નવી દિલ્હી: રાષ્ટ્રીય સ્વયંસેવક સંઘ (RSS) એ શનિવારે બાંગ્લાદેશની વચગાળાની સરકારને હિંદુઓ પર અત્યાચાર બંધ થાય તે સુનિશ્ચિત કરવા અપીલ કરી છે. સંગઠને ભારત સરકારને સમગ્ર મામલે જરૂરી પગલાં ભરવાની પણ માંગ કરી છે.
RSSએ પોતાના નિવેદનમાં કહ્યું કે, બાંગ્લાદેશ સરકારે ચિન્મય કૃષ્ણ દાસને જલદીથી મુક્ત કરવા જોઈએ. આ નિવેદન દત્તાત્રેય હોસાબલે દ્વારા જારી કરવામાં આવ્યું છે. તેમણે બાંગ્લાદેશમાં બનેલી ઘટનાઓ પર ચિંતા વ્યક્ત કરી છે.
હોસાબલેએ જણાવ્યું હતું કે, ભારતે બાંગ્લાદેશમાં હિંદુઓ અને લઘુમતીઓ પર થતા અત્યાચારને રોકવાના પ્રયાસો ચાલુ રાખવા જોઈએ અને શક્ય હોય ત્યાં સુધી આ મુદ્દે વૈશ્વિક અભિપ્રાય બાંધવાની પહેલ કરવી જોઈએ.
નિવેદનમાં કહેવામાં આવ્યું છે કે, "બાંગ્લાદેશમાં તમામ લઘુમતીઓ પર ઇસ્લામિક કટ્ટરપંથીઓ દ્વારા કરવામાં આવતા હુમલાઓ, હત્યાઓ, લૂંટફાટ, આગચંપી તેમજ અમાનવીય અત્યાચારો અત્યંત ચિંતાજનક છે અને રાષ્ટ્રીય સ્વયંસેવક સંઘ તેની નિંદા કરે છે."
હોસાબલેએ કહ્યું કે, બાંગ્લાદેશની વચગાળાની સરકાર આ ઘટનાઓને રોકવાને બદલે મૂક પ્રેક્ષક બની રહી છે. તેમણે કહ્યું, "બાંગ્લાદેશના હિંદુઓ દ્વારા લોકતાંત્રિક રીતે ઉઠાવવામાં આવેલા સ્વરક્ષણના અવાજને દબાવવાની મજબૂરીને કારણે બાંગ્લાદેશના હિંદુઓ સામે અન્યાય અને અત્યાચારનો નવો તબક્કો ઉભરી રહ્યો છે."
આરએસએસના જનરલ સેક્રેટરી હોસાબલેએ જણાવ્યું હતું કે, "બાંગ્લાદેશ સરકાર માટે ઇસ્કોનના ચિન્મય કૃષ્ણ દાસને જેલમાં મોકલવા અન્યાયી છે, જેમણે શાંતિપૂર્ણ વિરોધ પ્રદર્શનમાં હિન્દુઓની આગેવાની કરી હતી."
તમને જણાવી દઈએ કે, બાંગ્લાદેશ પોલીસે સોમવારે ચિન્મય કૃષ્ણદાસની ધરપકડ કરી હતી. કૃષ્ણદાસ બાંગ્લાદેશમાં હિંદુઓ પર થતા અત્યાચારો સામે અવાજ ઉઠાવતા હતા. તેમણે ઘણી રેલીઓ પણ યોજી હતી અને તેમના દ્વારા બાંગ્લાદેશ સરકાર સમક્ષ ઘણી માંગણીઓ રજૂ કરી હતી. સ્થાનિક કોર્ટે તેની જામીન અરજી ફગાવી દીધી છે.
આ ઘટનાને લઈને ભારતીયો તરફથી ખૂબ જ આકરી પ્રતિક્રિયાઓ આવી રહી છે. ભારત સરકારે પણ આ ઘટનાઓ પર ચિંતા વ્યક્ત કરી છે. સરકારે કહ્યું કે બાંગ્લાદેશે યોગ્ય પગલાં લેવા જોઈએ.
આ પણ વાંચો:
