કયા અમેરિકન કાયદા અંતર્ગત ગૌતમ અદાણી વિરુદ્ધ થઈ શકે છે કાર્યવાહી? જાણો

ગૌતમ અદાણી કેસમાં US ઈન્ડિક્ટમેન્ટ શબ્દનો ઉપયોગ થઈ રહ્યો છે, જાણો તેનો અર્થ.

નવી દિલ્હીઃ યુએસ ન્યાય વિભાગે અદાણી ગ્રુપના સ્થાપક ગૌતમ અદાણી, તેમના ભત્રીજા સાગર અદાણી અને અદાણી ગ્રીનના અન્ય વરિષ્ઠ અધિકારીઓ પર ગંભીર આરોપો લગાવ્યા છે. તેમના પર અમેરિકન રોકાણકારો સાથે છેતરપિંડી અને સરકારી અધિકારીઓને લાંચ આપવાના આરોપો મૂકવામાં આવ્યા છે. ન્યૂયોર્ક ફેડરલ કોર્ટે ગૌતમ અદાણી પર સોલાર કોન્ટ્રાક્ટ માટે 2100 કરોડ રૂપિયાની લાંચ આપવા અને આંતરરાષ્ટ્રીય રોકાણકારોને ગેરમાર્ગે દોરવાનો આરોપ મૂક્યો છે.

આ યુ.એસ ફેડરલ સિક્યોરિટીઝ કાયદા હેઠળ છેતરપિંડી છે અને, જો સાબિત થાય, તો ફોજદારી જવાબદારીમાં પરિણમી શકે છે. પરંતુ હવે સવાલ એ છે કે શું આ ઇન્ડિક્ટમેન્ટ શું છે, જેનો ઉલ્લેખ અદાણી સાથે કરવામાં આવી રહ્યો છે?

અદાણી ગ્રુપે આ આરોપોને પાયાવિહોણા ગણાવ્યા અને કહ્યું કે, તે તમામ કાયદાઓનું સંપૂર્ણ પાલન કરી રહ્યું છે.

ઇન્ડિક્ટમેન્ટ શું છે?
ઇન્ડિક્ટમેન્ટ એ એક ઔપચારિક કાનૂની દસ્તાવેજ છે જે વ્યક્તિ અથવા સંસ્થા પર ચોક્કસ ગુનાઓ માટે આરોપ મૂકે છે. તે કથિત ઉલ્લંઘનો, પુરાવાઓ અને કાયદાકીય માળખાની રૂપરેખા આપે છે કે જેના હેઠળ આરોપો લગાવવામાં આવે છે. જો કે, આ દોષિત સાબિત કરતું નથી, અને જ્યાં સુધી અદાલતમાં દોષિત સાબિત ન થાય ત્યાં સુધી આરોપી નિર્દોષ રહે છે.

ઇન્ડિક્ટમેન્ટનો મતલબ થાય છે- અભિયોગ. આ લેખિત આરોપ છે. જે વ્યક્તિ પર આરોપ છે તેની સામે અભિયોગ લગાવવામાં આવે છે. જે આક્ષેપો કરે છે તેઓ તેના આક્ષેપોના સમર્થનમાં દસ્તાવેજો રજૂ કરે છે. આ આરોપો અંગે પ્રાથમિક તપાસ થાય છે. ત્યારપછી પોલીસ સમક્ષ જે પણ પુરાવા ઉપલબ્ધ થાય છે તેને સરકારી વકીલને સોંપવામાં આવે છે. અમેરિકન કાયદો કહે છે કે, જો આ આરોપો ગંભીર પ્રકારના હોય તો ગ્રાન્ડ જ્યુરી સમક્ષ રાખી શકાય છે. ગ્રાન્ડ જ્યુરીમાં વધુમાં વધુ 23 લોકોને સામેલ કરી શકાય છે.

ગૌતમ અદાણી સામેના યુએસના ઈન્ડિક્ટમેન્ટે એ વાત પર પ્રકાશ નાખ્યો છે કે યુ.એસ કોર્ટ સિસ્ટમ આવા આરોપોને કેવી રીતે જુએ છે. ફેડરલ ઇન્ડિક્ટમેન્ટ, જેમ કે અદાણી સાથે જોડાયેલા છે, તે ગ્રાન્ડ જ્યુરી દ્વારા લગાવવામાં આવેલો ઔપચારિક આરોપ છે. આ દર્શાવે છે કે ઇન્ડિક્ટમેન્ટે ફોજદારી કાર્યવાહીને ન્યાયી ઠેરવવા માટે પૂરતા પુરાવા પૂરા પાડ્યા છે, જે લાંચ, છેતરપિંડી અથવા અન્ય સંઘીય ગુનાઓ જેવા કથિત ઉલ્લંઘનોને આગળ વધારવામાં એક મહત્વપૂર્ણ પગલું છે.

આ પણ વાંચો: