 9 સપ્ટેમ્બરે છે.'
ચેમ્પિયન્સ ટ્રોફી પર મોટું અપડેટ:
જય શાહ 1 ડિસેમ્બર, 2024 ના રોજ ICC અધ્યક્ષ તરીકે તેમની ભૂમિકા ગ્રહણ કરવાની તૈયારી કરી રહ્યા છે. આ સાથે જ પાકિસ્તાનનું ધ્યાન આવતા વર્ષે ICC ચેમ્પિયન્સ ટ્રોફીની યજમાની પર છે. નકવીએ પુષ્ટિ કરી છે કે, PCB BCCIના સંપર્કમાં છે. તેણે કહ્યું, 'ચેમ્પિયન્સ ટ્રોફીનું આયોજન પાકિસ્તાનમાં થશે. અમે ટુર્નામેન્ટમાં ભાગ લેનારી ટીમોના બોર્ડના સંપર્કમાં છીએ. ટીમ ઈન્ડિયા ચેમ્પિયન્સ ટ્રોફી રમવા પાકિસ્તાન આવશે.'
બીસીસીઆઈએ સત્તાવાર અપડેટ આપી નથી:
તમને જણાવી દઈએ કે, BCCIએ ચેમ્પિયન્સ ટ્રોફીમાં ભાગ લેવા માટે ટીમ ઈન્ડિયાના પાકિસ્તાન જવા અંગે કોઈ સત્તાવાર પુષ્ટિ કરી નથી. જો કે, અગાઉ બીસીસીઆઈના ઉપાધ્યક્ષ રાજીવ શુક્લાએ કહ્યું હતું કે, ભારતીય ટીમ ત્યારે જ પાકિસ્તાન જશે જ્યારે ભારત સરકાર તેને ત્યાં રમવાની પરવાનગી આપશે. તે જ સમયે, તાજેતરમાં ગૃહ પ્રધાન અમિત શાહે કહ્યું હતું કે, 'જ્યાં સુધી પાકિસ્તાન અસ્તિત્વમાં છે ત્યાં સુધી આતંકવાદને પ્રોત્સાહન આપવાનું ચાલુ રાખશે. ત્યાં સુધી ટીમ ઈન્ડિયા કોઈ પણ સંજોગોમાં પાકિસ્તાનમાં નહીં રમે. હવે એ જોવાનું રસપ્રદ રહેશે કે 19 ફેબ્રુઆરીથી 9 માર્ચ દરમિયાન યોજાનારી આ ICC ટૂર્નામેન્ટ માટે ભારત પાકિસ્તાન જશે કે નહીં?
આ પણ વાંચો:
- શું ભારતીય ટીમ ચેમ્પિયન્સ ટ્રોફી માટે પાકિસ્તાન જશે? અમિત શાહે આ શરત સાથે આપ્યો અંતિમ નિર્ણય... - Champions Trophy 2025
- કોહલી-ધોની સરકારને આપે છે સૌથી વધુ પૈસા, રોહિતનો ટોપ-20 સેલિબ્રિટીમાં પણ નથી સમાવેશ... - Most Tax Payer Indian Cricketer
