નવી દિલ્હી:ભારત અને બાંગ્લાદેશ વચ્ચે રમાયેલી ત્રીજી અને છેલ્લી T20 મેચમાં ટીમ ઈન્ડિયાએ શાનદાર જીત હાંસલ કરી છે. આ જીત સાથે ભારતનો વ્હાઇટવોશ થયો છે. આ પહેલા રોહિત એન્ડ કંપનીએ ટેસ્ટ સિરીઝમાં ક્લીન સ્વીપ કર્યું હતું, ત્યાર બાદ હવે સૂર્ય સેનાએ ત્રણ મેચની સિરીઝમાં ક્લીન સ્વીપ કર્યું છે.
ત્રણ T20I મેચોની આ શ્રેણીમાં, બાંગ્લાદેશને અગાઉની મેચ કરતા દરેક મેચમાં ખરાબ હારનો સામનો કરવો પડ્યો છે. હૈદરાબાદમાં રમાયેલી ત્રીજી મેચમાં ભારતે બાંગ્લાદેશ સામે 297 રનનો જંગી સ્કોર બનાવ્યો હતો, જેના જવાબમાં ટાઈગર્સ નિર્ધારિત 20 ઓવરમાં માત્ર 167 રન જ બનાવી શકી હતી અને ટીમ ઈન્ડિયાનો 130 રનથી વિજય થયો હતો.
સેમસનની સદી અને 1 ઓવરમાં 5 છગ્ગા: ભારત તરફથી પ્રથમ બેટિંગ કરતા ઓપનર સંજુ સેમસને સદી ફટકારી હતી. સંજુએ 40 બોલમાં પોતાની સદી પૂરી કરી અને T20Iમાં છઠ્ઠી સૌથી ઝડપી સદી ફટકારી. પોતાની ઇનિંગ દરમિયાન તેણે 47 બોલમાં 8 ફોર અને 11 સિક્સર ફટકારી હતી. સંજુનું એક અલગ જ રૂપ આજે જોવા મળ્યું. ઈનિંગની 10મી ઓવરમાં તેણે રિશાદ હુસૈનને એક ઓવરમાં 5 સિક્સર ફટકારી હતી.