પર્થ (ઓસ્ટ્રેલિયા): ઓસ્ટ્રેલિયા સામે બહુપ્રતીક્ષિત આગામી બોર્ડર-ગાવસ્કર ટ્રોફી પહેલા ભારતીય ખેલાડીઓ ઈજાની સમસ્યાનો સામનો કરી રહ્યા છે, જેના કારણે ટીમ ઈન્ડિયાની બેટિંગ લાઈનઅપ સામે ઘણા સવાલો છે. ટીમના કેપ્ટન રોહિત શર્મા ફરી પિતા બન્યા હોવાથી આ મેચમાં જોડાશે કે નહીં તે પણ એક મોટો સવાલ છે.
શુભમન ગિલને ગંભીર ઈજા:
WACA ખાતે ઈન્ટ્રા-સ્કવોડ પ્રશિક્ષણ મેચ દરમિયાન, ભારતના ત્રીજા નંબરના બેટ્સમેન શુભમન ગિલને અંગૂઠામાં ઈજા થઈ હતી, જેના પછી તેણે મેદાન છોડવું પડ્યું હતું. 25 વર્ષીય ગીલે છેલ્લી વખત ઓસ્ટ્રેલિયામાં ભારતની 2-1થી રોમાંચક શ્રેણી જીતવામાં મહત્ત્વની ભૂમિકા ભજવી હતી અને તે ભારતીય ટેસ્ટ ટીમના નિયમિત ખેલાડીઓમાંનો એક છે.
કેએલ રાહુલને કોણીમાં ઈજા થઈ:
પ્રવાસી ટીમ માટે શુભમન ગિલની ઈજા જ ચિંતાનો વિષય નથી. જમણા હાથના મધ્યમ ક્રમના બેટ્સમેન કેએલ રાહુલને પણ પ્રેક્ટિસ મેચ દરમિયાન બેટિંગ કરતી વખતે કોણીમાં ઈજા થઈ હતી. રાહુલ આ મહિનાની શરૂઆતમાં મેલબોર્ન ક્રિકેટ ગ્રાઉન્ડ ખાતે ઓસ્ટ્રેલિયા A સામેની બિનસત્તાવાર ટેસ્ટમાં ભારત A માટે રમ્યો હતો.
ગંભીરે કેએલ રાહુલનો બચાવ કર્યો:
તમને જણાવી દઈએ કે ઓસ્ટ્રેલિયા પ્રવાસ પર રવાના થતા પહેલા પ્રેસ કોન્ફરન્સ દરમિયાન ભારતના મુખ્ય કોચ ગૌતમ ગંભીરે કેએલ રાહુલના ખરાબ ફોર્મ છતાં બહુમુખી પ્રતિભાશાળી બેટ્સમેન તરીકે તેની પ્રશંસા કરી હતી. ગંભીરે કહ્યું, 'આ તે વ્યક્તિની ગુણવત્તા છે. તે ખરેખર ટોપ ઓર્ડરમાં બેટિંગ કરી શકે છે. તે નંબર 3 પર બેટિંગ કરી શકે છે. અને તે ખરેખર છઠ્ઠા નંબર પર પણ બેટિંગ કરી શકે છે. તેથી, આ પ્રકારનું કામ કરવા માટે તમારે ઘણી પ્રતિભાની જરૂર છે.
કેએલ રાહુલની ખૂબ પ્રશંસા
ગંભીરે આગળ કહ્યું, 'તેણે વનડે ફોર્મેટમાં વિકેટકીપિંગ પણ કર્યું છે. તો કલ્પના કરો કે કેએલ જેવા કેટલા દેશોમાં એવા ખેલાડીઓ છે જેઓ વાસ્તવમાં બેટિંગ કરી શકે છે અને નંબર 6 પર પણ બેટિંગ કરી શકે છે? મને લાગે છે કે જો જરૂર પડે તો તે આપણા માટે આ કામ કરી શકે છે. ખાસ કરીને જો રોહિત પ્રથમ ટેસ્ટ માટે ઉપલબ્ધ ન હોય.
રોહિત શર્માની રમત પર શંકા યથાવત્:
ભારતને ટેસ્ટ કેપ્ટન રોહિત શર્માની પણ ખોટ છે, જેઓ હજુ ઓસ્ટ્રેલિયા પહોંચ્યા નથી અને તાજેતરમાં જ પોતાના બીજા બાળકના જન્મની જાહેરાત કરી છે. રોહિત ઓસ્ટ્રેલિયા સામે રમશે કે નહીં તે હજુ નક્કી નથી. તેની ગેરહાજરીમાં ટોચના ક્રમના બેટ્સમેન શુભમન ગિલ અને કેએલ રાહુલની ઈજાના કારણે ભારતની ચિંતા વધી ગઈ છે.
જો કે બંનેની ઈજા કેટલી ગંભીર છે તે અંગે હજુ સુધી કોઈ માહિતી નથી. ચાહકોને આશા છે કે બંને પ્રથમ ટેસ્ટમાં રમતા જોવા મળશે. ભારત અને ઓસ્ટ્રેલિયા વચ્ચે શુક્રવાર, 22 નવેમ્બરથી પર્થમાં પ્રથમ ટેસ્ટ શરૂ થશે
આ પણ વાંચો:
- Rohit Sharma બીજીવાર પિતા બન્યો, સો.મીડિયામાં હ્રદયસ્પર્શી પોસ્ટ લખીને આપી દીકરાના જન્મની જાણકારી
- IPL ના ઇતિહાસમાં પ્રથમવાર 13 વર્ષનો યુવા ખેલાડી રમતો જોવા મળશે, 30 લાખ રૂપિયાની કિંમત સાથે હરાજીમાં ઉતરશે
