'અણમોલ યાદો'... ટેસ્ટ મેચની સૌથી અધરી ઇનિંગમાં આ ભારતીય ખેલાડીઓએ કર્યું સર્વશ્રેષ્ઠ પ્રદર્શન… - Test Match Highest individual score

ક્રિકેટમાં ટેસ્ટ ફોર્મેટ ખેલાડીઓ પાસેથી વધુ ક્ષમતા અને ધીરજ માંગી લે છે, એવામાં ચોથી ઈનિંગ્સ સુધી ટકી રહી સારું પ્રદર્શન કરવું તે સહેલી વાત નથી. જાણો આ અહેવાલમાં ટેસ્ટ મેચની ચોથી ઇનિંગમાં કયા કયા ભારતીય બેટ્સમેન દ્વારા શ્રેષ્ટ સ્કોર બનાવવામાં આવ્યો હતો… TEST MATCH HIGHEST INDIVIDUAL SCORES

હૈદરાબાદ: ટેસ્ટ મેચ સામાન્ય રીતે બેટ્સમેનની કુશળતા, ટેકનિક અને સ્વભાવની કસોટી કરે છે. પરંતુ ચોથી ઇનિંગ્સમાં બેટિંગ કરવી એ અલગ બાબત છે. ટેસ્ટ મેચની ચોથી ઇનિંગમાં બેટિંગ કરવી હંમેશા બેટ્સમેન માટે મુશ્કેલ હોય છે. રમતની સ્થિતિ, પીચનો ઘસારો, ફૂટપ્રિન્ટ્સ, વિકેટ પર તિરાડો બેટ્સમેન માટે ઘણું અઘરું બનાવે છે. આ મુશ્કેલ પરિસ્થિતિમાં, છેલ્લા કેટલાક વર્ષોમાં ભારતીય બેટ્સમેનોએ રમેલી કેટલીક યાદગાર ઇનિંગ્સ દરેક ભારતીય ક્રિકેટ ચાહકોની યાદોમાં આજે પણ સમાયેલી છે.

ભારતીય ખેલાડીઓની ટેસ્ટ મેચની ટોચની યાદગાર ઇનિંગ્સ:

સુનીલ ગાવસ્કર: સુનીલ ગાવસ્કરે 1979માં ઈંગ્લેન્ડ સામે 221 રન બનાવ્યા હતા. ભારતીય બેટિંગ લિજેન્ડ સુનિલ ગાવસ્કર દ્વારા રમાયેલી શ્રેષ્ઠ ઇનિંગ્સમાંની આ એક છે. તેમણે ભારતીય ઇનિંગ્સનો પાયો નાખ્યો અને 1979ની શ્રેણીમાં ઇંગ્લેન્ડ સામે 438 રનના રેકોર્ડ સ્કોરનો પીછો કરતી વખતે ચમત્કારિક જીત મેળવી. તેમણે પહેલા ચેતન ચૌહાણ (80) સાથે પ્રથમ વિકેટ માટે 213 રનની ભાગીદારી કરી અને પછી દિલિપ વેંગસારકર (52) સાથે બીજી વિકેટ માટે 153 રન જોડ્યા. તેની 490 મિનિટની મેરેથોન ઇનિંગ્સમાં 21 ચોગ્ગા સામેલ હતા.

સુનિલ ગાવસ્કર (Getty Images)

કેએલ રાહુલ - રાહુલે 2018માં ઈંગ્લેન્ડ સામે 149 રન બનાવ્યા હતા. 464 રનના ટાર્ગેટનો પીછો કરતા કેએલ રાહુલ જ્યારે ભારતીય બેટ્સમેન એક પછી એક પડી ભાગ્યા હતા, ત્યારે તેણે મક્કમ રહી ઋષભ પંત સાથે મળીને 200 રનની શાનદાર ભાગીદારી કરી ભારતને જીતની નજીક લાવ્યા હતા, પરંતુ ઈંગ્લેન્ડના લેગ સ્પિનર ​​આદિલ રશીદે 149 રન પર હતા ત્યારે કેએલ રાહુલની વિકેટ લઈને આ ભાગીદારી તોડી અને ભારતની જીત પર રોક લગાવી દીધી હતી. ભારત આ મેચ 118 રનથી હારી ગયું હતું.

કેએલ રાહુલ (APF)

દિલિપ વેંગસારકર: દિલિપ વેંગસારકર 1979માં પાકિસ્તાન સામે 146 રન બનાવ્યા હતા. તે વેંગસરકરનું સૌથી યાદગાર પ્રદર્શન હતું જ્યારે તેણે 1979ની ટેસ્ટ શ્રેણીમાં દિલ્હીમાં પાકિસ્તાન સામે અણનમ 146 રન બનાવ્યા હતા, જેણે ભારતને લગભગ 390 રનનો લક્ષ્યાંક હાંસલ કરવામાં મદદ કરી હતી, પરંતુ તે ભાગીદારોથી આઉટ થઈ ગયો હતો અને આખરે ભારતને જીતવા માટે માત્ર 26 રનની જરૂર હતી ડ્રો માટે સમાધાન કરવું પડ્યું.

