ન્યૂયોર્ક : અમેરિકાના ન્યૂયોર્કમાં બુધવારે બાઇક અકસ્માતમાં એક ભારતીય વિદ્યાર્થીનું મોત થયું હતું. ભારતીય કોન્સ્યુલેટ જનરલે ગુરુવારે આ માહિતી આપી છે. શ્રી બેલેમ અચ્યુત સ્ટેટ યુનિવર્સિટી ઓફ ન્યુયોર્કના વિદ્યાર્થી હતા. ન્યૂયોર્કમાં ભારતના કોન્સ્યુલેટ જનરલે મૃત વિદ્યાર્થીના પરિવાર પ્રત્યે સંવેદના વ્યક્ત કરી અને કહ્યું કે તેઓ તેના પરિવારના સભ્યોના સંપર્કમાં છે. તેમણે જણાવ્યું કે સ્થાનિક એજન્સીઓને પણ તમામ મદદ પૂરી પાડવા માટે તત્પરતા દાખવી છે.
અકસ્માતમાં ગુમાવ્યો જીવ : ટ્વિટર પરની એક પોસ્ટમાં, ન્યૂયોર્કમાં ભારતના કોન્સ્યુલેટ જનરલે કહ્યું કે SUNYના વિદ્યાર્થી બેલેમ અચ્યુતના અકાળે અવસાન વિશે જાણીને દુઃખ થયું. તે બાઇક અકસ્માતનો શિકાર બન્યો હતો. ગઈકાલે સાંજે તેમનું અવસાન થયું હતું. અમે તેમના પરિવાર પ્રત્યે ઊંડી સંવેદના વ્યક્ત કરીએ છીએ. ભારતના કોન્સ્યુલેટ જનરલ પીડિતના નશ્વર અવશેષોને ભારત પરત લાવવા સહિત તમામ સહાય પૂરી પાડવા માટે શોકગ્રસ્ત પરિવાર અને સ્થાનિક એજન્સીઓના સંપર્કમાં છે.
અમેરિકામાં ભારતીય વિદ્યાર્થીઓના મોત વધી રહ્યાં છે : અમેરિકામાં ભારતીય મૂળના વિદ્યાર્થીઓના મોતમાં થયેલા વધારા વચ્ચે આ ઘટના પ્રકાશમાં આવી છે. અગાઉ, એપ્રિલમાં, એક ભારતીય વિદ્યાર્થી જે આ વર્ષે માર્ચથી ગુમ હતો, યુએસ રાજ્ય ઓહિયોમાં મૃત હાલતમાં મળી આવ્યો હતો, ન્યૂયોર્કમાં ભારતના કોન્સ્યુલેટ જનરલે જણાવ્યું હતું. ન્યૂયોર્કમાં ભારતના કોન્સ્યુલેટ જનરલે જણાવ્યું હતું કે મોહમ્મદ અબ્દુલ અરાફાતના મૃત્યુ વિશે જાણીને "દુઃખ" થયું હતું અને તેમના મૃત્યુની સંપૂર્ણ તપાસ સુનિશ્ચિત કરવા સ્થાનિક અધિકારીઓના સંપર્કમાં હતા. અધિકારિક એક પોસ્ટમાં લખાયું હતું કે મોહમ્મદ અરાફાતના પરિવાર પ્રત્યે અમારી ઊંડી સંવેદના છે.
હૈદરાબાદનો વતની અરાફાત મે 2023માં ક્લેવલેન્ડ યુનિવર્સિટીમાંથી આઈટીમાં માસ્ટર ડિગ્રી મેળવવા માટે યુએસ ગયો હતો પરંતુ આ વર્ષે 7 માર્ચથી તે ગુમ હતો. તેના પિતા મોહમ્મદ સલીમે જણાવ્યું હતું કે તેમના પુત્રના ગુમ થયાના 10 દિવસ બાદ તેમને એક અજાણ્યા વ્યક્તિનો ફોન આવ્યો હતો જેમાં દાવો કરવામાં આવ્યો હતો કે અરાફાતનું અપહરણ કરવામાં આવ્યું છે. અજાણ્યા ફોન કરનારે તેની મુક્તિ માટે US$ 1200ની ખંડણી પણ માંગી હતી.
એપ્રિલમાં ક્લીવલેન્ડ ઓહાયોમાં ઉમા સત્ય સાઈ ગડ્ડે નામના એક ભારતીય વિદ્યાર્થીનું મૃત્યુ થયું હતું અને મૃત્યુની ઘટનાની તપાસ હજુ પણ ચાલુ છે. આ પહેલા આ ફેબ્રુઆરીમાં શિકાગોમાં એક ભારતીય વિદ્યાર્થીને ઘાતકી હુમલાનો સામનો કરવો પડ્યો હતો. આ ઘટનાની યોગ્ય નોંધ લેતા શિકાગોમાં ભારતીય કોન્સ્યુલેટે કહ્યું કે તે પીડિત સૈયદ મઝાહિર અલી તેમજ ભારતમાં તેની પત્નીના સંપર્કમાં છે.
- Indian American Student Died: અમેરિકાની પર્ડ્યૂ યુનિ.માં વધુ એક ભારતીય મૂળના વિદ્યાર્થીનું મોત, ભેદી સંજોગોમાં મળ્યો મૃતદેહ
- Rajkot Accident: રાજકોટમાં ટ્રકની અડફેટે આફ્રિકન વિદ્યાર્થીનું મોત, મારવાડી યુનિ.માં કરતો હતો અભ્યાસ
