મોકી (ચીન): એશિયન હોકી ચેમ્પિયન્સ ટ્રોફીની બીજી સેમિફાઇનલ મેચ ભારતીય પુરુષ હોકી ટીમ અને દક્ષિણ કોરિયા વચ્ચે રમાઈ હતી. આ રોમાંચક મેચમાં વિશ્વમાં નંબર-5 ભારતે વિશ્વની 14 નંબરની ટીમ દક્ષિણ કોરિયાને 3-1થી હરાવીને ફાઇનલમાં પ્રવેશ કર્યો હતો. ભારત તરફથી ઉત્તમ સિંહ (13મી મિનિટ), હરમનપ્રીત સિંહ (19મી મિનિટ), જરમનનપ્રીત સિંહે (32મી અને 45મી મિનિટ) ગોલ કર્યા હતા. જ્યારે દક્ષિણ કોરિયા માટે યાંગ જિહુને (33મી મિનિટે) ગોલ કર્યો હતો.
એશિયન ચેમ્પિયન્સ ટ્રોફીની ડિફેન્ડિંગ ચેમ્પિયન ભારતે આક્રમક રીતે મેચની શરૂઆત કરી હતી. ભારતે કોરિયા પર ઘણા શક્તિશાળી હુમલા કર્યા, પરંતુ કોરિયાના સંરક્ષણે શાનદાર પ્રદર્શન કર્યું. પરંતુ, 13મી મિનિટે ભારતના સ્ટાર ખેલાડી ઉત્તમ સિંહે કોરિયાનો કિલ્લો તોડી નાખ્યો અને શાનદાર ફિલ્ડ ગોલ કરીને પોતાની ટીમને 1-0થી આગળ કરી દીધી.
ભારતે બીજા ક્વાર્ટરમાં પણ શાનદાર રમત જારી રાખી હાફ ટાઈમમાં 2-0ની સરસાઈ મેળવી હતી. 19મી મિનિટે ભારતને પેનલ્ટી કોર્નર મળ્યો, જેને ભારતીય કેપ્ટન હરમનપ્રીત સિંહે ગોલ પોસ્ટમાં નાખવામાં સહેજ પણ ભૂલ કરી ન હતી. આ દરમિયાન કોરિયન ટીમને ઘણી સરળ તકો મળી, પરંતુ તે ગોલ કરવામાં નિષ્ફળ રહી. બીજા ક્વાર્ટરમાં કેપ્ટનના શાનદાર ગોલને કારણે ભારતે હાફ ટાઈમમાં 2-0ની નોંધપાત્ર લીડ મેળવી હતી.
ત્રીજો ક્વાર્ટર ઘણો રોમાંચક રહ્યો ભારત અને કોરિયા વચ્ચે રમાયેલી આ મેચનો ત્રીજો ક્વાર્ટર ઘણો રોમાંચક રહ્યો. આ ક્વાર્ટરમાં બંને ટીમો વચ્ચે જોરદાર સ્પર્ધા જોવા મળી હતી. ભારતીય ટીમના સ્ટાર ખેલાડી જરમનપ્રીત સિંહે 32મી મિનિટે શાનદાર ફિલ્ડ ગોલ કરીને ભારતની લીડ 3-0થી વધારી દીધી હતી. પરંતુ, બીજી જ મિનિટમાં કોરિયાને પેનલ્ટી કોર્નર મળ્યો, જેના પર યાંગ જિહુને શાનદાર પ્રદર્શન કરીને તફાવત ઓછો કર્યો. 45મી મિનિટે કોરિયન ગોલકીપરને યલો કાર્ડ આપવામાં આવ્યું અને ભારતને પેનલ્ટી કોર્નર મળ્યો, જેના પર ભારતના 'સરપંચ' હરમનપ્રીત સિંહે શાનદાર ગોલ કરીને ભારતને 4-1થી આગળ કરી દીધું.
આ પણ વાંચો:
- હોકીની રોમાંચક મેચમાં ભારતે પાકિસ્તાનને 2-1થી હરાવ્યું, પાક. સામે સતત 17 મી જીતનો રેકોર્ડ... - IND vs PAK hockey
- હોકીમાં ભારત અને પાકિસ્તાનના હેડ ટુ હેડ રેકોર્ડ, જાણો છેલ્લી મેચ કોણે જીતી હતી? - IND vs PAK Hockey