દિલિપ વેંગસારકર (Getty Images)

વિરાટ કોહલી: વિરાટ કોહલીએ 2014-15 બોર્ડર ગાવસ્કર ટ્રોફીમાં 86.50ની એવરેજથી 692 રન બનાવીને શાનદાર પ્રદર્શન કર્યું હતું. પ્રથમ ટેસ્ટમાં વિરાટ કોહલીએ બંને ઇનિંગ્સમાં સદી ફટકારી હતી. તેણે પ્રથમ દાવમાં 115 રન બનાવ્યા હતા. 364 રનના ટાર્ગેટનો પીછો કરતા વિરાટે મિશેલ જોન્સન, પીટર સિડલ, નાથન લિયોન જેવા ક્રૂર ઓસ્ટ્રેલિયન બોલરોનો હિંમતપૂર્વક સામનો કર્યો અને 141 રન બનાવ્યા. પરંતુ બીજા છેડેથી સમર્થન ન મળવાને કારણે ભારત જીતથી માત્ર 48 રન દૂર રહ્યું હતું.

વિરાટ કોહલી ((IANS PHOTOS))

સચિન તેંડુલકર: તેંડુલકરે પાકિસ્તાન સામે 136 રન બનાવીને પોતાની સર્વશ્રેષ્ઠ ટેસ્ટ ઇનિંગ રમી હતી. આ એક ઐતિહાસિક પ્રસંગ હતો જ્યારે પાકિસ્તાન 12 વર્ષથી વધુ સમય બાદ ભારતની મુલાકાતે આવ્યું હતું. પાકિસ્તાન પાસે વિશ્વની શ્રેષ્ઠ બોલિંગ લાઇન હતી. વસીમ, વકાર, સકલેન મુસ્તાક જેવા બોલરો કોઈપણ ટીમ પર ભારે પડે તેવા હતા. એવામાં સચિને આ તકનો લાભ ઉઠાવ્યો અને બેટિંગનું ઉત્તમ ઉદાહરણ રજૂ કર્યું. ત સમયે પીઠની ઈજાથી પીડિત સચિને શાનદાર સદી ફટકારી હતી, પરંતુ તે ભારતને જીત તરફ લઈ જઈ શક્યો નહોતો.

સચિન તેંડુલકર (APF)

વિજય હઝારે: બોમ્બે, 8 ફેબ્રુઆરી, 1949માં ભારત પાંચ મેચની શ્રેણીમાં વેસ્ટ ઈન્ડિઝથી 0-1થી પાછળ હતું, પાંચમી ટેસ્ટની છેલ્લી ઈનિંગમાં ભારતને શ્રેણીમાં બરોબરી કરવા માટે 361 રનની જરૂર હતી. તે એક અઘરું કાર્ય હતું, અને અશક્ય લાગતું હતું, જ્યારે ભારતે માત્ર 81 રનમાં ઓપનિંગ બેટ્સમેન અને કેપ્ટન લાલા અમરનાથ બંને ગુમાવ્યા હતા. વિજય હજારે આવ્યા, અને ખૂબ જ શાંત વર્તન સાથે રમ્યા, તેમણે શાનદાર 122 રન બનાવ્યા અને ભારતને ભારત 8 વિકેટે 355 રન સુધી પહોંચાડ્યું હતું. જે જીતથી માત્ર છ રન દૂર હતું.

વિજય હઝારે (Getty Images)

યુવરાજ સિંહ: આ ડાબા હાથના બેટ્સમેને 2006માં પાકિસ્તાન સામે 122 રન બનાવ્યા હતા. ભારત અને પાકિસ્તાન વચ્ચેની 2005-06 શ્રેણીની આ અંતિમ ટેસ્ટ હતી, યુવરાજ સિંહ (122) એકમાત્ર તેજસ્વી ખેલાડી તરીકે ઊભરી આવ્યો હતો. ભારતને પાકિસ્તાન સામે 341 રનથી સૌથી ખરાબ હારનો સામનો કરવો પડ્યો હતો.

યુવરાજ સિંઘ (APF)

ઋષભ પંત: ઋષભ પંતે 2018ની શ્રેણીમાં ઈંગ્લેન્ડ સામે 114 રન બનાવ્યા ત્યારે આંતરરાષ્ટ્રીય દ્રશ્યમાં તેની હાજરીનો અનુભવ કરાવ્યો. આ તેજસ્વી વિકેટકીપર બેટ્સમેને 2018ની શ્રેણીમાં ઈંગ્લેન્ડ સામે તેની શ્રેણીની શરૂઆત કરી હતી. આ શ્રેણીની અંતિમ ટેસ્ટ હતી અને ભારત આ પહેલા જ ઈંગ્લેન્ડ સામે શ્રેણી હારી ચૂક્યું હતું. ઓવલમાં, ઇંગ્લેન્ડ અને ભારતે પોતપોતાના પ્રથમ દાવમાં 332 અને 292 રન બનાવ્યા હતા. બીજી ઇનિંગમાં યજમાન ટીમે 423 રન પર ઇનિંગ્સ ડિકલેર કરી હતી અને ભારતને 464 રનનો વિશાળ લક્ષ્યાંક આપ્યો હતો. પીછો કરતા, કેએલ રાહુલે 146 રન બનાવ્યા અને પંતે તેની પ્રથમ ટેસ્ટ સદી (146 બોલમાં 114 રન) ફટકાર્યા હતા. ભારત આ મેચ 118 રનથી હારી ગયું હતું.

રિષભ પંત (ANI)

નોંધનીય છે કે, ગાબા ખાતે તેની 89* રનની અણનમ ઇનિંગે ઓસ્ટ્રેલિયા દ્વારા આપવામાં આવેલા 328 રનના લક્ષ્યાંકને હાંસલ કરવામાં મહત્વની ભૂમિકા ભજવી હતી અને ઓસ્ટ્રેલિયા સામે તેના હોમ ગ્રાઉન્ડ પર સતત બીજી શ્રેણી જીતવામાં પણ મહત્વની ભૂમિકા ભજવી હતી.

આ પણ વાંચો: