નવી દિલ્હીઃ ભારત અને પાકિસ્તાન વચ્ચેના તણાવને કારણે ચેમ્પિયન્સ ટ્રોફી 2025 પર અનિશ્ચિતતાના વાદળો છવાયેલા છે. તેના જવાબમાં, ઇન્ટરનેશનલ ક્રિકેટ કાઉન્સિલ (ICC) એ ઇવેન્ટના સુચારૂ સંચાલનને જોખમમાં મૂકતા મુખ્ય મુદ્દાઓ પર ચર્ચા કરવા માટે 26 નવેમ્બરના રોજ કટોકટીની બેઠક બોલાવી છે.
આઈસીસીએ ઈએસપીએન ક્રિકઈન્ફોના રિપોર્ટ અનુસાર, બેઠકનો એક માત્ર એજન્ડા એ છે કે ટૂર્નામેન્ટ માટે હાઈબ્રિડ મોડલ અપનાવવામાં આવે, જેમાં તેનું આયોજન પાકિસ્તાન અને અન્ય કોઈ દેશમાં કરવામાં આવે.
ટુર્નામેન્ટની સંભવિત શરૂઆત માટે 100 દિવસથી ઓછા સમય બાકી છે. પાકિસ્તાન ક્રિકેટ બોર્ડ (PCB) એ 19 ફેબ્રુઆરીથી 9 માર્ચ દરમિયાન યોજવાનું નક્કી કર્યું છે. જોકે, ICCએ હજુ સુધી સત્તાવાર રીતે કોઈ કાર્યક્રમ જાહેર કર્યો નથી.
ભારતનો પાકિસ્તાન જવાનો ઈન્કાર
BCCIએ ICCને જાણ કરી છે કે, ભારત સરકારે ટીમ ઈન્ડિયાને પાકિસ્તાન જવાની પરવાનગી આપી નથી. પાકિસ્તાનને નવેમ્બર 2021માં આ ટૂર્નામેન્ટની યજમાનીનો અધિકાર આપવામાં આવ્યો હતો અને તે 3 સ્થળો - લાહોર, કરાચી અને રાવલપિંડી પર આખી ટુર્નામેન્ટનું આયોજન કરવાની તૈયારીમાં વ્યસ્ત છે.