દિલ્હી:રાજેન્દ્ર નગરમાં કોચિંગ ક્લાસમાં ત્રણ વિદ્યાર્થીઓના મોત બાદ વિદ્યાર્થીઓ રોષ જોવા મળી રહ્યો છે. આ મામલે બુધવારે પણ મુખર્જી નગરમાં વિદ્યાર્થીઓનું પ્રદર્શન ચાલુ છે. આ પહેલા મંગળવારે પણ વિદ્યાર્થીઓએ સૂત્રોચ્ચાર કર્યા હતા અને રોડ બ્લોક કર્યો હતો. પરિસ્થિતિને જોતા પોલીસ દળની સાથે વરિષ્ઠ અધિકારીઓ પણ સ્થળ પર હાજર હતા. આ બાબત અંગે દેશના જાણીતા શિક્ષક અને દૃષ્ટિ IAS કોચિંગના સ્થાપક ડૉ. વિકાસ દિવ્યકીર્તિએ કહ્યું છે કે, જો જાણી-અજાણ્યે અમારી ટીમે કોઈ ભૂલ કરી હોય, તો અમે ફરી એકવાર તેના માટે અફસોસ વ્યક્ત કરીએ છીએ. હવે અમે વિદ્યાર્થીઓની સુરક્ષાને લઈને વધુ સજાગ રહેવાની ખાતરી આપીએ છીએ. તાજેતરમાં, કોચિંગ સંસ્થાઓ સામેની કાર્યવાહીમાં, દૃષ્ટિ IAS કોચિંગને પણ સીલ કરવામાં આવ્યું હતું.
વિદ્યાર્થીઓએ વિરોધ સમાપ્ત કરવો જોઈએ: ડીસીપી એમ હર્ષ વર્ધને વિરોધ કરી રહેલા વિદ્યાર્થીઓને કહ્યું કે આ ઘટના બની ત્યારથી હું અહીં છું, હું તમારા બધાની લાગણીઓ અને માંગણીઓથી વાકેફ છું. અત્યાર સુધીમાં સાત લોકોની ધરપકડ કરવામાં આવી છે, હજુ તપાસ ચાલુ છે. તપાસ અંગેની માહિતી સમયાંતરે મળી રહેશે. MCDને જવાબદારી નક્કી કરવા માટે કહેવામાં આવ્યું છે. અમે MCDને પૂછ્યું છે કે, ડ્રેનેજની સફાઈ માટે શું વ્યવસ્થા છે? એમસીડીએ જેઈને ટર્મિનેટ કર્યા છે અને આસિસ્ટન્ટ એન્જિનિયરને સસ્પેન્ડ કર્યા છે. અનેક જગ્યાએ સીલ મારવાની કામગીરી ચાલી રહી છે. એમસીડીને પોલીસ પાસેથી જરૂરી સમર્થન મળશે. એલજીએ ઉચ્ચ અધિકારીઓની બેઠક લીધી છે, તમારા મંતવ્યો આટલા મોટા સ્તરે સાંભળવામાં આવી રહ્યા છે, તેથી અમે તમને પણ વિનંતી કરીએ છીએ, કૃપા કરીને તમે તમારા ઘરેથી અહીં એક ભાગ બનવા માટે આ સિસ્ટમમાં વિશ્વાસ રાખો. તમે હડતાલ સમાપ્ત કરો.